| e-texts navigator |
| Wylie |
309b1 ཁྲོ་མོའི་དཀྱིལ་འཁོར་གཏུན་ཁུང་དུ།། ཁྲོ་བོ་ཐོབས་བརྡུངས་པ་ཡི།། རྡོ་རྗེ་གཏན་འཕྲུགས་བསྒོམ་བྱས་ནས།། ལྷ་ཡང་རུང་སྟེ་འརྡུངས་པར་འགྱུར།། འཕགས་པ་ཐབས་ཀྱི་ཞུགས་པ་པད་མོ་ཕྲང་ལས་དྲག་པོའི་སྦྱོར་བའི
309b2 ལེའུ་སྟེ་ཉི་ཤུ་རྩ་གཉིས་པའོ། ། །། དྲག་པོའི་ལས་ཀྱིས་བསྒྲུབས་པ་རྣམས་འཁོར་བའི་ལམ་ལྔ་སྒོ་བཅད་ནས།། རྣམ་ཤེས་ཧཱུཾ་གིས་བསྡུས་བཏུམས་ཏེ།། འོག་མིན་བླ་མེད་གནས་མཆོག་ན།། གཙོ་བ་དང་གཅོམ
309b3 ལྔ། སེམས་དཔའ་དང་ནི་སེམས་མ་དང་།། ཁྲོ་བོ་དང་ནི་ཁྲོ་མོ་རྣམས།། སྦྱོར་བའི་ལྷུམས་སུ་ཕཊ་ཀྱིས་འཕང་།། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་གནས་བསྟབས་པའི་ལེའུ་སྟེ་ཉི་ཤུ་གསུམ་པའོ།།
309b4 ཟླ་ག་མ་དཀྱིལ་འཁོར་རྩིབས་བརྒྱད་པ།། ཁྲོ་བོ་ཁྲོ་མོ་སྤྱན་དྲངས་ཏེ།། མཆོད་པ་གླུ་ལ་སོགས་པས་མཆོད།། དེ་ནས་ལས་རྣམས་བརྩམ་པར་བྱ།། ཆགས་པའི་རྡོ་རྗེའི་འཁོར་བཅས་པ།། འཇིག་རྟེན་ཁམས་ནི་རབ་འབྱམ
309b5 ཀུན། ། ཆགས་པ་ཡུད་ལ་དབང་མཛད་དེ།། དབང་དུ་མ་གྱུར་གང་ཡང་མེད།། རྡོ་རྗེ་འཕྲ་མེན་མདགས་ནས་སུ།། བཀུག་ནས་ཁྲོ་བོ་ཆེན་པོ་ཡིས།། ཆགས་པའི་ཚུལ་གྱིས་དེ་ལུས་ལས།། དཔའ་དང་གཟི་བརྗིད་བསྡུས
309b6 ནས་འགྲུབ། ། འཕྲ་མེན་རྣམས་ནི་མདགས་ནས་སུ།། དེ་ཡི་མིག་རྣ་སྣ་དང་ལྕེ།། ལུས་ངག་སེམས་བསྒྱུར་རྣམས་བསྒོམས་ན།། ཀུན་ལ་མཛེས་ཤིང་དགའ་བར་འགྱུར།། འཕགས་པ་ཐབས་ཀྱི་ཞགས་པ་པད་མོ
309b7 ཕྲེང་ལས་དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ། ། །། ཧོམ་ཁྲང་ཟླ་གམ་གདེངས་པ་ལ།། རྡོ་རྗེ་ཞགས་པས་བརྒྱན་པར་བྱ།། དེ་ནས་ལྷ་རྣམས་སྤྱན་དྲངས་ཏེ།། མི་ཕན་རྣམ་རྟོག་བསྲེགས་ན་འགྲུབ།།
309b8 འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་དབང་གི་ཧོམ་གྱི་ལེའུ་ལྕེ་ཉི་བུ་ལྔ་པའོ།། །། ཟངས་སམ་ཁ་དོག་དམར་པོའི་ཤིང་།། མགོ་བོ་རྒྱ་མདུད་རྩེ་ཟླ་ག་མ།། མགོལ་ཁྲོ་བོའི་འཁོར་བསྒོམས་ཏེ།
iiif viewer powered by OpenSeadragon
