| e-texts navigator |
| Wylie |
8b1 པའི་དོན་རྣམས་གང་འབྱིན་པ། ། ཇི་ལྟར་མེ་ལོང་གཟུགས་བརྙན་ལྟར།། དགོངས་དོན་རིག་ལ་སྣང་གྱུར་པ།། མ་སྐྱེས་སྙིང་པོའི་དོན་གྱིས་ན།། ཚིག་ཏུ་སྤྲོ་བར་མ་ཡིན་ནའང་།། མཚན་མ་ཚིག་གི་རྣལ་འབྱོར་པ།། ཚིག་ལ་ཞིང
8b2 ཅིང་དོན་ལ་རྩིང་། ། ཚིག་ཕྱར་བྲོ་འབྲིང་རྩལ་ཞེན་རྣམས།། བཀྲི་ཕྱིར་བསམ་པ་རངས་བྱ་བ།། མི་དམིགས་པ་ལས་དམིགས་པ་ཡི།། ཆོ་འཕྲུལ་ཚིག་གིས་མཚོན་པ་ནི།། བདེར་གཤེགས་རྒྱལ་བ་ཀུན་གྱི་ཐུགས།། གསང་བ་དེ་ཉིད་སྙིང
8b3 པོའིའདོན། ། མཉམ་ཉིད་བྱང་ཆུབ་ཐེག་ཆེན་པོ།། གསལ་བར་བཀོད་དེ་ངེས་བརྗོད་ཀྱིས།། རྒྱ་ཆེན་འདུས་པའི་ཚོགས་རྣམས་ཉོན།། ད་ནི་དུས་གསུམ་བཞུགས་པ་ཡི།། རྒྱལ་བ་ཀུན་གྱི་སྙིང་པོ་སྟེ།། སྟོང་པར་སྦས་པའི་དོན་འདི་ལ།
8b4 དཔེས་མཚོན་ཚིག་གི་ལྡེ་མིག་གིས།། མཉམ་ཉིད་རིག་པའི་སྒོ་དབྱེ་བྱས།། སྦས་པའི་དོན་འབྱིན་གསལ་བྱེད་པ།། ས་ལུ་ཕུབ་ཁྲོད་སྣད་མེ་བཞིན།། བསལ་བཏེག་སྣང་རྙེད་ས་ལེར་འདུག། ཟབ་མོར་སྤྱོད་པ་ལ་མོས་པས།། གང་ཞིག་དོན
8b5 ལ་འདྲིས་པ་ཡི། ། གསང་སྔགས་སྤྱོད་པའི་རང་བཞིན་ནི།། འཐུན་པའི་དམིགས་བཅུ་དཔེར་བཞག་སྟེ།། རྣལ་འབྱོར་ཅན་གྱིས་ཤེས་པར་བྱ།། སྒྱུ་མ་སྨིག་སྒྲ་རྨི་ལམ་དང་།། གཟུགས་བརྙན་དྲི་ཟ་གྲོང་ཁྱེར་དང་།། བྲག་ཆ་ཆུ་ཟླ་མིག་ཡོད
8b6 དང་ཆུ་བུར་འཁྲུལ་དང་མགལ་མེར་སྣང་། ། སྒྲུབ་དང་གསང་སྔགས་སྤྱོད་པ་དང་།། གྲུབ་པ་དང་ནི་གནས་དག་དང་།། བཟླས་པའི་སྒྲ་དང་ཕྱག་རྒྱར་རྟོག། ཏིང་འཛིན་ལྟ་བ་ཆོ་འཕྲུལ་བརྟག། ཇི་ལྟར་སྒྱུ་མའི་མཚན་ཉིད་ནི།། སྐྱེས་བུ་དག
8b7 གི་རྩོལ་བ་དང་། ། སྨན་དང་སྔགས་ཀྱི་སྦྱོར་བ་ལས།། དབང་པོ་ཡིད་འཕྲོག་ཅིར་སྣང་ཡང་།། དེ་ལ་འགྲོ་འོང་ག་ལ་ཡོད།། དེ་ལྟར་སྒྲུབ་པའི་མཚན་ཉིད་ཀྱང་།། ཡིག་འབྲུ་རྫས་ཀྱི་སྦྱོར་བ་ལས།། གྲུབ་པར་སྣང་ཡང་རང་བཞིན་མེད།།
8b8 ཇི་ལྟར་སྨིག་རྒྱུའི་མཚན་ཉིད་ནི།། ཞིང་པོའི་དུས་ཀྱི་ཟླ་བ་ལ།། དྲོད་དང་ཉི་མའི་སྦྱོར་བ་ལས།། བྱིས་པ་གདུངས་པའི་རང་བཞིན་གྱིས།། ཆུ་ཡི་འདུ་ཤེས་ཅི་བསྐྱེད་ཀྱང་།། ཚིམ་པའི་རྒྱུད་ནི་ག་ལ་འགྱུར།། གསང་སྔགས་མིང་གི་བྱད
iiif viewer powered by OpenSeadragon
