| e-texts navigator |
| Wylie |
9a1 ཡང་། རང་བཞིན་མི་དམིགས་སྟོང་པ་ལ།། མཚན་མའི་ཐ་སྙད་མིང་དུ་བཏགས།། དེ་ཉིད་སྟོང་པས་མིང་མིང་ས།། དཔེར་ན་རྨི་ལམ་རང་བཞིན་ནི།། སྐྱེས་བུ་གཉིད་ཀྱི་དབང་གྱུར་ན།། ཐང་ཅིག་སྐད་ཅིག་ཡུད་ཙམ་དང་།
9a2 ལོ་ལ་སོགས་པ་དེ་བཞིན་དུ།། བདེ་དང་སྡུག་བསྔལ་དེ་བཞིན་མྱོང་།། སངས་ནས་ཅི་ཡང་མི་དམིགས་ལྟར།། དེ་བཞིན་སྔགས་ཀྱི་སྤྱོད་པ་དག། སྟོང་པ་ཉིད་ཀྱི་རང་བཞིན་ལ།། སྤྱོད་པའི་རྣམ་པ་ཅིར་སྣང་ཡང་།། བརྟགས་ན་དམིས
9a3 བ་ཀུན་དང་བྲལ། ། གཟུགས་བརྙན་སྣང་བའི་མཚན་ཉིད་ནི།། དཔེར་ན་གདོང་དང་མེ་ལོང་ལས།། བརྟེན་ནས་བཞིན་གྱི་གཟུགས་བྱུང་ཡང་།། རེག་པར་གྱུར་པ་ག་ལ་ཡོད།། དེ་བཞིན་སྔགས་ཀྱི་དངོས་གྲུབ་ཀྱང་།། སྒྲུབ་དང་ཏིང
9a4 འཛིན་ཡོ་བྱད་ལས། ། བརྟེན་ནས་དངོས་གྲུབ་ཚུལ་བྱུང་ཡང་།། གསོལ་ཐོབ་དམིགས་པ་ག་ལ་ཡོད།། དྲི་ཟ་གནས་པའི་རང་བཞིན་ནི།། མཁའ་འམ་ཡིད་ཀྱི་མཁའ་ངོས་ལ།། དྲི་ཟའི་གཟུགས་ནི་གར་བྱུང་ཡང་།། གྲོང་ཁྱེར་དེ་ཡང
9a5 དེ་ནས་བྱུང་། ། བྱུང་ནས་དེ་ཡང་མི་རྟག་ལྟར།། གསང་སྔགས་གྲུབ་པའི་གནས་དག་ཀྱང་།། ཆོས་སམ་ཡིད་ཀྱི་མཁའ་ངོས་ལ།། རྣལ་འབྱོར་གསང་བདག་གར་བསྐྱེད་པར།། དེ་ཉིད་གནས་པའི་གཞལ་མེད་ཁང་།། བྱུང་ཡང་དེ
9a6 ལ་གནས་མི་འགྱུར། ། བྲག་ཆ་གྲག་པའི་མཚན་མ་ནི།། དཔེར་ན་ངོས་ལ་སྒྲས་རྐྱེན་པས།། ཅི་བཞིན་སྒྲ་ལྟར་བྲག་ཆ་བྱུང་།། བྱུང་ཡང་སྒྲར་ཐོས་དམིགས་པ་མེད།། དེ་བཞིན་སྔགས་ཚིག་བཟླས་པའི་སྒྲ།། དཔེར་ན་མེད་ཝ་ཡོད
9a7 བརྟགས་པའི། ། མཚན་མ་ལ་བརྟེན་སྟོང་པའི་སྒྲ།། བརྗོད་པ་ཙམ་དུ་བསྟན་པར་ཟད།། ཇི་ལྟར་ཆུ་ཡི་ཟླ་བ་ནི།། སྒྲིབ་མེད་མཁའ་ལས་ཟླ་ཤར་བ།། གཟུགས་བརྙན་དང་བའི་ཆུ་ནང་སྣང་།། སྣང་ཡང་གཟུང་བའི་རྟོག་མེད་པ། དེ
9a8 བཞིན་གཟུགས་སྣང་ཕྱག་རྒྱ་ཡང་། ། སེམས་ཀྱི་མཁའ་ལས་སྐུར་གསལ་བ།། ཕྱག་རྒྱ་རིག་འཛིན་ངོལ་སྣང་།། དེ་ལྟར་སྣང་ཡང་འཛིན་རྟོག་བྲལ།། ཇི་ལྟར་ཆར་གྱི་རྒྱུན་བཞིན་དུ།། ཆུ་ལས་ཆུ་བུར་རྣམ་པར་འབྱུང་།། དེ་ཡང་གཅིག
iiif viewer powered by OpenSeadragon
