| e-texts navigator |
| Wylie |
299b1 དབྱེར་མེད་པར་དགྱེས་ནས་དྲས་བཞི་མཉམ་པ་ཉིད་ཀྱི་དབྱིངས་སྐུ་དང་གསུང་ཐུགས་ཀྱི་ལྷུན་སྟུག་པོ་བཀོད་པའི་རྒྱན་ཉིད་དུ་བཞུགས་སོ། ། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཡོངསུ་གཟུང་བའི་ལེའུ་སྟེ་བདུན་བཅུ་དགུ་པའོ།། ། འཕགས
299b2 པའི་རྒྱལ་པོ་རྒྱུ་འཕྲུལ་དྲ་བའི་སྟོང་ཕྲག་བརྒྱ་པ་ལས་མཚན་ཉིད་དང་རྒྱུད་ཐམས་ཅད་ཀྱི་ལུང་གི་སྤྱི། ། དེ་བཞིན་གཤེགས་པ་ཐམས་ཅད་ཀྱི་གསང་བ།། གསང་བའི་སྙིང་པོ་དེ་ཁོ་ན་ཉིད་ངེས་པའི་ལེའུ་ལས་ཐམས་ཅད་མ་ལུས་པར
299b3 སྤྲོས་ཏེ་འཁོར་ལོ་བསྐོར་བ་དེ་དག་གི་འབྲས་བུ་མཆོག། གསང་བ་ཆེན་པོ་འདི་ཡོད་པར།། མེ་མར་མུར་གྱི་ངོང་འབོགས་ཤིང་།། སྤུ་གྲི་སོ་ནི་གཏམས་ལས་ཀྱང་།། འཛེགས་ནས་བུ་དག་འགྲོ་བར་བྱོས།། ཁོ་ན་གནས་པའི་ཡང་ཁོང་དུ།།
299b4 ལྕགས་ཀྱི་སྒྲོམ་བུ་ཁ་བསྡོམ་མོ།། ཐམས་ཅད་ལ་ཡང་མེ་ལོང་བཞིན།། བལྟས་ཀྱང་གཟུགས་བརྙན་མི་སྣང་ངོ་།། ཡེ་ཤེས་འཕྲུལ་གྱི་ལྡེ་མིག་གིས།། རྡོ་རྗེ་ཐ་མས་སྒོམས་ཕྱེ་ནས།། ཡིད་བཞིན་རིན་ཆེན་གཏེར་ཕྱུང་བ།། སྐལ་ལྡན་མཆོག་གིས
299b5 སྤྱང་དུ་གསོལ། ། ཡི་གེ་ཀུན་ལ་མི་སྣང་ཞིང་།། བླ་མའི་ཐུགས་ལ་གནས་པ་ནི།། སྐལ་ལྡན་མཆོག་གི་སྤྱོད་ཡུལ་ཏེ།། ཀུན་དང་ཐུན་མོང་དེ་མ་ཡིན།། དཔེར་ན་སེང་གེའི་འོ་མ་ནི།། གསེར་གྱིས་ཕྱིས་བུས་འཛིན་འགྱུར་གྱི།། སྣོད་གཞན་དག་ཏུ་ཐུགས་པ
299b6 ནི། ། སྣོད་ཀྱང་ཆག་ལ་འོ་མའང་པོ།། ཡོང་གིས་གསེར་གྱི་རང་བཞིན་ལ།། དབྱིབས་ཀྱི་ཁྱད་པར་ཅིར་ཡང་སྣང་།། གསེར་ལས་གྱུར་པ་རྡུལ་ཙམ་མེད།། དེ་བཞིན་ཆོས་ཀྱི་མཚན་ཉིད་ཀྱང་།། མཚན་མ་སྣ་ཚོགས་ཅིར་སྣང་ཡང་།། ཉིད་ལས་གྱུར་པ་རྡུལ
299b7 ཙམ་མེད། ། གསང་བའི་སྙིང་པོར་ཁོ་ན་ཉིད་ངེས་པ་ལས་ཆོས་ཉིད་ཀུན་ཏུ་མི་འགྱུར་བར་བསྟན་པའི་ལེའུ་སྟེ་བརྒྱད་བཅུ་པའོ།། ། རྫོགས་སྷོ།། 6།། འཕགས་པ་ཐབས་ཀྱི་ཞགས་པ་པད་མོའི་ཕྲེང་ཞེས་བྱ་བ། དཔལ་རྡོ་རྗེ་སེམས་དཔའ་ལ
299b8 ཕྱག་འཚལ་ལོ། ། འཕགས་པ་ཐབས་ཀྱི་ཞགས་པ་པད་མོ་ཕྲེང་གི་དོན་བསྡུས་པ།། དེ་ནས་བཅོམ་ལྡན་འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔལ་རྡོ་རྗེ་སེམས་དཔའ་རིག་པའི་བྱིན་རླབས་ལས་བྱུང་བའི
iiif viewer powered by OpenSeadragon
