| e-texts navigator |
| Wylie |
298a1 སྔ་ཕྱི་ཡོད་མོད་ཀྱང་། ། དོན་གྱི་ཅིག་ཆར་རྫོགས་པར་བསྒོམ།། དེ་ལྟ་བུ་ཡི་དོན་རྟོགས་ཀྱང་།། འགྲོ་ཉལ་འདུག་སྡོད་ལོངས་སྤྱོད་ཀྱང་།། ཐེག་ཆེན་སྒྲོམ་ལས་ཉམས་པ་མེད།། གོང་གི་དོན་ལྟར་མ་རྟོགས་པའི།།
298a2 བློ་ངན་མཉམ་པར་ཁུངས་ཕྱུང་ནས།། མ་རྟོགས་ལ་ལོ་སྙོམ་ལས་བྱས།། དོན་མ་གྲུབ་པར་ངན་སོར་འགྲོ།། སེམས་ཀྱིས་མཉམ་པར་མ་རྟོགས་ན།། ཚིག་གིས་མ་ཉམས་པས་སངས་མི་རྒྱ།། དེ་བས་དོན་ཚིག
298a3 ལྡན་པར་བྱོས། ། འོན་ཏར་ཐེ་ཙོམ་མེད་པར་འགྲུབ།། རྣལ་འབྱོར་དོན་ཆེན་རྟོགས་པ་ཡིས།། དུས་མཐའ་མེད་པར་དེ་ལྟར་བསྒོམ།། ཡོན་ཏན་ནམ་མཁའི་མཐའ་དང་མཉམ།། སྤྱོད་ཡུལ་སངས་རྒྱས་ཉིད་དུ་གཅིག།
298a4 རྟག་ཏུ་བསོད་ནམས་ཚོགས་ཆེན་ལྡན།། བྱ་བྱེད་མེད་པའི་བརྩོན་འགྲུས་ཀྱིས།། དེ་ན་བྱང་ཆུབ་སྙིང་པོ་ལེན།། ཞེས་གསང་བའི་ཚིག་ཏུའོ།། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་དབང་པོ་དང་ཡུལ་དུ་འདུས་པ་སྙན་པའི་ལེའུ
298a5 སྟེ་བདུན་ཅུ་བདུན་པའོ། ། །། དེ་ནས་དེ་བཞིན་གཤེགས་པ་གསང་བའི་སྙིང་པོ་དེ་ཁོ་ན་ཉིད་ངེས་པ་ལས་སྔགས་འཆང་རྣམས་དོན་ཡོད་པར་བྱ་བའི་ཕྱིར་ཐམས་ཅད་ཕྱག་རྒྱར་འདུས་ཤིང་ཕྱི་ནང་སྣོད་བཅུད་ཐམས
298a6 ཅད་ལ། འདི་ལྟར་བརྟགས་ཤིང་ཕྱག་བརྒྱའི་དམ་ཚིག་བསྲུང་བ་དང་། དམ་ཚིག་ནི་གནས་ཡིན་ནོ།། ཕྱག་རྒྱས་བསྡུས་ཤིང་སྤྲོས་པ་ཡང་འདི་ཡིན་ཏེ། ཆེད་དུ་བརྗོད་པ་འདི་བརྗོད་དོ།། གསང་བ་དེ་ཉིད་ཁོ་ན་ལས།། བྱང
298a7 ཆུབ་མཆོག་འདི་བསྟན་པའོ། ། མཉམ་པ་ཆེན་པོའི་དཀྱིལ་འཁོར་ནི།། ཕྱོགས་བཅུ་དུས་བཞི་མ་ལུས་པའི།། འདས་དང་མ་འདས་ཐམས་ཅད་ཀུན།། ཡེ་ནས་དབྱེར་མེད་དེ་བཞིན་ཉིད།། མཉམ་དང་མི་མཉམ་བྱ་བ་མིན།།
298a8 དེ་བཞིན་ཉིད་ཀྱི་དང་དུ་འུབ།། འཇིག་རྟེན་འདས་དང་འཇིག་རྟེན་པའི།། བརྗོད་པ་མ་ལུས་ཐམས་ཅད་ཀུན།། ཆོས་ཉིད་དང་ལས་མ་རྟོགས་པ།། ལོག་རྟོགས་ཉོན་མོངས་རྡུལ་ཙམ་མེད།། ཕྱག་རྒྱ་སྣ་ཚོགས་འདོའ་བར
iiif viewer powered by OpenSeadragon
