| e-texts navigator |
| Wylie |
8a1 ཡེ་ཤེས་ཐམས་ཅད་ཀྱི་འབྱུང་གནས་ཆེན་པོར་གྱུར་པ་ཡིན་ནོ། ། དེ་ཅིའི་ཕྱིར་ཞེ་ན། ཐོག་མ་དང་ཐ་མ་མེད་པ་མཉམ་པའི་དུས། བ་མཐའ་ལས་ཀྱང་ཕ་མཐའ། དཔག་ཏུ་མེད་ཅིང་བསམ་དུ་མེད་པ།
8a2 ཟས་པའི་དུས་ནས་བྱ་བ་བྱས་ཤིང་བྱེད་པ་བྱས་པ། མངོན་པར་རྫོགས་པར་སངས་རྒྱས་པ་ཡིན་ཏེ། ཆོས་ཐམས་ཅད་ཀྱི་རང་བཞིན་དུ་སྦྱོར་ཞིང་གནས་པས་ན། རྒྱལ་བ་ཐམས་ཅད་ཀྱི་ཐུགས་ལས་སྐྱེས་ཤིང་ཐམས་ཅད་ཀྱི་ཡབ་དུ་གྱུར
8a3 པ་ཡིན་ཏེ། དེ་འདྲའོ་ཞེས་བཀའ་སྩལ་པ་ལས་འདུས་པའི་འཁོར་ཐམས་ཅད་ངོ་མཚར་དུ་གྱུར་ཏེ། བཅོམ་ལྡན་འདས་འདི་ནི་འདི་ལྟར་ངོ་མཚར་ལགས་སོ།། བདེ་བར་གཤེགས་པ་འདི་ངོ་མཚར་ལགས་སོ།། སེམས་དཔའ་རྡོ་རྗེ
8a4 དམ་པ་ལ་ལོགས་སུ་བཏུད་དེ་ལུས་ས་ལ་བརྡབས་པའི་ཕྱག་རྣལ་འབྱོར་ལུགས་སུ་བྱས་ཏེ་རྨད་དུ་བྱུང་བའི་མེ་ཏོག་དང་། ཚོགས་ཀྱི་མཆོད་པ་སྣ་ཚོགས་བྱས་ཏེ། འདི་ལྟར་རྨད་བྱུང་ངོ་མཚར་ཁྱོད།། སངས་རྒྱས་ཐུགས་ལ
8a5 རྒྱལ་སྐྱེས་པ། ། ཅི་ལྟར་ཞིང་འདིར་སྣང་ཞིག་གུ།། རྣལ་འབྱོར་ཡབ་གྱུར་རྒྱལ་བའི་སྲས།། ངོ་མཚར་ཁྱོད་ཀྱིས་སྤྱོད་པས་ན།། བཀའ་ཡི་འཁོར་ལོ་རོབ་བསྐོར་བ།། བསྒྲུབ་པའི་ལམ་མཆོག་དམ་པ་དག། ཚིག་གིས་མཚོན་དེ།
8a6 གསལ་བར་མཛོད།། ཨ་ལ་ལ་ཧོ་ཞེས་གསོལ་བ་བཏབ་པོ།། དེ་ནས་དམ་པ་རྡོ་རྗེས་རྡོ་རྗེ་བསྐོར་ཏེ་བསྒྱུར་ནས་བརྗིད་བག་ཏུ་མཚོན་ཏེ་སྨྲས་པ། ཨོཾ་ཨཱ་ཧཱུཾ། ཨ་ལ་ལ་ཧོ། རྒྱལ་བའི་སྲས་པོས་ཅང་མི་གསུང་། མི་གསུང་བས་ནི་རྒྱ་ཆེར།
8a7 བཤད། བཤད་དུ་མེད་པའི་ཆོས་འདི་ནི། རྒྱལ་བ་རྣམས་ཀྱིས་མ་བཤད་དེ།། དེ་ལྟར་སྟོན་པ་རྒྱལ་མཆོག་ཀྱང་།། རྣམ་པར་བརྗོད་པར་མི་བཞེད་དེ།། རྒྱ་ཆེར་བཤད་པར་དགོངས་པའོ།། སྐྱེ་བ་མེད་པའི་ཆོས་རྣམས་ནི།། མ་སྐྱེས་པར
8a8 ཡང་སྙིང་པོར་བཞེད། ། སྙིང་པོའི་དོན་དུ་གང་གྱུར་པ།། ཚིག་ཏུ་སྨྲ་བ་ལེགས་མ་ཡིན།། སྤྲོས་པ་ཉིད་ན་གོལ་བ་ཞེས།། རྒྱལ་བ་རྣམས་ཀྱིས་ཡང་དག་བཤད།། དེ་བས་རྡོ་རྗེ་རྒྱལ་པོ་ཉིད།། བཀའ་མ་སྩལ་བར་དགོངས་པའོ།། དགོས
iiif viewer powered by OpenSeadragon
