| e-texts navigator |
| Wylie |
294a1 བསྟན་པ། ། དེ་རྟོགས་བྱ་ཕྱིར་དག་པའི་མདོག། ཆོས་རྣམས་མ་ལུས་ཐམས་ཅད་ཀུན།། པད་མར་གཞེས་བརྗོད་དེ།། ཆགས་དང་ཆགས་པར་བྱ་བ་མེད།། ཆགས་མེད་ཕྱིར་ཡང་དམར་བའོ།། ཡོན་ཏན་གང་ཆེན
294a2 ཟད་མི་ཤེས། ། ཐམས་ཅད་འབྱུང་བའི་གནས་ཡིན་ཏེ།། དེ་བཞིན་ཉིད་དབྱིངས་མ་ལུས་ལ།། ཟད་མེད་རིན་ཆེན་གཏེར་འགྱུར་ཏེ།། མདོག་ནི་གསེར་གྱི་མདོག་ཏུ་བསྟན།། ཆོས་རྣམས་ཕྱིན་ཅི་ལོག་རྣམས་ལ།། ཐུགས་རྗེ་ཆེན་པོའི་བྱིན
294a3 བརླབས་ཀྱིས། ། དབྱིངས་སུ་ཡང་དག་བསྡུ་དགོས་པས།། ལས་རྣམས་མ་ལུས་རྫོགས་པར་བྱེད།། ཀུན་ཏུ་ལས་ནི་ལྗང་གུའི་མདོག། དེ་བཞིན་ཉིད་ཀྱི་དབྱིངས་ཉིད་ལས།། ཅིས་ཀྱང་མི་ཚུགས་བཅོས་སུ་མེད།། ཁ་དོག་ནག་པོ
294a4 དངོས་པོ་ལ། ། མཚོན་གཞན་དག་གིས་བསྒྱུར་དུ་མེད།། དེ་བཞིན་ཀུན་ལ་ཤེས་པར་བྱོས།། ཕྱོགས་ལྔ་ཞེས་བྱ་བའི་དམ་ཚིག་ནི།། མཐའ་དང་དབུས་མེད་དེ་བཞིན་དུ།། དབྱེར་མེད་ངང་དུ་གནས་པ་ལ།། ཡེ་ཤེས་རྟོགས
294a5 པའི་དོན་བྱ་ཕྱིར། ། ཕྱོགས་དང་དབུས་སུ་གནས་པར་བྱ།། སེམས་ཅན་མ་རིག་མདོངས་པ་ལ།། ཉོན་མོངས་མ་རིག་གསལ་བྱའི་ཕྱིར།། ཡེ་ཤེས་སྒྲོན་མ་འོད་འབར་བས།། མ་རིག་མུན་པ་སེལ་བར
294a6 བྱེད། ། དེ་ཕྱིར་དེ་ལ་ཤར་ཞེས་བྱ།། སེམས་ཅན་མ་ལུས་ཐམས་ཅད་ལ།། ཉོན་མོངས་སྡུག་བསྔལ་མི་གནས་ཤིང་།། མ་རིག་མུན་པ་ནུབ་གྱུར་པས།། དེ་ལ་ནུབ་ཀྱི་ཕྱོགས་ཞེས་བྱ།། སེམས་ཅན་ཀུན
294a7 གྱི་ཉོན་མོངས་ཀུན། ། ཡེ་ཤེས་ཆེན་པོ་བདག་མེད་པས།། སྡུག་བསྔལ་རབ་ཏུ་བྱང་བྱས་ནས།། དེ་ལ་བྱང་གི་ཕྱོགས་ཤེས་བརྗོད།། དེ་ལྟར་མ་ལུས་ཐམས་ཅད་ལ།། ཐུགས་རྗེ་ཤར་དང་སྒྲིབ་པ་ནུབ།། རྣམ
294a8 རྟོག་མཚན་ཉིད་བྱང་གྱུར་ན། ། དེའི་ཡོན་ཏན་ཆེན་པོ་རྫོགས།། དེ་ལྟར་ཆོས་རྣམས་མ་ལུས་ཀུན།། རང་བཞིན་ཉིད་ཀྱིས་དབྱིངས་སུ་འདུས།། ཕྱོགས་རྣམས་མ་ལུས་ཐམས་ཅད་ཀུན།། དེ་བཞིན་ཉིད་དུ་ཟླུམ་པའི
iiif viewer powered by OpenSeadragon
