| e-texts navigator |
| Wylie |
303b1 ཕྲེང་བ་ལས་ཕྱག་རྒྱའི་ལེའུ་སྟེ་བཅུ་པའོ། ། །། དེ་ནས་དཀྱིལ་འཁོར་གྱི་ལྷ་དང་ལྷ་མོ་རྣམས་ལ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་བརྒྱད་དང་འཁོར་ཕལ་པོ་ཆེས་དབྱངས་འཐུན་པར་སྟོད་པ།། ཨོཾ་ཕྱོག
303b2 བཅུའི་འཇིག་རྟེན་རབ་འབྱམ་ན། ། རྒྱལ་བ་གང་གཟུགས་འཁོར་དང་བཅས།། བླ་མེད་ལྷ་དང་ལྷ་མོ་ཡི།། གྲུབ་པའི་བྱིན་རླབས་བསམ་མི་ཁྱབ།། སེམས་དཔའ་བཅུ་དྲུག་རིགས་ཀྱི་གཙོ།། སེམས་མ་བཅུ་དྲུག་རིམས
303b3 ཀྱི་ཡུམ། ། མཐུ་ཆེན་ཁྲོ་བོ་ཁྲོ་མོ་དང་།། ཕོཉར་འཇིག་རྟེན་སྐྱོང་བར་ལྡན།། ཨོཾ་སྔོན་གྱི་ཐུགས་དམ་ཆེན་པོ་ནི།། འཇིག་རྟེན་མ་ལུས་ཐམས་ཅད་ཀུན།། རྒྱལ་བའི་ཞིང་དུ་བསྐྱོར་བས་ནི།། ཕྱག་རྒྱ་ཆེན་པོར་བདག་སྦྱོར་ཅིག།
303b4 དཔའ་བོ་ཆེན་པོ་མཐུ་ལྡན་རྣམས།། ཐུགས་རྗེ་ཆེན་པོའི་བྱིན་རླབས་ཀྱིས།། བདག་གི་ལྷག་པའི་བསམ་པའི་རྣམས།། གྲུབ་པར་བྱིན་གྱི་རླབས་དུགསོ།། ཨོཾ་ཁམས་གསུམ་ཞིང་མྱོད་ལ་ཕྱག་འཚལ་ལོ།། མིགས་མེད་ཆོས་ཀྱི་སྐུ་བྱད
303b5 ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། ། ཅིར་ཡང་སྤྲུལ་པའི་སྐུ་ཕྱག་འཚལ་ལོ།། ཞེས་བསྟོད་ནས་ཉིད་ཀྱི་ཐུགས་ཀར་བཞུགས་ཏེ། རོལ་པར་ཁྲོ་བོའི་ཏིང་འཛིན་ལ་སྙོམས་པར་ཞུགས་ཏེ་ཁྲོ་བོའི་རྟོགས་པ
303b6 བཤད་དོ། ། དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ལག་ན་རྡོ་རྗེ་འདི་སྐད་ཅེས་གསོལ་ཏོ།། བཅོམ་ལྡན་འདས་ད་ལྟར་དང་མ་འོངས་པའི་དུས་ན།། གཅེར་བུ་པ་དང་ཀུན་ཏུ་རྒྱུ་ལ་སོགས་པས་སོ་སོའི་རིག་སྔགས
303b7 ཀྱི་ལས་ཀྱིས་མ་ཧཱ་དེ་བ་ལ་སོགས་པ་འཇིག་རྟེན་གྱི་ལྷ་དང་། གནོད་སྦྱིན་མཐུ་བོ་ཆེ་དང་།། ཕྲ་མེ་ན་མ་ཐམས་ཅད་བསྐུལ་ནས་སེམས་ཅན་རྣམས་ཀྱི་སྲོག་གི་བར་ཆད་བགྱིད། འཚོ་བར་བགྱིད།། ཤིན་ཏུ་སྡུག་བསྔལ
303b8 བར་བགྱིད། དེ་ལ་ཐབས་གང་གི་ཟློག་པར་བགྱི།། སྦྱོར་བ་གཅད་པར་བགྱི། བཀའ་སྩལ་པ་ལག་ན་རྡོ་རྗེ་ཉོན་ཅིག། འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་པོས་སྔོན་ཆད
iiif viewer powered by OpenSeadragon
