| e-texts navigator |
| Wylie |
294b1 ཚུལ། ། ཕྱོགས་རྣམས་ཀུན་ལ་དེ་ལྟར་ལྷ།། མ་རིག་ཕྱིན་ཅི་ལོག་རྣམས་ཀྱི།། ཕྱོགས་རྣམས་སོ་སོར་བཟུང་འགྱུར་ན།། རྟག་ཏུ་ཉོན་མོངས་འཁོར་བར་འགྱུར།། དབང་པོ་ལྔ་ཞེས་བྱ་བའི་དམ་ཚིག
294b2 ནོ། ། ཡུལ་ལྔ་དག་ལ་དབང་བྱེད་ཅིང་།། ཕྱིན་ཅི་ལོག་ནི་དངོས་པོར་འཛིན།། དངོས་པོར་བཟུང་བས་ཁམས་གསུམ་འཁོར།། གཟུགས་རྣམས་མ་ལུས་ཐམས་ཅད་ལ།། སྣང་ཞིང་དངོས་པོ་མེད་པ་དང་།
294b3 ལྗང་ལྷ་མོ་དདངོས་པོར་བརྟག། བདག་དང་ལྷ་ཉིད་གཉིས་པའོ།། སྒྲ་རྣམས་སྣ་ཚོགས་གྲགས་པ་ཡང་།། སྒྲ་ཉིད་དངོས་པོ་མེད་པར་ཤེས།། སྐུ་བརྗོད་མ་ལུས་ཐམས་ཅད་ནི།། ཆོས་ཀྱི་སྒྲ་ཆེན
294b4 སྣ་ཚོགས་ཡིན། ། དྲིའི་དངོས་པོར་སྣང་བ་ཡང་།། དྲི་ཉིད་རང་བཞིན་གང་ཡང་མེད།། དྲི་སྣོམ་ཆོས་ཀྱི་དྲི་ཡིན་ཏེ།། ཤེས་རབ་ཆེན་པོས་དེ་ལྟར་རྟོགས།། རོ་ཡི་དངོས་པོ་སྣང་བ་ཡང་།
294b5 རོ་ཡི་རང་བཞིན་ཡོད་མ་ཡིན།། རོ་བྲོ་དེ་བཞིན་ཉིད་ཀྱི་རོ།། བདེ་བ་དེ་ཡིས་ཚིམ་པར་བྱེད།། རེག་བྱ་སྣ་ཚོགས་སྣང་བ་ཡང་།། རེག་བྱའི་དངོས་པོ་ཡོད་མེད་དེ།། རེག་བྱར
294b6 སྣང་བ་ལོངས་སྤྱོད་ཡིན། ། བདེ་བ་ཆེན་པོ་ཆོས་ཀྱི་སྐུ།། མི་ཤེས་ཕྱིན་ཅི་ལོག་རྣམས་ཀྱིས།། དབང་པོ་ཡུལ་ལ་ཆགས་འགྱུར་ན།། རྟག་ཏུ་འདོད་དང་མི་བྲལ་ཞིང་།། ངན་སོང་གསུམ
294b7 དང་མི་ཁོམ་བརྒྱད། ། རྩ་བ་སོག་མའི་མེ་བཞིན་དུ།། ཁམས་གསུམ་དག་ཏུ་འཁོར་བར་འགྱུར།། དེ་བས་ཡེ་ཤེས་ཆགས་མེད་རྟོགས།། བྱས་ལ་མི་སོགས་བསོད་ནམས་བྱོས།།
294b8 ཀུན་ལ་སྤྱོད་ཅིང་མི་གོས་པས།། ཡེ་ཤེས་ཆེན་པོ་རྟག་ཏུ་བསྒོམས།། མཉམ་པ་ལྔ་ཞེས་བྱ་བའི་དམ་ཚིག་ནི་དོན་དམ་པར་སྐྱེ་བ་མེད་པར་མཉམ་པ་དང་།། ཀུན་རྫོབ་སྒྱུ་མར་མཉམ་པ་དང་།
iiif viewer powered by OpenSeadragon
