| e-texts navigator |
| Wylie |
91a1 ལགས་ཀྱིས་བདག་ཅག་རྣམས་ཀྱི་དོན་ཆེད་དུ་སྒྱུ་མའི་ཆོས་ཐམས་ཅད་བཤད་དུ་གསོལ་ཞེས་གསོལ་པ་ལས། ། བཅོམ་ལྡན་འདས་ཀྱིས་བཀའ་སྩལ་པ།། ཚོགས་བདག་ཆེན་པོ་སྒྱུ་མའི་ཆོ་འཕྲུལ་ནི་འདི་ལྟར
91a2 རིག་པར་བྱའོ། ། ཆོས་རྣམས་ཐམས་ཅད་སྒྱུ་མར་སྡང་།། སྒྱུ་མིའི་རང་བཞིན་སྟོང་པ་སྟེ།། སྟོང་པའི་དོན་རྣམས་གང་ཡིན་པ།། མི་འགྱུར་མི་ཤིགས་རྡོ་རྗེའི་དོན།། སྟོང་པ་ཉིད་ལ་སྒྱུ་མ་ཡི།། ཆོ་འཕྲུ་འི་བྱེ་བ་མང་པོ་འབྱུང་།། དེ
91a3 བཞིན་སྒྱུ་མའི་ཆོ་འཕྲུལ་ཡང་། ། གྱི་ནད་ཙམ་གྱི་རྒྱུ་རྐྱེན་ལས།། ཆོ་འཕྲུལ་གཟུགས་ནི་ཐ་དད་སྣང་།། སྣང་ཡང་དངོས་པོར་མ་གྲུབ་སྟེ།། འགྱུར་འཇིག་མེད་པས་རྡོ་རྗེའི་འདོན།། ཀུན་རྫོབ་སྒྱུ་མའི་མཚན་ཉིད་ཀྱང་།། རྡེའུ་དང་ཤིང
91a4 བུའི་རྒྱུ་དག་ལས། ། སྨན་དང་སྔགས་ཀྱི་རྐྱེན་སྦྱར་ནས།། འབྲས་བུ་སྒྱུ་མའི་ཆོ་འཕྲུལ་འབྱུང་།། སྒྱུ་མའི་གསད་ཚིག་སྦྱོར་བ་ནི།། སྒྱུ་མའི་བདག་པོས་འདི་སྐད་བཤད།། སྒྱུ་ལ་འདོད་པའི་གཟུགས་བྱས་ལ།། ཤེའུ་རེའུ་སྨན
91a5 གྱི་བཏབ་ནས་ནི། ། གསང་སྔགས་འདི་ཡི་སྦྱོར་བ་བྱ།། ཤེའུ་རེའུ་ཨི་ན་ཡ།། ཨ་མོ་ཁ་ཨ་འགུས་ས་འགུས།། ཆག་ཤིང་དག་གིས་བརྡབས་བྱས་ན།། ཇི་ལྟར་འདོད་པ་སྣ་ཚོགས་བྱ།། བསྡུ་བར་འདོད་ན་སླར་བཟློག་། དེས
91a6 ན་སྒྱུ་མའི་གཡང་བ་ཅན། ། དྲང་བའི་ཐབས་ཀྱི་དཀྲིས་པར་བྱ།། རྒྱུད་ཀྱི་རྒྱལ་པོ་ཆེན་པོ་རྡོ་རྗེ་བཀོད་པ་ཀུན་འདུས་རིག་པའི་མདོ་ལས་སྒྱུ་མ་རྡོ་རྗེའི་བསྒྲུབ་ལུགས་ཀྱི་ལེའུ་སྟེ་བཅཝ་བརྒྱད་པའོ།། །། དེ་ནས་ཡང་སེམས་དཔའི
91a7 རྡོ་རྗེ་དེས་འདི་སྐད་ཅེས་གསུངས་སོ། ། འདུས་པ་ཆེན་པོའི་ཚོགས་ཆོས་ཐམས་ཅད་ལ་དབང་སྒྱུར་བར་འདོད་ན་འདི་ལྟར་རིག་པར་བྱའོ།། ཕུན་སུམ་ཚོགས་པ་ཀུན་ལྡན་ནས།། སྟེགས་བུ་ཀུན་དུ་གྲུ་བ་ཞི་ལ།། མུ་ཁྱུད་ཅིག་ཏུ
91a8 བསྐོར་ནས་ནི། ། ཟླ་བ་ཁམ་པའི་དབྱིབས་སུ་སྦྱར།། སྒོ་བཞི་གྲུ་ཆད་བཞིར་ལྡན་བྱ།། དབྱིབས་ཀྱིས་ཐིག་ལེ་ཟླུམ་པོ་ལ།། རྡོ་རྗེ་དང་ནི་ཉི་མས་བསྐོར།། དབུས་སུ་བན་ད་དཔལ་ལྡན་ལ།། དཔལ་ཆེན་ཡབ་ཡུམ་སྦར་ལ་བཞག། ཚལ
iiif viewer powered by OpenSeadragon
