| e-texts navigator |
| Wylie |
311a1 ལྷ་མོ་རྣམས་ཀྱི་དཀྱིལ་འཁོར་དུ།། ལྷ་ཡི་གྲུབ་པ་བསྒོམ་པར་བྱ།། བྱིན་གྱིས་ཐམས་ཅད་ཞི་བསྒོམས་ན།། ལྷ་རྣམས་ཀུན་ཀྱང་ཞི་བར་འགྱུར།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཞི་བའི
311a2 སྤྱོད་པ་ལས་ཀྱི་ལེའུ་སྟེ་སུམ་བཅུ་བརྒྱད་པའོ། ། །། མཚན་ཉིད་མེད་པའི་ཕྱག་རྒྱ་དང་།། དེ་ལས་དངོས་བྱུང་ཕྱག་རྒྱ་རྣམས།། ངེས་པ་མེད་པར་དཔའ་བོས་བཤད།། མཁས་པས་ཅི་གར་སྦྱར་ན་འགྲུབ།། འཕག
311a3 པ་ཐབས་ཀྱི་ཞགས་པ་པད་མོ་ཕྲེང་ཝ་ཝ་བསྡུས་པའི་ལེའུ་སྟེ་སུམ་བཅུ་དགུ་པའོ། ། །། དྲག་པོས་ཐམས་ཅད་འདུལ་བར་འགྱུར།། དབང་གིས་འབྱོར་པ་མཆོག་ཀྱང་འགྲུབ།། རྒྱས་པས་གཟི་བརྗིད་རྣམ་པར་འཕེལ།།
311a4 ཞི་བ་བདེ་བ་མཆོག་ཀྱང་འགྲུབ།། འཕགས་པ་ཐབས་ཀྱི་ཞགས་པ་པད་མེ་ཕྲེང་ལས་ལས་སྒྲུབ་པའི་ཕན་ཡོན་གྱི་ལེའུ་སྟེ་བཞི་བཅུ་པའོ།། །། དཀྱིལ་འཁོར་འདིའི་མཚན་ནི་དབང་ཆེན་བསྡུས་པའི་དཀྱིལ་འཁོར་ཏེ།
311a5 དེ་ལ་དཀྱིལ་འཁོར་གྱི་བཞི་ཟླུམ་པོར་བྱ་བ་ནི་ཆོས་ཀྱི་དབྱིངས་སྤྲོས་པ་མེད་པའི་དོན་ནོ།། འཁོར་ལོ་རྩིབས་ཟུར་ཅན་དུ་བྱ་བ་བཞི་ཟླུམ་པོའི་ནང་ན་གནས་པ་ནི་ཆོས་ཀྱིས་དབྱིངས་སྤྲོས་པ་མེད་བཞིན་དུ་བྱིན་གྱི་བརླབས་ཀྱི
311a6 ལྷ་དང་། ལྷ་མོ་དང་། ཁྲོ་བོ་དང་། ཁྲོ་མོ་དང་། ཕོ་ཉ་ལ་སོགས་པ་དང་ཉིད་ཀྱིས་འཕྲོ་བའི་དོན་ནོ།། རྣམ་པ་གཅིག་ཏུ་ཆོས་ཀྱི་དབྱིངས་རྣམ་པར་རྟོག་པ་མེད་བཞིན་དུ་ཐམས་ཅད་མཁྱེན་པའི་ཡེ་ཤེས་ཅི་ཡང་མཁྱེན་པ
311a7 ལྷུན་གྱིས་གྲུབ་པའི་དོན་ནོ། ། མཐའ་གྲུ་བཞི་བྱ་བ་ནི། ཕྱོགས་བཅུའི་སྣོད་དང་བཅུད་ཀྱི་འཇིག་རྟེན་ཐམས་ཅད་ལ་དབང་སྒྱུར་བས་བདེ་བ་ཆེན་པོ་རྒྱས་པའི་དོན། དཀྱིལ་ནས་ལྷ་མོ་ལྔ་ཕྱིར་ལྟ་བ།། ལྷ་མོ་ནི་དབྱིངས
311a8 ཉིད་ཉེ་བའི་བྱིན་རླབས་ཏེ། སེམས་དཔས་དབྱིངས་ཉིད་དང་ཉེ་བ་མཐོང་བའི་དོན་ནོ།། སེམས་དཔའ་ལྔ་ནང་དུ་ལྟ་བ་ནི་དབྱིངས་ཉིད་ཉེ་བ་ལ་ལྟ་བའི་དོན་ནོ།། སེམས་དཔའ་གཞན་ཕྱིར་ལྟ་བ་ནི།། དབྱིངས་ཉིད་ཐམ་ཅད་ས་རྗེ
iiif viewer powered by OpenSeadragon
