| e-texts navigator |
| Wylie |
312b1 གཡས་སོ། ། རིན་ཆེན་འབྱུང་ལྡན་འཁོར་ལྔའི་བྱིན་རླབས་ནི་ཕྱག་གཡོན་དང་རྩིབ་ལོགས་གཡོན་ནོ།། འོད་དཔག་མེད་འཁོར་ལྔའི་བྱིན་རླབས་ནི་ཞབས་གཡོན་ནས་རྐེང་པ་གཡོན་མན་ཆད་དོ།། དོན་ཡོད་གྲུབ་པ་འཁོར་ལྔའི་བྱེད
312b2 རླབས་ནི་ཞབས་གཡས། ། རྐང་པ་གཡོན་མན་ཆད་དོ།། ཁྲོ་བོ་དང་ཁྲོ་མོ་ཐམས་ཅད་ནི་རིགས་སོ་སོའི་བྱིན་རླབས་བཞིན་ནོ།། དེ་ལྟར་འཁོར་ལྔ་པོ་གཅིག་ལ་ཡང་ལྔ་ལྔར་འགྱུར་ཏེ།། སྲ་བའི་བྱ་བ་བྱེད་པ་ཐམས་ཅད་ནི་རྔ
312b3 རྗེའི་རིགས་སོ། ། དྲོ་བའི་བྱ་བ་བྱེད་པ་ཐམས་ཅད་ནི་རིན་པོ་ཆེའི་རིགས་སོ།། གཤེར་བའི་བྱ་བ་བྱེད་པ་ཐམས་ཅད་ནི་པད་མའི་རིགས་སོ།། སྐྱོད་པའི་བྱ་བ་བྱེད་པ་ཐམས་ཅད་ནི་ལས་ཀྱི་རིག་སོ།། དེ་རྣམས་ཆ་མཉམ་པ
312b4 ལས་སྤྱིར་གྲུབ་པ་ནི་དངོས་སུ་བཞུགས་པ། ། དེ་བཞིན་གཤེགས་པའི་རིགས་སོ།། ཐམས་ཅད་བདག་ཉིད་མའི་འཁོར་ལྔའི་བྱིན་རླབས་ནི།། དབུས་སུ་གྱུར་པ་ཐམས་ཅད་དོ།། སྲ་བའི་རང་བཞིན་མེད་པ་ནི་ཡངས་པའི
312b5 སྤྱན་འཁོར་ལྔའི་བྱིན་རླབས་སོ། ། དྲོ་བའི་རང་བཞིན་མེད་པ་ནི་ས་མཱ་ཀཱི་འཁོར་ལྔའི་བྱིན་རླབས་སོ།། གཤེར་བའི་རང་བཞིན་མེད་པའི་གོས་དཀར་མེ་འཁོར་ལྔའི་བྱིན་རླབས་སོ།། བསྐྱོད་པའི་རང་བཞིན་མེད་པ
312b6 ནོ་སྒྲོལ་སའི་འཁོར་ལྔའི་བྱིན་རླབ་སོ། ། དོན་དུ་བྱ་བ་བྱེད་ནུས་པ་སེམས་དཔའོ།། དེ་བཞིན་དུ་རང་བཞིན་མེད་པ་ནི་སེམས་མའོ།། དེ་ལྟར་རིག་པ་ནི་ཁྲོ་བོ་དང་ཁྲོ་མའོ།། དེ་ལ་སྡུ་ཞིང་སྤྲོ་བ་ཡང་ཐམས་ཅད་དེ་ལྟར་བྱའོ།།
312b7 ཕྱི་ནང་གི་ཆོས་ཐམས་ཅད་ལ་ཡང་དེ་ལྟར་བལྟའོ།། དེ་སྐད་ཅེས་དཔལ་རྣམ་པར་སྣང་མཛད་ཀྱིས་བཀའ་སྩལ་པ།། རྡོ་རྗེ་གཞོན་ནུ་སྡེ་འབུམ་ཕྲག་དུ་མ་ཡིད་རངས་ཏེ་འདི་སྐད་ཅེས་བསྟོད་དོ།། ཧཱུཾ་བསྐལ་པའི་མེ་ལྟར
312b8 འབར་བ་ཡི། ། འོད་ཟེར་འདྲ་འཕྲོ་ཀློང་དཀྱིལ་ན།། ཁྲོ་བོ་ཁྲོ་མོ་རྣམས་བཞུགས་པ། སྐུ་ནི་ཅིར་ཡང་བསྒྱུར་བའི་གཟུགས།། ཧཱུཾ་དབུ་སྐྲ་ཁམ་གནག་རལ་པ་ཅན།། གྱེན་དུ་འཁྱིལ་བ་སྲིད་རྩེར་འབར།། མི་མཉམ་ཁྲོ
312b9 གཉེར་སྡང་མིག་ནི། ། ལོག་པར་ལྟ་བ་འདུལ་བའི་མཚན།། ཧཱུ~ཾ་མཆེ་བ་ཟང་ཡག་གཙིགས་པས་ནི།། སྐྱེ་ཤི་རྩ་བ་གཅོད་པའི་ཚུལ།། སྐུ་གསུང་ཐུགས་ཀྱི་བྱིན་རླབས་ནི།། ཕྱག་རྒྱ་སྣ་ཚོགས་ཅིར་ཡང་སྣང་། ཧཱུཾ་ཐུགས
iiif viewer powered by OpenSeadragon
