| e-texts navigator |
| Wylie |
6a1 པའི་རོ་འཕྲུལ་སྟོན། ། མི་ཤེས་བླུན་རྨོངས་འདམ་བྱིང་འགྲོ་བ་རྣམས།། སྡུག་བསྔལ་རྒྱ་མཚོས་བཅིངས་པ་ཐབས་ཀྱིས་ཁྲོལ།། མ་རིག་མུན་པས་ལྡོངས་པ་དོན་གྱི་ཕྱེ།། འཁོར་བའི་རྒྱ་མཚོ་རོལ་པའི་གྲཝ་ཡས་སྒྲོལ།།
6a2 དེ་བཞིན་གཤེགས་པ་ཀུན་གྱི་ཐུགས་ཆེན་པོ།། ཡེ་ཤེས་དོན་གྱི་སྙིང་པོ་མཆོག་དང་ལྡན།། རྣལ་འབྱོར་ཐེག་ཆེན་རྡོ་རྗེ་ཀུན་འདུས་རྒྱུད།། འདུས་པའི་ཚོགས་ལ་རྒྱ་ཆེར་བཤད་དུ་གསོལ།། ཨ་ལ་ལ་ཧོ།། ཞེས་ངེས་པར་བཏུད་དེ
6a3 གསོལ་བ་བཏབ་པོ། ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པ་མཁྱེན་ནས། འཁོར་ཐམས་ཅད་ལ་རྣམ་པར་གཟིགས་ཏེ། འཛུམ་པ་མཛད་དོ།།
6a4 འཛུམ་པ་མཛད་པས་ཐུགས་རྣམ་པར་དག་པའི་གློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི་ལང་བའི་འོད་ཟེར་དང་བཅས་པ་འབྱམ་ཀླས་པ་ཁྱད་པར་ཤར་བར་མཛད་དོ།། འོད་ཟེར་དེ་དག་རེ་རེ་ལས་རྡོ་རྗེ་ཧེ་རུ་ཀ་རབ་ཏུ
6a5 མང་པའི་ཚོགས་བཤད་པར་མཛད་དོ། ། དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་འཁོར་སོ་སོའི་ཞབས་འབྲི་བཅས་པ་ལྷུན་གྱིས་གྲུབ་པར་མཛད་དོ།། དེ་དག་ལས་རིག་པའི་ཉི་མའི་ཆར་མངོན་པར་ཕབ་པས་མུན་པའི་ཀློང
6a6 ཐམས་ཅད་བསལ་བར་མཛད་དོ། ། རིག་པའི་ཆོས་ཀྱི་འབྲུག་སྒྲ་དང་། རིག་པའི་ཆོས་ཀྱི་ཆར་དང་། རིག་པའི་ཆོས་ཀྱི་གླུ་སྣ་ཚོགས་དང་། གར་སྣ་ཚོགས་དང་། རིག་པའི་ཆོས་ཀྱི་མཆོད་པ་སྣ་ཚོགས་བྱུང་སྟེ། འབྱམ་ཀླས་པའི
6a7 ནམ་མཁའ་ལ་སྒྲ་སྣ་ཚོགས་ཕན་ཚུན་དང་། ཡན་མན་དང་། སྣརེལ་ཞི་ལ་སོགས་པ་ཐམས་ཅད་དུ་ཁྱབ་པར་ལིང་ལོང་ཕྱེད་པར་བྱུང་ངོ་།། མཆོད་པའི་ཆར་ཡང་མངོན་པར་བབ། རྨད་དུ་བྱུང་བའི་སྐུ་བསམ་གྱིས་མི་ཁྱབ
6a8 པ་ཡང་ལིང་ལོང་བྱང་རྨད་དུ་བྱུང་བའི་ཐུགས་ཀྱང་ལྷང་ངེའོ། ། རྨད་དུ་བྱུང་བའི་གསུང་བསམ་གྱིས་མི་ཁྱབ་པ་ཡང་ཨ་ལ་ལ་ཧོ་ཞེས་སྒྲ་སྒྲོགས། སངས་རྒྱས་འབུམ་ཕྲག་ཀྱང་གསུང་དབྱངས་བསམ་གྱིས་མི་ཁྱབ་པའི
iiif viewer powered by OpenSeadragon
