| e-texts navigator |
| Wylie |
2a1 ཡས་རྒྱ་ཕྱོགས་སུ་ཡོངས་སུ་མ་ཆད་པ། ཆོས་ཉིད་ཀྱི་ནམ་མཁའ་ལས་ཆོ་འཕྲུལ་གྱི་སྤྲིན་ཀུན་དུ་འཐིབས་པ། བྱང་ཆུབ་ཀྱི་ཆར་མངོན་པར་འབབ་པ། ཉོན་མོངས་པའི་གདུ་བ་བངས་པར་གྱུར་པ། ཡེ་ཤེས་ཀྱི་།
2a2 གུ་མངོན་པར་བསྐྱེད་པ། མཐའ་དང་དབུས་མེད་པ། རྩེ་མོ་ཀུན་དུ་རྒྱ་མཉམ་པ། རིན་པོ་ཆེའི་རྒྱལ་པོས་རྣམ་པར་བརྒྱན་པ། མུ་ཏིག་གི་ལྕང་ལོ་དང་། ཆུན་འཆང་དང་། ལྔ་ལྡིས་མཛེས་པ། ཉི་མ་ཆེན་པོས་གསལ་བཏབ་པ། ཟླན
2a3 ཆེན་པོས་པྲ་བཀོད་པ། སྐར་མ་དང་ཤིན་ཏུ་སྐར་མ་དག་གིས་གཟེར་སྤྲས་པ། རྡོ་རྗེ་རིན་པོ་ཆེའི་འོད་སྣང་བས་ཀུན་དུ་མདངས་ཕྱུང་བའི་མཁའ་ལ། རླུང་ནག་གི་ཕུང་པོ་རྒྱ་ཡོངས་སུ་མ་ཆད་པར་མཉམ་པ། ཁྲག་གི་ཕུང་པོ་དཔའ
2a4 ཀློང་དུ་འཁྲུག་པ། རྒྱ་ཕྱོགས་སུ་ཡོངས་སུ་མ་ཆད་པ། མ་ཏང་གི་གནས་དང་། བྲིས་མ་འབུར་འཕང་བར་ཆགས་པ། རུས་པ་ཕུང་པོ་རྒྱ་ཀུན་དུ་མཉམ་པའི་གཞི་ལ་འབར་བའི་གཞལ་ཡས་ཁང་འོད་ཟེར་ཀུན་དུ་འཕྲོ་བ། ག་བུ་ཅུང
2a5 བརྩེགས་པའི་རྩིག་པ་ལ་གནམ་ལྕགས་ཀྱི་གཟེར་ཏ་ལེ་བར་བཏབ་པ། རྩིབས་ཀུན་དུ་ཉི་མ་དང་ཟླ་བ་རངས་པ་དང་མ་རངས་པར་འཕྱོ་བ། ཉ་ཆེན་པོའི་ཀ་གདུང་ལ་ཉ་ཕྲན་དྲལ་དྲ་བ་གཏམས་པ། ཟླ་བའི་ཀ་རྟེན་དང་ཉི་མའི་ཀ་ལོ།།
2a6 དང་། སྦྲུལ་ཆུན་གྱི་ཀ་རྒྱན་ལ་སོགས་པ། ཧཱུཾ་གི་ཐོག་དང་། མེའི་ཆར་མངོན་པར་ཕས་པ། ཆོས་ཉིད་ཀྱི་བླ་རེས་རྣམ་པར་བརྒྱན་པ། ཡེ་ཤེས་ཀྱི་ལྔ་ལྡིས་མངོན་པར་བྲིས་པ། རྡོ་རྗེའི་རྒྱན་དང་འཕན་གྱིས་ཀླུབས་པ། སྤྲུལ
2a7 ནག་གི་ཟར་ཚགས་དང་། སྤྲིན་ནག་གི་གྲིབ་སོ་ལྟ་བུས་གཞོལ་བའི་བར་བར་ཐམས་ཅད་ན་རིན་པོ་ཆེ་དང་། མུ་ཏིག་དང་མེ་ཏོག་གིས་མཛེས་པ། འཁོར་བའི་མཎ་ཌ་ལ་ཡོ་བཀྲམ་ལ་བམ་རིལ་ཆེ་ཆུང་དང་། ཁོག་སྐམ་སྟོད་སྨད
2a8 དང་། ཡན་ལག་རིང་ཐུང་དང་། དབང་པོའི་ཕྲེང་བ་དང་། རྡོ་རྗེས་ཀུན་དུ་སྤྲས་པ། སྒོ་དགུས་ཀུན་དུ་གསལ་བར་གྱུར་པའི་གནས་ན་རྡོ་རྗེ་རྒྱལ་འཚ་བ་ཞེས་བྱ་བའི་ཞེ་སྡང་རྡོ་རྗེ་དང་། རྡོ་རྗེ་གོ་ཕུར་ཞེས་བྱ་བའི་ང་རྒྱལ་རིན་ཆེན་དང་།
iiif viewer powered by OpenSeadragon
