| e-texts navigator |
| Wylie |
298b1 ཡང་། དེ་བཞིན་ཉིད་ལས་མ་གཡོས་ཏེ།། བདག་ཉིད་དབྱིངས་ལས་མི་གཞན་ཕྱིར།། མཉམ་ལ་མཉམ་པར་གནས་པ་ཡི།། རྣམ་གསུམ་ཚུལ་གྱིས་བསྒོམ་བྱས་ཤིང་།། ཕྱག་རྒྱ་བསྐྱེད་ཅིང་ལོག་འདུལ་བ།། བྱ་བྱེད་མེད་པའི
298b2 ཚུལ་གྱི་སུ། ། ལས་རྣམས་མ་ལུས་རྫོགས་པར་བྱེད།། དེ་ལྟར་རྟོགས་ཤིང་རིགས་ཀྱི་མཆོག། བདག་ཉིད་ཕྱག་རྒྱ་ཀུན་གྱི་བདག། ཡེ་ནས་རང་བཞིན་འོད་གསལ་བས།། བྱང་ཆུབ་སྐྱེ་འཁྲུད་དྷཱ་ཡང་ཡིན།། འབྲས་བུ་ཡང
298b3 ངག་ཉིད་དུའོ། ། རྒྱུ་འབྲས་དབྱེར་མེད་རྡོ་རྗེའི་ས།། བཅུ་གསུམ་དོན་གྲུབ་དེ་གནས་པ།། མཐར་བྱིན་གང་ལའང་མི་གནས་པའོ།། རང་བཞིན་ཕྱག་བ་རྒྱ་ཆེན་པོ་ནི།། ཕྱི་ནང་སྣོད་བཅུད་ཐམས་ཅད་ཀུན།། ཐམས་ཅད་ཤྲེ་རབ
298b4 ངང་དུ་གནས། ། རིག་སྔགས་བདེ་གཤེགས་ཡབ་ཡུམ་དུ།། མ་བཅོས་ཡེ་ནས་དེ་ལྟར་གནས།། ཐབས་དང་ཤེས་རབ་ཉིད་ལ་རོལ།། བདེ་མིན་མ་ཆགས་ཚོགས་ཆེན་པོ།། ཡང་དག་ཉིད་ལ་རབ་ཏུ་རྫོགས།། ལྷག་པའི
298b5 ཕྱག་རྒྱ་ཆེན་པོ་ནི། ། ནརང་གི་རྟགས་ནི་ཕྱིར་བྱུང་སྟེ།། མདོར་བསྡུས་ཕྱག་རྒྱ་ཆེན་པོ་དང་།། གཞན་ཡང་ཕྱག་རྒྱ་སྣ་ཚོགས་པ།། ལག་གི་འདུ་འཕྲོ་བསམ་ཡས་དང་།། ཡན་ལག་སྟབས་ཆེན་བསྐུལ་བསོགས་ཀུན།། ཉིད
298b6 ཀྱི་དབྱིངས་ལས་མ་གཡོས་ཀྱང་། ། རང་བཞིན་ཉིད་ཀྱིས་དེ་ལྟར་གནས།། འཇོམས་ཤིང་ཅིས་ཀྱང་མི་ཚུགས་པ།། རང་བྱུང་ཆེན་པོ་ལྷ་ཡི་ལྷ།། ཐམས་ཅད་ཀུན་ལ་འབིགས་པར་བྱེད།། དཔའོ་ཞེས་ཀྱང་གདགྲ་པར་བྱའོ།།
298b7 ལས་དང་ལས་ཀྱིས་མཾ་གོས་པ།། གཉིས་མེད་དབྱིངས་ཀྱི་དོན་རྟོགས་ཤིང་།། མ་ཆགས་པ་ལ་ཆགས་པ་དང་།། ཤིན་དུ་རྣམ་པར་དག་པ་ཡི།། དེ་བཞིན་ཉིད་དབྱིངས་དཀྱིལ་འཁོར་ལ།། སྐུ་གསུང་ཐུགས་ལྡན་ཟད་མི
298b8 ཤེས། ། ཡོན་ཏན་མི་ཟད་གཏེར་དུ་འགྱུར།། བཞི་ནི་མི་ཟད་པར་ལྡན་པའོ།། སྐུ་གསུང་ལས་རྣམས་རྫོགས་བྱེད་པའོ།། རྣམ་པར་རྟོག་མེད་ཚུལ་གྱིས་ནི།། ཐམས་ཅད་ཀུན་ལ་ཆགས་མེད་རོལ།། འདུལ་བའི་དོན་ལན
iiif viewer powered by OpenSeadragon
