| e-texts navigator |
| Wylie |
295a1 དོན་དམ་པ་དང་ཀུན་རྫོབ་ཏུ་དབྱེར་མེད་པར་མཉམ་པ་དང་། ཆེན་པོ་ལྔ་དེ་བཞིན་གཤེགས་པ་ལྔར་མཉམ་པ་དང་།། རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པའོ།། དེ་ལ་དོན
295a2 དམ་པར་སྐྱེ་བ་མེད་པར་མཉམ་པ་ནི། ། ཆོས་རྣམས་མ་ལུས་ཐམས་ཅད་ཀུན།། དེ་བཞིན་ཉིད་དང་སྟོང་པའི་མཐའ།། ཡང་དག་པ་དང་ཆོས་ཀྱི་དབྱིངས།། མཚན་ཉིད་མེད་ཅིང་དམིགས་སུ་མེད།
295a3 གཟུང་དུ་མེད་ཅིང་སྨོན་པ་མེད།། ཡེ་ནས་མྱ་ངན་འདས་པ་ཡིན།། ཐམས་ཅད་ནམ་མཁའི་མཚན་ཉིད་དེ།། ནམ་མཁའ་ལ་ཡང་མཚན་ཉིད་མེད།། ཀུན་རྫོབ་སྒྱུ་མ་མཉམ་པ་དང་།། འདུས་བྱས་དངོས་པོ
295a4 སྣ་ཚོགས་ནི། ། སྒྱུ་མའི་ཚུལ་དུ་ཐམས་ཅད་སྣང་།། འཕྲལ་གྱི་བྱ་བ་ཀུན་ཀྱང་བྱེད།། རྟོག་པ་ཀུན་གྱི་མཚན་མ་སྣང་།། འདི་དག་ཐམས་ཅད་གཟུགས་བརྙན་ཏེ། བྱ་བྱེད་སྣང་ཞིང་དངོས་པོ་མེད།། ཆུ་ཟླའི་ཚུལ་དུ
295a5 ཐམས་ཅད་གནས། ། ཐམས་ཅད་སྣང་ལ་རང་བཞིན་མེད།། དོན་དམ་ཀུན་རྫོབ་དབྱེར་མེད་ནི།། ཆོས་རྣམས་མ་ལུས་ཐམས་ཅད་ཀུན།། བཞི་རྩ་མེད་ལས་ཐམས་ཅད་འབྱུང་།། ཡོད་དང་མེད་པ་གཉིས་ག་མིན།།
295a6 དོན་དམ་ཀུན་རྫོབ་དབྱེར་མེད་དེ།། འདུས་མ་བྱས་ཉིད་འདུས་བྱས་སྣང་། སྣང་བ་ཉིད་ནི་དངོས་པོ་མེད།། དངོས་མེད་དེ་ཉིད་སྣ་ཚོགས་ཏེ།། དེ་ཉིད་སྒྱུ་མ་མིག་ཡོར་ཚུལ།། འབྱུང་བ་ཆེན་པོ་ལྔ་དེ་བཞིན་གཤེགས
295a7 པ་ལྔར་མཉམ་པ་ནི། ། ས་ཆུ་མེ་རླུང་ནམ་མཁའ་ལས།། ཡ་མཚན་སྣ་ཚོགས་འབྱུང་འགྱུར་བ།། གཞི་རྩ་ཡོད་པ་མ་ཡིན་ཏེ།། རང་བཞིན་རང་གིས་དེ་ལྟར་འབྱུང་།། སོ་སོའི་རིགས་ཚོགས་སྣང
295a8 བ་ནི། ། ཐབས་ཆེན་དག་ཏུ་རྟག་ཏུ་མཉམ།། མཚན་ཉིད་སོ་སོར་གནས་པ་ནི།། ཤེས་རབ་དབྱིངས་ཀྱི་ངང་དུ་མཉམ།། རྣམ་པར་ཤེས་པ་བརྒྱད་ཡེ་ཤེས་ལྔར་མཉམ་པ་ནི།། རྣམ་རྟོག་ཀུན་བཞི་མ་ཡིན་པ།
iiif viewer powered by OpenSeadragon
