| e-texts navigator |
| Wylie |
92b1 དེ་ནས་སེམས་དཔའི་རྡོ་རྗེས་འདི་སྐད་ཅེས་གསུངས་སོ།། འདུས་པ་ཆེན་པོའི་རྣལ་འབྱོར་རྣམས་དྲེགས་པ་ཅན་གྱི་ཚོགས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ།། འདི་ནི་བྱས་ལ་སོགས་པའི་ལས། འདི
92b2 ལྟར་འབྱོར་དང་ཕུན་སུམ་ཚོགས། ། ཐབས་ལ་མཁས་དང་ཡོ་བྱད་དང་།། ཇི་ལྟར་རིག་པར་འདིར་བ་བྱ།། དེ་ནས་མཎ་ལ་འདྲ་ཅིག་ལ།། དུར་ཁྲོད་མགོ་མ་ཡང་དུ་བྱ།། ཟུར་བཞི་མརྐཎྜལ་བཞི་བྱས་ལ།། བཞི་ལས་དེ་བཞིས་ཆག་རེས
92b3 བསྟོད། ། དེ་ཉིད་མ་ཏད་གཟུགས་སུ་བྱ།། སྙིང་ཀ་མན་ཆད་དབུས་སུ་བསྣོལ།། དཀྱིལ་འཁོར་ཆེན་པོའི་འོག་ཏུ་གཞུག། འཁོར་ལོ་འབར་བའི་ཐིག་བཏབ་སྟེ།། དཔལ་ཆེན་ལྔ་ཡི་ཕྱག་རྒྱ་བྱ།། ཁྱམས་གཉིས་དག་གིས་མཛེས་པ་ལ།
92b4 གནས་དང་ཡུལ་གྱི་ཕྱག་རྒྱ་དགོད།། སྒོ་བཞིར་རྡོ་རྗེ་སྒོ་པ་བཞི།། ཡན་ལག་སྤྲུལ་པའི་མགོ་བརྙན་གནས།། ཕྱི་ཁྱམས་རྡོ་རྗེ་མེ་རིར་བྱ།། དེ་ཡི་ཕྱི་རོལ་ཕྲེང་ཆེན་གཏམས།། སྐམ་དང་ར་རི་རློན་པས་བསྐོར།། དེ་ཡི་ཕྱི་རོལ་མེ་བུར་འཚུག།།
92b5 སྐལ་པའི་བུ་ཡུག་བྲི་བར་བྱ།། རྡོ་རྗེ་སྒོ་ཁྲུད་སྒོ་གང་དུ།། གུ་གུ་ཐུལ་དང་ཟར་ཚགས།། ཞིང་དང་སྦྲུལ་གྱི་ཆུན་པོ་བྲི།། དེ་ནས་བན་ད་དཔལ་ལྡན་ལ།། རྡོ་རྗེ་དཔལ་གྱི་ཡི་གེ་དག། བྲིས་ལ་ཁ་སྦྱར་སྦུབ་ཏེ་བཞག། གའུ་ཆུང་ལ་རལ་པ
92b6 ཅན་བརྒྱད་བྲིས་འབྱུང་བའི་གནས་སུ་གཞག། ལས་བྱེད་བརྒྱད་དམ་བཅུ་གཉིས་ལ།། ལས་བྱེད་བཅུ་གཉིས་བྲིས་ལ་དགོད།། ཐར་པ་གནས་ཀྱི་དཀྱིལ་འཁོར་དུ།། གདོལ་པ་འབྱུང་པོ་ང་རྒྱལ་ཅན།། ཆགས་སྡང་རྣམ་ཀྱིས
92b7 བསླང་བའི་རྒྱུ། ། དེ་ཡི་དུག་གསུམ་གཤིག་པའི་ཕྱིར།། དོན་གྱི་བསྒྲུབ་པ་ཆེན་པོ་བཤད།། རུ་དྲ་ལྔ་ཡི་ཚོགས་ཆེན་ཏེ།། ཏིང་འཛིན་ཡེ་ཤེས་ལྔས་བཅོམ་ནས།། རྡོ་རྗེ་དྲོད་ཀྱིས་རྣམ་པར་སྦྱར།། མདོ་ཡིས་ལ་སྟབས་གཅིག་ཏུའོ།།
92b8 བགེགས་ཀྱི་བགེགས་ཏེ་བགེགས་ཆེན་པོ།། དུག་ལྔ་རྟོག་པ་ཉིད་ལས་སྐྱེས།། བྱེ་དང་གསུམ་གྱི་དུར་ཁྲོད་ན།། གཞི་རྩ་ངག་དང་ལུས་སེམས་སོ།། བརྗིད་ལྡན་དཔལ་ཆེན་དུར་ཁྲོད་བདག། བདག་བརྟོག་རྟོག་འཇོམས་ཏིང་འཛིན
iiif viewer powered by OpenSeadragon
