| e-texts navigator |
| Wylie |
99a1 ཧོ་མ་ཁུང་དུ། ། ཉོན་མོངས་ལྔ་ཡི་ཡམ་ཤིང་ལ།། ཡེ་ཤེས་ལྔ་ཡི་མེ་སྤར་ཏེ།། གཟུང་འཛིན་རྫས་རྣམས་བསྲེགས་སྦྱངས་ཐིམ།། སྣང་སྲིད་ནམ་མཁའི་ཧོམ་ཁུང་དུ།། འབྱུང་བ་བཞི་ཡི་ཡམ་ཤིང་ལ།། ཕྱག་རྒྱའི་ཚོགས།
99a2 ཀྱི་མེ་སྤར་ཏེ།། སྣང་སྲིད་དངོས་པོ་སྲེགས་སྦྱངས་ཐིམ།། ལས་བཞི་སོ་སོའི་ཁྱད་པར་གྱིས།། ཕྱོགས་དང་ཁ་དོག་དབྱིབས་དང་རྫས།། ཇི་ལྟར་ཡིན་པ་དེ་ལྟར་སྦྱར།། ཤར་ལྷོ་ནུབ་བྱང་དཀར་སེར་དམར།། མཐིང་ཀནག་པ་ཐལ
99a3 མདོག་སྦྱར། ། ཟླུམ་པོ་པད་མ་ལེའུ་རྩེ་ཞི།། འཁོར་ལོ་གྲུ་བཞི་ཟུར་བརྒྱད་རྒྱས།། ཟླ་གམ་གྲུ་ཆད་གཞུ་དབྱིབས་དབང་།། གྲུ་གསུམ་བྷ་ག་ཁ་མངོན་སྦྱོར།། སུམ་བརྩེགས་མདངས་དང་རི་བོ་མཛེས།། ལས་ཀྱི་ཡམ་ཤིང་རྫས་ཀྱི་རྒྱས།།
99a4 ཡེ་ཤེས་རྡོ་རྗེའི་ལས་རྒྱུད་ལྡན།། བླ་མ་གསུམ་གྱི་ཐབས་མཆོག་སྦྱར།། དག་པའི་མཐའ་འཛིན་ཉེས་མཆོག་འཛིན།། རྡོ་རྗེ་གསང་བའི་ཀླུ་བྲོ་ག་རོ།། མཆོད་པ་གསང་བ་དུས་ཚིགས་སྦྱོར།། རྡོ་རྗེ་ལམ་གྱི་སྨོན་ལམ་སྦྱར།། གསང
99a5 བ.ལས་ཀྱི་རྒྱུད་ལྡན་པས། ། བཤར་གདབ་ཞི་བའི་ལྷ་རྒྱུད་དང་།། རྒྱས་དང་དབང་བ་ཤར་རྒྱུད་བཤར་བས།། ལྷ་དང་སྔགས་དང་ཕྱག་རྒྱ་དང་།། དེ་བཞིན་རྒྱུད་དང་འབྱོར་པར་བྱ།། རིགས་ཀྱི་ལྷ་རྒྱུད་ལྔ་རྣམས་ནི།། སོ་སོའི་རིགས་སུ
99a6 བ་ཤར་བཏབ་སྟེ། ། གློང་ཡངས་འབྱིལ་བའི་ཧོ་མ་ཁུང་དུ།། དམ་རྫས་བདུད་རྩི་འབར་བ་ཡིས།། སྦྱང་དང་ཐོབ་ཕྱིར་བསྲེག་བྱར་འོས།། བསྲེག་རྫས་སྐྱེ་བའི་ཆོས་ཡིན་ཏེ།། སྐྱེ་བར་སྣང་བའི་ཆོས་ཐམས་ཅད།། འདིར་ནི་དངོས
99a7 པོ་བཞིན་སྣང་སྟེ། ། ཆོས་ཅན་རྐྱེན་དང་འབྱུང་ནས་དང་།། རང་བཞིན་ཉིད་ལས་ཆོ་འཕྲུལ་ནི།། སྐྱེ་བ་ཉིད་དུ་འདོད་པ་ཡིན།། འདི་ནི་སྐྱེ་བའི་ཆོས་ཅན་ཏེ།། རང་འབྱུང་སྲེག་རྫས་རང་ཞིར་ཐིམ།། ཉོན་མོངས་ལྔ་ཡི་དམ་རྫས་དག།
99a8 ཡེ་ཤེས་ལྔ་ཡི་གློང་དུ་དབུལ།། ཕུང་པོ་ལྔ་ཡི་དམ་རྫས་རྣམས།། ཐབས་མཆོག་ཡབ་ལྔའི་སྐུ་ལ་བསྟིམ།། འབྱུང་ལྔས་བསྡུས་པའི་བསྲེག་རྫས་རྣམས།། ཤེས་རབ་ཡུམ་ལྔའི་གློང་དུ་བསྟབ།། རྣམ་ཤེས་བརྒྱད་ཀྱི་བསྲེག
iiif viewer powered by OpenSeadragon
