| e-texts navigator |
| Wylie |
293b1 བདེ་དང་མི་བདེ་དངོས་པོ་མེད།། ། མ་ཡིན་ལུང་མ་བསྟན།། སྣ་ཚོགས་ཚེར་བ་འབྱུང་འགྱུར་ཡང་།། ཚེར་དང་འབྱུང་བ་གཉིས་སྟོང་།། སྟོང་ཉིད་དངོས་པོ་ཡོད་པ་ཡིན།། དེ་རྟོགས་ཆོས་ཀྱི་གོ་དགོས་ཡིན།། འདུ་ཤེས་མཚན་ཉིད
293b2 བཤད་པ་ནི། ། གསུམ་ཚོགས་མཚན་མར་འཛིན་པ་ཡིན།། སོ་སོ་མཚན་ཉིད་བཤིག་པ་ན།། དངོས་པོ་མེད་དེ་དེ་བཞིན་ཉིད།། དངོས་པོ་དེ་ནི་སྣ་ཚོགས་པ།། བྱ་བྱེད་མེད་པར་ཀུན་ཏུ་འཇུག། ཁམས་གསུམ་མ་ལུམ་ཐམས་ཅད་ལ།
293b3 མཚན་མ་ཆེ་ཆུང་བསམ་མི་ཁྱབ།། ཁྱབ་མེད་དངོས་པོ་ཡོད་མ་ཡིན།། དེ་ལྟར་རྟོགས་ན་སངས་རྒྱས་མཚན།། འདུ་བྱེད་མཚན་ཉིད་འདི་ལྟར་གནས།། བ་བརྒྱད་པའི་གྲངས་འགྱུར་ཏེ།། ལྔ་བཅུ་རྩ་གཅིག་ཀུན་ལའཕོ།། དེར་རྟོགས
293b4 བ་ཡོད་མ་ཡིན། ། མེད་བཞིན་ལོག་གཡོ་རྣམ་པར་འབྱུང་།། དེ་ལ་དངོས་པོར་འཛིན་པ་ནི།། རྟག་ཏུ་ཉོན་མོངས་གཡེངས་གྱུར་ནས།། ཁམས་གསུམ་བཙོན་ཀུན་ཏུ་འཁོར།། ཡང་དག་དོན་ཕྱིར་རིག་པས་ནི།། འཕྲོ་བའི་གཞི་རྩ་དེ་བཞིན
293b5 དེ། ། དེ་ལ་རྣམ་རིག་འབྱུང་བ་ནི།། དངོས་པོ་མེད་དེ་སྐད་ཅིག་མ།། ཡེ་ཤེས་དབྱིངས་ལ་རོལ་པ་མཛད།། སྤྲུལ་པའི་ཚོགས་ཆེན་ཡིན་པར་བཤད།། ཀུན་གྱི་འབྱུང་གནས་རྣམ་ཤེས་ཏེ།། དེ་ཡི་དངོས་པོའི་རང་བཞིན་ནི།། ཁ་དོག
293b6 དབྱིབས་དང་རིག་རྒྱུན་མིན། ། གང་ཡང་མ་ཡིན་ཉིད་མི་དམིགས།། འདི་ནི་ཀུན་ལ་དབང་སྒྱུར་ཏེ།། མཐོ་རིས་འགྲོ་འམ་ངན་སོང་འགྲོ།། ཏོགས་དང་མ་རྟོགས་ཁྱད་པར་རོ།། བཞི་པོ་མཉམ་པའི་དང་ཤེས་ན།། འདིན་ཡེ་ཤེས་ཆེན།།
293b7 པོ་ཡིན།། ཁ་དོག་ལྔ་ཡི་མཚིག་ནི།། སེམས་ཅན་མ་ལུས་ཐམས་ཅད་ལ།། ཡེ་ཤེས་ལྔ་ཡིས་ཀུན་ཁྱབ་ཀྱང་།། རང་གི་ནམ་ཏོག་བསྒྲིབས་བྱས་ཏེ།། ཡེ་ཤེས་ལྔ་མ་དོན་མ་མཐོང་།། མ་མཐོང་མོངས་པ་ཐམས་ཅད་ལ།
293b8 ཡེ་ཤེས་མཚན་ཉིད་བསྟན་པའི་ཕྱིར།། དཀར་དང་དམར་དང་སེར་བ་དང་།། ལྗང་ཁུ་ལ་སོགས་ནག་པོར་བསྟན།། ཆོས་རྣམས་བདག་མེད་རྟོགས་བྱས་ནས།། བྱང་ཆུབ་སེམས་ཉིད་དག་པའི་ཕྱིར།། ཤིན་ཏུ་མདོག་ནི་དཀ
iiif viewer powered by OpenSeadragon
