| e-texts navigator |
| Wylie |
289a1 བརྟག་རྟོགས་མཚན་མ་ཀུན་བཤིག་ནས།། མཚན་མ་མེད་པའི་ཕྱག་རྒྱ་རུ།། ཐམས་ཅད་འདུས་པར་ཡང་དག་རྟོགས།། རྟོག་པ་ཉིད་ཀྱང་དངོས་མེད་ལ།། དེ་ཉིད་སྣ་ཚོགས་བར་བ་ཡི།། སྣང་བ་ཉིད་ན་བྱེད་པ་མེད།། དེ་ཉིད
289a2 འཇིགས་པའི་ཕྱག་རྒྱ་ཡིན། ། གཡུང་དྲུང་ཚེ་འཕེལ་ཞེས་བྱ་བའི་དམ་ཚིག་ནི།། ཆོས་རྣམས་ཐམས་ཅད་བདག་ཡིན་པས།། གང་དུ་འགྲོ་ཞིང་གང་དུ་སྟེ།། འཇིག་དང་སྐྱེ་བའི་དངོས་པོ་མེད།། དངོས་མེད་དེ་ལ་སུ་ཞིག་གསོད།། གང་ཞིག
289a3 གཉིས་སུ་འཛིན་པ་ལ། ། སྐྱེ་དང་འཆི་བ་དེ་ལ་ཡོད།། ཡེ་ཤེས་ཅན་གྱི་བརྟགས་པ་ན།། སྐྱེ་འཇིག་ཉིད་ན་དངོས་པོ་མེད།། ཐམས་ཅད་མི་འགོག་པ་ཞེས་བྱ་བའི་དམ་ཚིག་ནི།། མཆོག་གསུམ་རྫོགས་པ་མན་ཆད་ནས།། ངན་སོང་གརླ
289a4 རྣམས་ཡན་ཆད་དུ། ། ཡང་དག་པར་ནི་དབྱེར་མེད་དེ།། གང་ཡང་སྤང་བར་བྱ་བ་མིན།། ཐེག་པ་མཐོན་དམན་བསམ་ཡས་པ།། དོན་དུ་མི་འགྱུར་ཡོད་མ་གསུངས།། ངན་སོང་གནས་རྣམས་ཐམས་ཅད་ཀུན།། བླ་མེད་བྱང་ཆུབ་རྒྱུ་ཡོད་པའོ།།
289a5 ཐམས་ཅད་སྤྱོད་པ་ཞེས་བྱ་བའི་དམ་ཚིག་ནི།། ཐམས་ཅད་ཀུན་དུ་བཟང་པོ་ཡི།། འདོད་པའི་ཡོན་ཏན་ལྔ་རྣམས་ལ།། ཐོགས་པ་མེད་པར་སྤྱད་བྱས་ཏེ།། བསོད་ནམས་ཚོགས་ཆེན་ཡིན་པར་བརྟག། དེ་བཞིན་གཤེགས་པ
289a6 ལྔར་ཡང་བརྟག། གཞན་ཡང་སྟོང་ཁམས་ཐམས་ཅད་ནི།། ཤེས་རབ་དབྱིངས་དང་འདོད་ཡོན་རྣམས།། རབ་འབྲིང་ཐ་མ་ཐམས་ཅད་སྤྱོད།། ཐམས་ཅད་མི་ཆུད་པ་ཞེས་བྱ་བའི་དམ་ཚིག་ནི།། ཕྱོགས་དུས་མཉམ་པའི་དཀྱིལ
289a7 འཁོར་དུ། ། རྡོ་རྗེ་རིགས་མཆོག་མ་རྟོགས་པར།། ཐེག་པ་དམན་དང་ལྟ་བ་དམན།། དེས་ནི་ཐེག་མཆོག་རྟོགས་མི་འགྱུར།། མི་མཉམ་པའི་དོན་ཉིད་ཀུན་ཁྱབ་ཀྱང་།། ཉོན་མོངས་སྡུག་བསྔལ་ཉིད་ཀྱིས་བསྒྲིབས།། དེ་ཡིས་ཡང
289a8 དག་ཉིད་མི་མཐོང་། ། མ་མཐོང་བ་ལ་མི་ཆུད་བྱ།། ཐམས་ཅད་བསྲུང་དུ་མེད་ཅེས་བྱ་བའི་དམ་ཚིག་ནི།། ཐམས་ཅད་མ་ལུས་སངས་རྒྱས་ལ།། བསྒྲུབ་ཅིང་བསྲུང་བར་བྱ་བ་མེད།། དགེ་དང་མི་དགེ་གཉི་ག་མེད།། ཉོན་མོངས་སྤངས
iiif viewer powered by OpenSeadragon
