| e-texts navigator |
| Wylie |
292b1 རིག་པ། ། སྔང་སྲིད་མ་ལུས་ཐམས་ཅད་ལ།། གསལ་ཞིང་དྲོ་བའི་གནས་བྱེད་ཅིང་།། མཚན་མ་བག་ཆགས་སྲེག་བྱེད་པ།། འདི་ནི་མིའི་རིགས་སུ་བཤད།། ཆོས་རྣམས་མ་ལུས་ཐམས་ཅད་ལ།། དངོས་པོར་སྣང་ལགཟུང་དུ་མེད།
292b2 བསྐྱེད་ན་ཐམས་ཅད་ཀུན་སྨྲ་སྟེ།། འདི་ནི་རླུང་ཆེན་ཡིན་པར་བཤད།། དམ་ཚིག་ཆེན་པོའི་མདོ་རྣམས་ལས།། འབྱུང་བ་ལྔ་རྣམས་བཤད་པ་ནི།། ཐམས་ཅད་མ་ལུས་འབྱུང་བའི་གནས།། ཐམས་ཅད་ཀུན་གྱི་མཛོད་སྐྱེད་ཡིན།། ཆོས
292b3 རྣམས་མ་ལུས་ཐམས་ཅད་ལ། ། སྲ་ཞིང་རྟེན་པའི་གནས་ཡོད་པས།། དངོས་པོ་མེད་པའི་ཚུལ་རྟོགས་ཏེ།། འདི་ནིས་ཆེན་ཡིན་པར་བཤད།། ཆོས་རྣམས་མ་ལུས་ཐམས་ཅད་ལ།། དེ་བཞིན་ནམ་མཁའ་ཆེན་པོ་ཡིས།། ཕྱི་དང་ནང་གི་གོ་འབྱེད
292b4 པའོ། ། ཐམས་ཅད་གསལ་བའི་ངང་ཉིད་དེ།། འབྱུང་བ་བཞི་པོ་ཐམས་ཅད་ཀྱང་།། ཐམས་ཅད་ནམ་མཁའི་ངང་དུ་ཐིམ།། ཆོས་རྣམས་མ་ལུས་ཐམས་ཅད་ཀུན།། དེ་བཞིན་ཉིད་ཀྱི་དབྱིངས་སུ་འབ།། ཉོན་མོངས་ལྔ་པ་ཞེས་བྱ་བའི་དམ་ཚིག
292b5 ནི། ། མ་རིག་པ་ནི་རིག་པར་འགྱུར།། ཕྱིན་ཅི་ལོག་ནི་ཡང་དག་སྟེ།། ཉོན་མོངས་ལྔ་པོ་དེ་བཞིན་གཤེགས།། དངོས་མེད་ཏོགས་ན་བྱང་ཆུབ་ལམ།། མ་རྟོགས་ངན་སོང་གསུམ་དུ་འགྲོ། དེ་བས་ཐོས་བསམས་བསྒོམས་པ་ཡིས།། ཡང
292b6 དག་དོན་ཉིད་རྟོགས་བྱས་ཏེ། ། ཐམས་ཅད་སངས་རྒྱས་ཉིད་དུ་སྦྱོར།། འདོད་ཆགས་རང་བཞིན་མེད་པས་ན།། ཡང་དག་དོན་ལ་ཆགས་བྱེད་དེ།། ཆགས་པ་མེད་པའི་ཚུལ་གྱིས་གནས།། མ་ཆགས་པ་ལ་ཆགས་པ་དང་།། ཤིན་ཏུ་ཆགས།།
292b7 མཆོག་ཆེན་པོ་ཡིན།། རྒྱལ་བའི་ཞིང་ཁམས་འབྱུང་འགྱུར་ཏེ།། སྣང་བ་མཐའ་ཡས་ཞིང་དག་ཡིན།། ཐམས་ཅད་པདམ་བརྫུས་སྐྱེས་ཡིན།། རྡོ་རྗེ་འཛིན་གྱི་ས་ར་སྱེ།། ཞེ་སྡང་ཆེན་པོའི་མཚན་ཉིད་ནི།། ཕྱིན་ཅི་ལོག་ལ་ཞེ
292b8 སྡང་ཞིང་། ། ཞེ་སྡང་དངོས་པོ་མེད་ཤེས་ན།། སྡང་དང་མི་སྡང་མཉམ་ཤེས་ཏེ།། ཅིས་ཀྱང་མི་ཚུགས་རྡོ་རྗེ་ཡིན།། མཉམ་པ་ཆེན་པོའི་ངང་ཉིད་ནི།། ཐམས་ཅད་ཀུན་ལ་དབྱེར་མེད་དེ།། དེ་ལྟར་མ་རྟོགས་ཀུན་ལ་སྣང་།།
iiif viewer powered by OpenSeadragon
