| e-texts navigator |
| Wylie |
310b1 ཞགས་པ་པད་མོ་ཕྲེང་ལས་རྒྱས་པའི་ཕུར་པའི་ལེའུ་སྟེ་སུམ་བཅུ་གཅིག་པའོ། ། ། གསེར་ཕྱེ་འབྲས་ཆེན་སེར་པོ་རྣམས།། འོ་མ་སྦྲར་ཅིགཏོར་མ་ནི།། རྒྱས་པར་འགྱུར་བའི་གཏོར་མ་སྟེ།། མཁས་པས་རྒྱས་པ་བསྒོམ་ཞིང་སྦྱིན།
310b2 འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་རྒྱས་པའི་གཏོར་མའི་ལེའུ་སྟེ་སུམ་བཅུ་གཉིས་པའོ།། །། ལྷ་མོ་རྣམས་ཀྱི་དཀྱིལ་འཁོར་དུ།། ལྷ་ཡི་དཀྱིལ་འཁོར་རྫོགས་པར་བསྒོམ།། བྱང་ཆུབ་སེམས་ནི་འཕྲོ་བསྒོམས་ན།། འདི་ནི
310b3 རྒྱས་པའི་ལས་འགྲུབ་པོ། ། འཕགས་པ་ཐབས་ཀྱི་ཞགས་པ་པད་མོ་གྲོང་ལས་རྒྱས་པའི་སྦྱོར་བའི་ལེའུ་སྟེ་སུམ་བཅུ་གསུམ་པའོ།། རྣམ་པོ་དཀྱིལ་འཁོར་བརྩིབས་རྒྱུད་པར།། ལྷ་རྣམས་འཁོར་བཅས་སྤྱན་དྲངས་ཏེ།། ཀར་པོའི་ཡོན་གྱིས
310b4 མཆོད་པ་བྱ། ། དེ་ནས་ལྷ་རྣམས་ཙམ་པར་བྱ།། གཏི་མུག་རྡོ་རྗེ་འཁོར་བཅས་པས།། འཇིག་རྟེན་ཁམས་ནི་རབ་འབྱམ་ཀུན།། ཡུད་ཙམ་ཉིད་ལ་ཞི་མཛད་དེ།། ཞི་བར་གྲུབ་ལ་ཕྱག་འཚལ་ལོ།། ལྷ་རྣམས་འཁོར་བཅས་ཐམས
310b5 ཅད་ཀྱིས། ། འཁྲུག་པ་ཐམས་ཅད་ཞི་མཛད་པར།། བསྒོམས་ན་ཐམས་ཅད་ཡུད་ཙམ་གྱིས།། ཞི་བར་འགྱུར་ཏེ་ཐེ་ཙོམ་མེད།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཞི་བའི་ལས་ཀྱི་ལེའུ་སྟེ་སུམ་བཅུ་བཞི
310b6 པའོ། ། །། ཧོ་མ་ཁུང་ཟླུམ་པོ་གདེངས་པ་ལ།། རྡོ་རྗེ་པད་མོས་རྒྱན་པར་བྱ།། ཕུར་པ་དཀར་པོ་དྲུག་བཏབ་སྟེ།། སྤྱན་དྲངས་རྡུལ་ཕྱེ་སོགས་པས་མཆོད།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཞི་བའི་ཧོམ་གྱི་ལེའུ་སྟེ་སུམ་བཅུ་ལྔ་པའོ།།
310b7 ཕུ་བ་ཁ་དག་དཀར་པོ་ལ།། མགོ་བོ་རྒྱ་མདུད་རྩེ་ཟླུམ་པོར།། ལྷ་རྣམས་བསྒོམས་ལ་གདབ་པར་བྱ།། འདི་ནི་ཞི་བའི་ལས་ལ་ཤིས།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཞི་བཱི་ཕུང་པའི་ལེའུ་ས་སུམ་བཅུ་དྲུག་པའོ།། ངུལ་དང་འབྲས་ཆེན་དག
310b8 རྣམས། ། འོ་མར་སྦྱར་བའི་གཏོར་མ་ནི།། ཞི་བར་འགྱུར་བའི་གཏོར་མ་ཏེ།། མཁས་པས་ཞི་བར་བསྒོམས་ཤིང་གཏོར།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་ཞི་བའི་གཏོར་མའི་ལེའུ་སྟེ་སུམ་བཅུ་བདུན་པའོ།།
iiif viewer powered by OpenSeadragon
