| e-texts navigator |
| Wylie |
6b1 སྒྲ་གཅིག་ཏུ། ཨེ་མའོ་རྨད་བྱུང་རོལ་པའི་ཆོས་ཀྱི་དོན་བྱུང་ངོ་ཞེས་སྒྲོགས། འཁོར་འབུམ་ཕྲག་དང་གདུལ་བྱ་སྣ་ཚོགས་སྤྲོ་བའི་ངོ་མཚར་སྐྱེད། རིག་པའི་རྩལ་སྦྱངས་དོན་གྱི་ཕྱེ་བ་ཕྱུང་།། དམ་ཞིང་ངོ་མཚར་བར་གྱུར་ཏེ།། ཐམས
6b2 ཅད་ཉེ་བར་གནས་སོ། ། དེ་ནས་ཡང་བཅོམ་ལྡན་འདས་གསང་བ་མཆོག་གི་བདག་པོ་དེས་འཁོར་རྣམ་པར་སྦྱོང་བའི་རྡོ་རྗེ་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། སྙོམས་པར་ཞུགས་ནས་རྡོ་རྗེ་སྔགས་ཀྱི་ཚིག
6b3 འདི་གསུངས་སོ། ། ཧཱུཾ་ཧཱུཾ་ཧཱུ~ཾ་རྡོ་རྗེ་འདྲ་བར་བསྡུས་པ་ཡི།། དམ་ཚིག་ཆེན་པོའི་རིག་འཛིན་རྣམས།། བླ་འོག་རིམ་པ་ཇི་བཞིན་དུ།། རྡོ་རྗེ་གསང་བའི་གྲལ་འཁོད་དེ།། རིགས་མ་ཡིན་པ་རིགས་མིན་འགྱུར།། བསྐལ་པ་བཟང་པོའི་དམ་ཚིག
6b4 འདི། སྐལ་བ་ངན་ལ་འབབ་མི་འགྱུར།། དེ་ལས་འདས་ན་དེ་བརླག་བྱེད།། ཧཱུཾ་ཀྲོ་དྷ་ཛྭ་ལ་ས་མ་ཡ། རཀྵ་ཛྭ་ལ་ས་མ་ཡ། ཡཀྵ་ཛྭ་ལ་ས་མ་ཡ། ཙི་ཏ་ཏ་ཛྭ་ལ་ས་མ་ཡ་ཞེས་གསུངས་པ་ཙམ་གྱིས་ཞལ་ལྗགས་ཀྱི་དབང་པོ་འོད་མ་དཔུང
6b5 ཆེན་པོ་ལས་ཁྲོ་བོ་འོད་ཀྱི་ཕྲེང་བ་འབར་བ་དང་། སྲིན་མོ་འོད་ཀྱི་ཕྲེང་བ་འབར་བ་དང་། གནོད་སྦྱིན་འོད་ཀྱི་ཕྲེང་བ་འཁྲུག་པ་དང་། ཟ་བྱེད་འོད་ཀྱི་ཕྲེང་བ་འབར་བ་བརྒྱད་མར་བྱུང་བས་རུ་ཏྲ་ཅན་དང་། བདུད་དང་སྲིན་མོ་དང་། གནོད་སྦྱིན
6b6 དང་སྲིན་པོ་དང་། འཇུག་སྲེད་དང་། སྲེད་མེད་དང་དབང་ཕྱུག་དང་། སྟོབས་ལྡན་དང་སྤྲེའུ་དང་། ར་དང་ལུ་འདི་དང་། སྦྲང་མ་དང་བྱ་རོག་དང་། མེ་ཁྱེར་དང་འཁོར་བ་དང་། ཆུ་དང་ས་དང་། ནམ་མཁའ་དང་མེ་དང་། སྒྲ་དང་བསམ་ངན་ལ་སོགས
6b7 པ་བརླག་སྟེ། མི་གནས་པར་གྱུར་ཅིང་རྨད་དུ་བྱུང་བ་ཉིད་དུ་མཛད་དོ།། དེ་ནས་འོད་ཟེར་དེ་དག་མཁའ་ལ་འཁྱིལ་བ་དང་། འཁོར་མང་པོ་དག་ཤིན་དུ་སྐྲག་སྟེ་གསོལ་བཏབ་པ། ཨེ་མའོ།། ཨེ་མ་བདག་ཅག་བཅོམ་ལྡན་འདས་ཀྱིས་བྱིན
6b8 གྱིས་བརླབ་དུ་གསོལ་ཞེས་གསོལ་བ་བཏབ་པ་ལས། བཅོམ་ལྡན་འདས་གསང་བ་མཆོག་གི་བདག་པོ་དེས་ཞལ་གྱི་མདངས་ཕྱུང་སྟེ། འོད་ཟེར་དེ་དག་ཡེ་ཤེས་ཀྱི་འོད་ཞི་ཞིང་འཁྱིལ་བ་དང་། མཛེས་ཤིང་བདེ་བ་དང་ལྡན་པས་ཐབས
iiif viewer powered by OpenSeadragon
