| e-texts navigator |
| Wylie |
303a1 བཏགས་པ་ལས། ། མཐེ་བོང་གཉིས་ནི་བསྒྲེང་བར་བྱ།། རྡོ་རྗེ་བསྲུང་བའི་ཕྱག་རྒྱ་ཡིན།། རྡོ་རྗེ་ཁུ་ཚུར་བཅངས་པ་ལས།། འཛུབ་མོ་གཉིས་ནི་བསྒྲེང་ནས་ཀྱང་།། ཁ་གྲམ་གཉིས་སུ་བཟུང་བར་བྱ།། རྡོ་རྗེ་གནོད་སྦྱིན་རྒྱ་ཆེན་ཡིན།། རྡོ་རྗེ་ཁུ་ཚུར
303a2 བཅངས་པ་ལས། ། བསྣོལ་ཏེ་ཁ་ནི་སྦྱར་ནས་ཀྱང་།། ཐུགས་ཀར་དམ་དུ་བཟུང་བར་བྱ།། རྡོ་རྗེ་ཁུ་ཚུར་རྒྱ་ཆེན་ཡིན།། རིགས་ཀྱི་ཕྱག་རྒྱ་བསྒོམས་ནས་ནི།། ལག་གི་འདུ་ཤེས་འདི་དག་གིས།། འདྲ་ཕྲོ་མོས་བསྐྱེད་ནས་ནི། བཅིང་ཞིང་མཁའ་ལ་འགྲོལ
303a3 བར་བྱ། ། མཐེ་བོ་མཐེ་ཆུང་ནང་དུ་སྤྲད།། གུང་མོ་རྩེ་བྱར་བཞི་ཡང་སྒྲེང་།། རྡོ་རྗེ་འཛིན་ལྟར་རྟིང་སྤྲད་པ།། རྡོ་རྗེ་འཛིན་པའི་ཕྱག་རྒྱ་ཡིན།། རྟིང་སྦྱར་འཐེབ་འཛུབ་རྩེ་སྦྱར་ཏེ།། འཛུབ་མོའི་མིག་ཏུ་མཐེ་ཆུང་དྲང་།། ལྷག་མ་རྩེ་གསུམ་ལྟར
303a4 བྱས་པ། ། རྡོ་རྗེ་སྤྱན་གྱི་ཕྱག་རྒྱ་ཡིན།། ལག་ངར་གཡོན་པ་སྦེང་ནས་ཀྱང་།། སོར་མོ་ཨུཏྤལ་ལྟར་བྱས་པ།། གཡས་ཀྱི་སོར་མོ་བཟུང་བར་བྱ།། རྡོ་རྗེ་སྒྲོལ་མའི་ཕྱག་རྒྱ་ཡིན།། རྐང་པ་གཉིས་ཀྱིས་པུས་མོ་དང་།
303a5 ལག་པ་གཉིས་ཀྱི་གྲུ་མོ་རྣམས།། སྤྲད་ནས་ལག་པ་གདངས་པ་ནི།། ཀུན་དུ་བཟང་མོའི་ཕྱག་རྒྱ་ཡིན།། རྡོ་རྗེ་ཁུ་ཚུར་བཀུར་བརྟེན་ནས།། ལྡན་པ་གཡས་སུ་བྱ་བ་ལས།། ཆགས་པའི་མིག་གིས་ལྟ་བ་ནི།
303a6 རྡོ་རྗེ་སྒེག་མོའི་ཕྱག་རྒྱ་ཡིན།། གཡོན་པ་སྒོང་སྐོང་པོ་བྱས་ཏེ།། གཡས་པས་གྲུ་མོ་བཟུང་ནས་ཀྱང་། བསྐོར་ཤིང་སོར་མོ་འཕྲེང་བ་ནི།། རྡོ་རྗེ་བདུག་པ་ཕྱག་རྒྱ་ཡིན།། ལག་པ་གཉིས་ནི་རྒྱབ་སྦྱར་ནས།
303a7 རྡོ་རྗེ་ཁུ་ཚུར་བཅངས་པ་ལས།། མཐེ་ཆུང་སྤེལ་ནས་འཛུབ་མོ་སྦེང་།། རྡོ་རྗེ་ལྕགས་ཀྱུ་མ་ཡི་རྒྱ།། མཐེ་ཆུང་ལུགུ་རྒྱུད་དུ་སྤེལ།། སོར་མོ་རྣམས་ནི་སོ་སོར་བསྒྲེང་།། ཐལ་མོ་བཀན་ཏེ་ལྟ་བ་ནི།།
303a8 རྡོ་རྗེ་སྒྲོལ་མའི་ཕྱག་རྒྱ་ཡིན།། སྲིན་ལག་དང་ནི་མཐེ་བོ་གཉིས།། སོ་སོར་རྩེ་མོ་སྤྲད་པ་ལས།། ཕྲལ་བའི་ཐད་ཀར་དྲངས་པ་ཡི།། རྡོ་རྗེ་ཕྲེང་བའི་ཕྱག་རྒྱ་ཡིན།། འཕགས་པ་ཐབས་ཀྱི་ཞགས་པ་པད་མོ
iiif viewer powered by OpenSeadragon
