| e-texts navigator |
| Wylie |
95a1 བདྲད་ཅིའི་རང་བཞིན་དུ་ཤེས་པར་བྱའོ། ། དེ་ལྟར་ཤེས་ནས་ཀུན་རྫོབ་དུ་འདི་ལྟར་བསྒྲུབ་པར་བྱའོ།། ཇི་བཞིན་འབྱུང་ལྡན་པ་དེ་སྦྱར་ནས།། མ་ཏྲང་ལོག་པའི་སྙེང་ཀ་རུ།། འདོམ་གང་ཚད་དང་འཐུན་པ་ལ།། རྩིབས་བརྒྱད
95a2 འབར་བའི་འཁོར་ལོར་གདབ། ། མེ་ཡི་འོད་ཀྱིས་བསྐོར་བར་བྱ།། རྡོ་རྗེ་རེབས་བསྐོར་བ་ཡི།། མཐའ་མ་སྒོ་ཁྱུད་འབར་བར་བྱ།། དབུས་སུ་རིན་ཆེན་ཟར་བརྒྱར་བྱ།། དེར་ནི་ཕྱག་རྒྱ་འབར་བ་དགོད།། ལང་ཀ་བསྒྲལ་བའི་གནས
95a3 མཆོག་འདིར། ། རལ་པ་ཅན་གྱི་ཚོགས་འདུས་ཏེ།། རཀྵ་འཇོམས་པའི་མཐུ་ཆེན་ཀུན།། སྲིད་པ་གསུམ་རིལ་འདིར་སྒྲོལ་བའོ།། དུས་བཞི་མཆོད་པའི་ངས་རྫས་ཀྱིས།། དེ་དག་ཇི་ལྟར་རིགས་པར་མཆོད།། དུས་བཞི་བཅུད་སྨིན་སྙིང་པོ་ཡིས།།
95a4 དངོས་གྲུབ་ཆེན་པོའི་རྗེས་སུ་བྱ།། ཕྱོགས་བཞི་དབུས་ཀྱི་རྫས་ཆེན་རྣམས།། རྨད་དུ་བྱུང་བའི་རལ་པ་ཅན།། འབྱུང་བ་ལྔ་ལ་དབང་སྒྱུར་མཛད།། འབྱུང་བ་ལྔ་ཡི་ཆོ་འཕྲུལ་སྒྲུབ།། དབྱར་ཆུ་སྟོན་མེ་དགུན་ས་སྟེ།། དཔྱིད་རླུང་ནམ་མཁའ་གས
95a5 བར་སྦྱར། ། ཆོ་འཕྲུལ་དེ་ལ་དབང་ཐོབ་ནས།། དེ་དག་རལ་པ་ཅན་དུ་བསྒྲུ་བ།། ཏིང་འཛིན་རྣམ་པ་ལྔ་གསལ་བས།། འབྱུང་ལྔ་ལས་བྱུང་ཤ་རིགས་ལྔ།། ཁྱི་ཤ་བ་གླང་རྟ་ཤ་དང་།། བྱ་དང་རི་དགས་སྣ་ཚོགས་ནི།། རྫུ་འཕྲུལ་ཤུག་སུ་སྒྲུབ་པའི
95a6 རྫས། སྒྲུབ་པའི་རྫས་ཆེན་འབྱུང་ཆེན་ལྔ།། འཇིག་རྟེན་ཀུན་ལ་དབང་སྒྱུར་བའི།། དེ་ལྟར་རྫས་རྣམས་འབྱོར་པ་དང་།། ཏིང་འཛིན་བསྒོམ་དང་བསྒྲུབ་པ་དང་།། ཐམས་ཅད་གོང་དང་མཐུན་སྦྱར་ནས།། འཇུག་དང་དངོས་གྲུབ་དབང་ཆེན
95a7 རྣམས། ། ཅི་རིགས་པར་ནི་བདེ་བར་སྦྱར་ཞེས་གསུངས་སོ།། བདུད་རྩི་རང་བྱུང་དཀྱིལ་འཁོར་ཞེས་བྱ་བའི་མདོ་བཤད་པའོ།། དེ་ནས་ཡང་སེམས་དཔའ་རྡོ་རྗེ་དེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་པ།། གཞན
95a8 ཡང་བདུད་རྩི་ཆེན་པོ་ནི། ། གོང་མ་བཞིན་དུ་ལེགས་སྦྱར་ནས།། མཎ་ཌ་ལ་ཆད་དང་འཐུན་པ་ལ།། པད་མ་དམར་པོ་འོད་ཀྱི་མཁའ།། ཕྱི་རིམ་ཟླ་ག་མ་དམར་པོ་བཞི།། རྡོ་རྗེ་འབར་བས་མཛེས་པར་བསྐོར།། མེ་ལྕེ་འབར་བའི་ཕྲེང་བ་ནི། རྦ།
iiif viewer powered by OpenSeadragon
