| e-texts navigator |
| Wylie |
98b1 ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་རྒྱུད་ལས་བཀའ་གསང་འཁོར་ལོའི་བསྒྲུབ་པའི་ལེའུ་སྟེ་ཉི་ཤུ་རྩ་ལྔ་པའོ། ། །། དེ་ནས་བཅོམ་ལྡན་འདས་སེམས་དཔའི་རྡོ་རྗེ་དེ་རྡོ་རྗེ་མེ་ཀློང་འབར་བ་ཞེས་བྱ་བའི་ཏིང་ངེ
98b2 འཛིན་ལ་སྙོམས་པར་ཞུགས་སོ། ། དེ་ནས་འདུས་པའི་ཚོགས་ཐམས་ཅད་ཀྱིས་ཆོས་ཐམས་ཅད་མའི་རང་བཞིན་དུ་སྣང་བར་མཐོང་ངོ་།། དེ་ནས་འཁོར་རྣམས་ཀྱིས་ཤིན་དུ་བསྟོད་པ། ཨེ་མའོ་སེམས་དཔའ་ཆེ་བ་ཆེ།། ཏིང་འཛིན
98b3 ཆེན་པོ་སྣང་བ་ཆེ། ། ཆོ་འཕྲུལ་ཆེན་པོ་སྣ་ཚོགས་ཆེ།། ཐབས་མཆོག་ཁྱོད་ལ་ཕྱག་འཚལ་ལོ།། ཆོས་ཀུན་མེ་ཀློང་བཞིན་དུ་སྣང་།། མེ་ཉིད་ཡེ་ཤེས་གསལ་བའི་གློང་།། འབར་འབྲོ་གསལ་བར་གྱུར་པས་ནི།། མུན་གསལ་དངོས་པོ
98b4 ཐམས་ཅད་བསྲེགས། ། བདེ་ཆེན་དབྱིངས་སུ་ཀུན་རྫོགས་པར།། དཔའ་བོ་ཁྱོད་ཀྱིས་མཛད་པ་ལེགས།། ཐུགས་རྗེ་ཆེན་པོ་ཨ་ལ་ལ།། དོན་གྲུབ་ཆེན་པོ་ཨ་ལ་ལ།། སྒེག་པ་ཆེན་པོ་ཨ་ལ་ལ།། འཇིགས་བྱེད་ཆེན་པོ་ཨ་ལ་ལ།
98b5 དགྱེས་པ་ཆེན་པོ་ཨ་ལ་ལ།། དྲེགས་པ་ཆེན་པོའི་ཨ་ལ་ལ།། དཔའ་བོ་ཁྱོད་ཀྱི་བྱིན་རླབས་ཀྱིས།། བདག་ཅག་རྣམས་ལ་བཤད་པ་ཤོད།། མེ་ཡི་རང་བཞིན་ཆེན་པོ་དག། བདག་ཅག་རྣམས་ལ་བཤད་པར་གསོལ་ཞེས
98b6 གསོལ་བ་བཏབ་པ་ལས། ། སེམས་དཔའི་རྡོ་རྗེས་དགྱེས་ཏེ་འདི་སྐད་ཅེས་བཀའ་སྩལ་ཏོ།། འདུས་པ་ཆེན་པོའི་རྣལ་འབྱོར་པ།། རྡོ་རྗེ་མེ་ཡི་རང་བཞིན་དག། བཤད་ཀྱི་ཁྱོད་རྣམས་གུས་པར་ཉོན།། རྡོ་རྗེ་མེ་ཡི་ལས་མཆོག་འདིས
98b7 རྣལ་འབྱོར་ཐབས་སུ་བདེ་སྦྱར་བས། ། རྒྱལ་བ་ཀུན་མཉེས་ཀུན་བསྲེག་སྐོངས།། དོན་གྲུབ་ལས་ཀྱི་མཆོག་ཏུ་བཤད།། སྐྱེ་མེད་རྣམ་དག་ཧོམ་ཁུང་དུ།། ཆོས་ཅན་སྐྱེ་བའི་ཡམ་ཤིང་ལ།། སྤྲོས་མེད་བྱང་ཆུབ་ཡེ་ཤེས་མེས།།
98b8 མཚན་མའི་བག་ཆགས་བསྲེགས་སྦྱངས་ཐིམ།། རྣམ་དག་བྷ་གའི་ཧོམ་ཁུང་དུ།། ཆགས་པའི་ཡམ་ཤིང་སྤངས་པ་ལ།། བདེ་ཆེན་བྱང་ཆུབ་མེ་སྤར་ཏེ།། འཁོར་བའི་དངོས་པོ་བསྲེགས་སྦྱངས་ཐིམ།། དཔལ་ཆེན་ཞལ་གྱི
iiif viewer powered by OpenSeadragon
