| e-texts navigator |
| Wylie |
95b1 གམ་མཐའ་ཟད་བྲི་བར་བྱ།། རིན་ཆེན་གེ་སར་ཕྲེང་བས་ནི།། པད་མའི་ལྕེ་ལ་བསྐོར་བར་བྱ།། སྒོ་བཞི་རིན་ཆེན་འབར་བར་བྱ།། ཕྱག་རྒྱ་འབར་བའི་ལྷ་བཀོད་ནི།། དབུས་སུ་གསེར་པོར་སུལ་མེད་ལ།། དུང་ཆེན་འཁོར་བ་ཅན་གྱིས་སྦྱང
95b2 ཤར་དུ་ཤེལ་པོར་སུལ་འགྲེང་ལ། ། རིན་ཆེན་མཛོད་སྔ་གསལ་བས་སྦྱར།། ལྷོ་རུ་རིན་ཆེན་སུལ་མངས་ལ།། རིན་ཆེན་ལོ་འད་བ་རྒྱས་པས་སྦྱར།། ནུབ་དུ་རྒྱ་ཕོར་ཟླག་མ་ལ།། བཞིན་མཚམས་རིན་ཆེན་འབུར་གཉིས་སྦྱར།། བྱང་དུས
95b3 པོར་རྒྱ་གྲམ་ལ། ། གཙུག་ཏོར་རིན་ཆེན་འབུར་བཞི་རྒྱས།། རྩ་བ་ལྔ་ནི་ཕྱོགས་ཕྱོགས་སྦྱར།། སྒོ་ལྔའི་གཙོ་བོ་རིགས་སུ་སྦྱར།། དབུས་ནས་ཤར་ལྷོ་ནུབ་བྱང་དུ།། ཀ་ཀོ་ལ་དང་དུ་རུ་ཀ། འཛ་ཏི་བ་ལ་ཁ་དྲི་ཞིམ།། ལྕེ་པོག་དཀར་བྲེརམ
95b4 པར་སྦྱར། ། དེ་བཞིན་གོང་གི་རིམ་པ་བཞིན།། ཨ་རུ་ར་དང་ག་པུར་དང་།། གུར་ཀུམ་པད་མ་ལི་ག་ཏུར།། དེ་ན་ར་ས་ཡ་ན་རྣམས།། ཐམས་ཅད་རིགས་དང་ཁ་དོག་དང་།། ལས་དང་འཐུན་པར་སྦྱར་བར་བྱ།། ས་བོན་ལྔ་ནི་རིམ་པར་སྦྱར།། དཔལ
95b5 དང་ལྡན་པའི་སྣོད་ནང་དུ། ། ཡབ་ཡུམ་སྙིང་པོ་རིམ་བཞིན་བྱ།། དབུས་དད་པད་མ་ལྕེ་ལ་དགོད།། གནས་ཡུལ་ལ་སོགས་མཛེས་པར་གཞག། དུར་ཁྲོད་རྫས་དང་བཀྲ་ཤིས་རྫས།། འབྱོར་པའི་ཡོ་བྱད་ཐམས་ཅད་བཤམ།། དེ་ན་བྱིན
95b6 ཕབ་དངོས་གྲུབ་གསོལ། ། ཐམས་ཅད་རྣམ་པར་སྦར་བར་བྱ།། དམ་པ་དེ་ཉིད་གསང་ཆེན་གྱི།། རིགས་བརྒྱ་རིགས་ལྔ་རིགས་གཅིག་གིས།། ཐམས་ཅད་སྦྱང་བའི་མཆོག་ཏུ་བྱ།། དེ་ནས་ཁྲོལ་བུ་སྦྱང་བ་ན།། བསལ་བསྔོ་བསྡུ་དང་དབྱེ་བ
95b7 དང་། ཁྲུས་བྱ་བ་དང་བཤགས་པ་དང་།། ཡོན་ཏན་བརྗོད་དང་བྱིན་དབབ་བྱ།། དེ་ནས་སྐད་ཅིག་ཐང་ཅིག་གམ།། ཞག་གཅིག་དག་གིས་སྦྱར་བར་བྱ།། རྟགས་དག་བྱུང་ན་དེར་འབྱོངས་པའོ།། ཕྱེ་མའི་མཆོག་ཏུ་སྦྱར་བ་ནི།། སྣོད་ཀྱི་སྨན་རྣམས
95b8 ཤེས་རབ་མས། ། བསྡུས་ཏེ་བཏག་པའི་ཆོ་ག་ཡང་།། ཡུམ་གྱིས་བཟུང་ཞིང་ཡབ་ཀྱིས་བཏག། རིགས་འཛིན་རྩལ་ཅན་དབབ་ཅིང་དྲང་།། སོ་སོ་ལས་ཀྱི་སྔགས་བརྗོད་ཅིང་།། གཏན་གཏུན་ཐབས་དང་ཤེས་རབ་སྟེ།། སྨན་ཉིད་བྱང་ཆུབ་སེམས
iiif viewer powered by OpenSeadragon
