| e-texts navigator |
| Wylie |
300b1 ལེའུ་སྟེ་དང་པོའོ། ། སེམས་དཔའ་ཆེན་པོ་དམ་ཚིག་འདི་དག་ནི་བདག་དང་གཞན་ལ་ཕན་པའི་ཕྱིར་ངས་བཤད་དོ།། གཏི་མུག་ཞེ་སྡང་ང་རྒྱལ་དང་།། འདོད་ཆགས་ཕྲག་དོག་ཆེན་པོ་ནི།། བསྲུང་བ་མེད་པའི་སྡོམ་པ
300b2 ཅན། དེ་ནི་དམ་ཚིག་རྡོ་རྗེ་ཡིན།། འཕགས་པ་ཐབས་ཀྱི་ཞགས་པ་པད་མ་ཕྲེང་བ་ལས་དམ་ཚིག་བསྟན་པའི་ལེའུ་སྟེ་གཉིས་པའོ།། །། སེམས་དཔའ་ཆེན་པོ་དབང་འདི་དག་ནི། རང་རིག་པའི་རྩལ་གྱིས་འཐོབ
300b3 པོ། ཐབས་དང་ཤེས་རབ་དབང་ཆེན་ཏེ།། རྡོ་རྗེ་དྲིལ་བུ་རིག་པས་འཛིན།། མྱ་ངན་འདས་དང་འཁོར་བ་ཡིས།། ཆོས་ལ་འདོད་བཞིན་དབང་བྱེད་དོ།། འཕགས་པ་ཐབས་ཀྱི་ཞགས་པ་པད་མ་ཕྲེང་ལས་དབང་གི་ལེའུ་ས
300b4 གསུས་པའོ། ། ། སེམས་དཔའ་ཆེན་པོ་མཆོད་པ་མཆོག་ནི་འདི་ལྟར་རིག་པར་བྱའོ།། བདག་མཆོད་ཀུན་མཉེས་ཐམས་ཅད་འདྲངས།། ཀུན་ལ་ཕན་པའི་སྨན་ཡིན་ཏེ།། རྣལ་འབྱོར་བདག་ཉིད་ཆེན་པོ་ཡིས།། ཐམས་ཅད
300b5 བཟའ་ཞིང་བརྒྱན་པར་བྱ། ། འཕགས་པ་ཐབས་ཀྱི་ཞགས་པ་པད་མོ་ཕྲེང་ལས་མཆོད་པའི་ལེའུ་སྟེ་བཞི་པའོ།། །། ཀུན་དུ་འོད་ཀྱིས་ལས་འདས།། པད་མའི་སྨན་དུ་གྱུར་པ་ན།། རིག་པའི་བྱིན་རླབས་ཆེན་པོ་ལས།། རང
300b6 འབྱུང་དཀྱིལ་དུ་འཕྲོ་ཡི་ཚུལ། ། ཡི་གེ་འཁོར་ལོ་ཚོགས་ཆེན་ཏེ།། མཚན་དང་དཔེ་བྱད་ཀུན་ལས་གྲོལ།། རྔམ་ཞིང་གཏུམ་པའི་གཟུགས་ཅན་དང་།། མགྱོགས་མ་མགྱོགས་མའི་བོ་ཉར་ལྡན།། དེ་ནི་ཐིག་ལེ་རྡོ་རྗེ་ཡིན།། འདི
300b7 ས་གང་ཟག་བདག་མེད་པར། ། རྟོགས་པར་བྱ་བྱར་ངས་བཤད་དེ།། མཁས་པས་དེ་ལ་འབྱོར་བར་གྱིས།། འཕགས་པ་ཐབས་ཀྱི་ཞགས་པ་པད་མོ་ཕྲེང་ཏིང་ངེ་འཛིན་གྱི་དཀྱིལ་འཁོར་གྱི་ལའུ་སྟེ་ལྔ་པའོ།། ། དན།།
300b8 སེམས་དཔའ་ཆེན་པོ་སྤྱོད་ཡུལ་ཐམས་ཅད་ནི་འདི་ལྟར་རིག་པར་བྱའོ།། ཆེན་པོ་ལྔ་ཡང་དེ་བཞིན་གཤེགས།། གཅིག་ལའང་ལྔ་ལྔར་རིག་པར་གྱིས།། ཁམས་གསུམ་བདག་ཉིད་ཡིན་པ་སྟེ།། སྐུ་གསུམ་ཞེས་ཀྱང་དེ་ལ་བྱ།། །
iiif viewer powered by OpenSeadragon
