| e-texts navigator |
| Wylie |
307a1 གཟིགས་ཤིང་འཛུམ་པའི་བརྡ་ཧ་ཧ་སཾ་སཾ་སྒྲ་ཕྱུང་སྟེ། འཁོར་ཐམས་ཅད་ཀྱིས་མགྲིན་གཅིག་ཏུ་དབྱངས་འདིས་གཙོ་བོ་ལ་བསྟོད་དོ།། ཨེ་མའོ་ཆོས་ཀྱི་དོན་བྱུང་བ།། ཆོས་དོན་དག་པ་བདག་མེད་པ།། ནམ་མཁའ་དང
307a2 ནི་མཉམ་པའི་གནས། ། རྡོ་རྗེ་རྒྱལ་ལ་ཕྱག་འཚལ་ལོ། ཞེས་བསྟོད་པས་གཙོ་བོ་མཉེས་ནས་འཁོར་ཐམས་ཅད་ལ་གཟིགས་ཤིང་དམ་སྩལ་བའི་དབྱངས་འདི་གསུངས་སོ།། ཁག་ལྱ་ཤ་ཏ་བ་ག། ཨ་ལ་ལ་ལ་ཧོ།། མ་ཧཱ
307a3 ཨ་མིཏ། ཁ་ར་ལོ་གི་ནི་ཁ་ར་ནཱ་ཀ་ན~ཾ། ཨལ་ལ་ལ་ཏོ།། ག་བཱན་ལ་ཥ་ཁ། ལྷ་མོ་རྣམས་རྔ་ཇུག་དབྱངས་ལེན། རྒྱུད་གསུམ་གྱི་ཚིག་ཏོ་བྷིཏ་གྷཱ། ཏ་རྫྫཏིཿ། ཀྵཀྐཱཥྨ་དྷཥྐཾ་པགས་པ་ཐབས་ཀྱི་ཞགས་པ་པད་མ་ཕྲེང་ལས
307a4 རིགས་སྔགས་གཅོད་པའི་ལེའུ་སྟེ་བཅུ་གཅིག་པའོ། ། ། སེམས་དཔའ་ཆེན་པོ་ཉོན་ཅིག། བསྐལ་པ་མེ་ལྟར་འབར་བ་ཡི།། འོད་ཟེར་འདུ་འཕྲོའི་ཀློང་དཀྱིལ་ན།། ཁྲོ་བོ་ཆེན་པོ་རྣམས་བཞུགས་པ།། བརྐྱང་བསྐུམ་ཚུལ་གྱིས
307a5 གནས་པ་སྟེ། ། དབུས་ཀྱི་ཁྲག་འཐུང་ཆེན་པོ་ནི།། དཔུང་གུ་ཕྱག་ཀྱང་བཅཝ་བརྒྱད་དེ།། གཤོག་པ་རྡོ་རྗེ་བཏགས་པ་གདེདང་།། ཞབས་ཀྱང་བརྒྱད་དུ་རྣམ་པར་སྟན།། དེ་ཡི་དཀྱིལ་འཁོར་ཁྲོ་བོ་ནི།། དབུ་གསུམ་ཕྱག་དྲུག་གཤོག་པ་ཅན།།
307a6 ཞབས་དྲུག་རྡོ་རྗེའི་བྲག་སྟེང་ན།། འཇིག་རྟེན་སྐྱོང་བས་འདུད་ཚུལ་ལོ།། དེ་ཡི་ཕོ་ཉ་བཀའ་བརྙན་ནི།། རྡོ་རྗེ་ཕྲ་མེད་བཏུམ་བག་ཅན།། འཇིགས་པའི་གཟུགས་ཅན་མང་པོ་སྟེ།། དེ་དག་ཅིར་ཡང་འགྲུབ་པར་བྱེད།། འཕགས་པ་ཐབས
307a7 ཀྱི་ཞགས་པ་པད་མོ་ཕྲེང་ལས་ཁྲོ་བོའི་དཀྱིལ་འཁོར་ཐམས་ཅད་ཀྱི་ལེའུ་སྟེ་བཅུ་གཉིས་པའོ། ། །། རྡོ་རྗེ་སྲིན་མོ་ཆེན་མོ་ནི།། འཇིགས་བྱེད་ཆེན་མོར་སྣང་བ་སྟེ།། ཕྱག་ཀྱང་སྲིན་པོ་ཆེན་པོར་ལྟར།། འཐུན་ཏེ་ཞབས་ཀྱང་དེ་དང
307a8 འདྲ། ། དེ་ལྟ་བུ་ཡི་དཀྱིལ་འཁོར་དུ།། རིན་ཆེན་མེ་ཏོག་བོར་ནས་ནི།། ལྕགས་ལ་བབ་པའི་ལྷ་དེ་ནི།། གཉེར་ན་འགྲུབ་པ་ཐེ་ཚོམ་མེད།། དགེ་དང་མི་དགེའི་ཆོས་རྣམས་ལ།། ལྷག་པར་བསྟེན་པར་མི་བྱ་སྟེ།། མཉམ་ཉིད་རིག་པའི་ཀླུ་ཞུམ
iiif viewer powered by OpenSeadragon
