| e-texts navigator |
| Wylie |
99b1 རྫས་རྣམས། ། ཡེ་ཤེས་གནས་ཀྱི་མ་བརྒྱད་དོ།། ཡུལ་གྱི་གཡེང་བ་རྣམ་པ་བརྒྱད།། དམིགས་མེད་དབྱིངས་ཀྱི་བྱེ་བྲག་བརྒྱད།། སྐྱ་བཞི་ལས་ཀྱི་བསྲེག་རྫས་རྣམས།། རྣམ་ཐར་སྒོ་བཞིའི་གྲོང་དུ་ཐིམ།། ཐབས་མཆོག
99b2 ལ་སོགས་རྒྱ་མཚོ་ཚོགས། ། སོ་སོའི་ཡོན་ཏན་ཐམས་ཅད་དག། རྡོ་རྗེ་ཀླུ་ཡིས་བརྗོད་ནས་ཀྱང་།། དེ་དག་མཉེས་པའི་མཆོད་པ་བརྩམ།། མཆོད་པ་ཐམས་ཅད་རྫོགས་པ་དང་།། སྒྲིབ་བྱང་མ་བྱང་དོན་ཆེན་རྣམས།། གྷ
99b3 དང་མ་གྲུབ་དོན་རྣམས་ནི། ། མེ་ལ་མཁས་པས་བརྟག་པར་བྱ།། མེ་སྒྲ་གཉིས་དང་ཁ་དོག་གཉིས།། འབར་ཚུལ་གཉིས་དང་དབྱིབས་རྣམ་དྲུག། དེ་དག་ཡོངས་སུ་ཤེས་པར་བྱ།། གལ་ཏེ་མཚན་མ་མི་སྡུག་ན།། བཀྲ་མི་ཤིས
99b4 པའི་རྟགས་ཡིན་པས། ། བསྲེག་སྦྱང་ཆེན་པོ་རྒྱས་པར་བྱ།། དེ་ནས་འདོད་པའི་རྟགས་བྱུང་ན།། མེ་ལ་འདོད་པའི་དངོས་གྲུབ་རྣམས།། རྣམ་གསུམ་གང་ལྟར་གྲུབ་པ་བླང་།། རོ་ཡི་རྫས་རྣམས་སྲེག་སྦྱངས་ནས།། རོ་ལ་སྔགས
99b5 ཀྱིས་བཏབ་ནས་ཀྱང་། ། ཤིན་དུ་དྲི་ཞིམ་སྣ་ཚོགས་ཀྱིས།། རོ་ལ་བྱུག་ཅིང་བཀྲུ་བར་བྱ།། བདུད་རྩི་ཞུ་ཆེན་ཁུ་བ་ཡིས།། རས་ལ་བླུགས་པས་རོ་བཀྲིས་ཏེ།། རོ་ཡི་གནས་རྣམས་གང་ཡིན་པར།། སྔགས་ཀྱི་སྦྱར་བ་ཀུན་བཀོད་ནས།
99b6 ཕྱག་རྒྱའི་མཚན་མས་གདབ་པར་བྱ།། རྒྱལ་བའི་དཀྱིལ་འཁོར་གང་དག་ནི།། གཞུང་ཡིན་པ་ཡི་ཕྱག་རྒྱ་རྣམས།། དུ་འབྱུང་བ་དང་མཉམ་པ་ཡི།། སྡོང་བུའི་གྲངས་ཀྱང་དེ་ལྟར་བྱ།། སྡོང་བུ་རེ་ལ་ལྷ་རྣམས་ཀྱིས།། མ་ནོར་རྩ་བའི
99b7 སྙིང་པོ་དག། རས་ཆེན་དག་ལ་བྲིས་ཏེ་གཏགས།། རོ་ཡི་སྦྱོར་བ་རྫོགས་པ་དང་།། རོ་ཡི་བྱ་ཤུན་ཐམས་ཅད་ལ།། འཁོར་བའི་བག་ཆགས་ཀུན་བཀོད་དེ།། རས་སམ་ཤིང་ཤུན་ཤོག་ཤོག་ལ།། འཁོར་བའི་ས་བོན་ཐམས་ཅད
99b8 དགོད། ། ཉོན་མོངས་ལྔ་དང་དུག་གསུམ་བཅས།། སྐྱེ་བའི་ལམ་ལྔ་རྒྱུད་དྲུག་རྣམས།། མིང་ངམ་གཟུགས་སུ་བྱས་ནས་ནི།། གནས་གནས་དག་ཏུ་དགོད་པར་བྱ།། ཁམས་དང་སྐྱེ་མཆེད་ཕུང་པོ་ལྔ།། གཟུང་འཛིན་མིང་དུ
iiif viewer powered by OpenSeadragon
