| e-texts navigator |
| Wylie |
288a1 དམ་ཚིག་ནི།། སྒྲ་རྣམས་ཇི་སྙེད་བརྗོད་པ་ཡང་།། དངོས་པོ་མེད་ལས་དངོས་པོ་སྒྲ།། བརྗོད་དང་སྒྲའི་དངོས་པོ་མིན།། ཆོས་རྣམས་སྒྲ་ལྟར་ཤེས་པར་བྱོས།། ཐམས་ཅད་མ་ལུས་དོན་འབྱུང་བ།། ཚིག་གིས་མཚོན་ལས་གུང
288a2 ན་མེད། ། སྒྲ་ཉིད་དོན་གྱིས་དངོས་པོ་མིན།། དོན་ཉིད་སྒྲ་ལས་གུང་ན་མེད།། ཆོས་རྣམས་དྲིའི་མཚན་ཉིད་དུ་ཤེས་པར་བྱ་བའི་དམ་ཚིག་ནི།། ཆོས་རྣམས་ཐམས་ཅད་དངོས་མེད་པར།། སྣ་ཚོགས་འབྱུང་ཞིང་རྣམ་པར་འཕྲོ།། དེ་བཞིན་དྲི་ཡི
288a3 པོ་ཡང་། ཡོད་པ་མ་ཡིན་ཀུན་ཏུ་མནམ།། ཐེ་ཚོམ་མེད་པའི་ཤེས་རབ་ཀྱིས།། ཆོས་ཀུན་དེ་ལྟར་ཤེས་པར་གྱིས།། དྲི་ཡིས་རབ་དུ་ཚིམ་འགྱུར་ཡང་།། དྲི་དང་དངོས་པོ་གཉིས་སུ་མེད།། དངོས་གྲུབ་ཐམས་ཅད་དེ་ལྟར་རོ།། ཆོས་ཐམས
288a4 ཅད་རོ་ལྟར་ཤེས་པར་བྱ་བའི་དམ་ཚིག་ནི། ། ཆོས་རྣམས་མ་ལུས་ཐམས་ཅད་ཀུན།། བཞི་རྩ་མེད་ལས་ཐམས་ཅད་འབྱུང་།། དེ་བཞིན་དབང་པོ་དངོས་མེད་དང་།། རྫས་ཀྱི་དངོས་པོ་མེད་པ་ཡི།། རྣམ་ཤེས་དབང་པོ་ཡུལ་ཚོགས་ན།། རོ་ཡི
288a5 དབང་པོ་ཐམས་ཅད་འགྲུབ། ། རོ་དང་རོ་རུ་རྟོགས་པ་ཡང་།། རང་བཞིན་མེད་པ་སྐད་ཅིག་མ།། ཆོས་ཐམས་ཅད་རེག་བྱ་ལྟར་ཤེས་པར་བྱ་བའི་དམ་ཚིག་ནི།། གཟུགས་རྣམས་དབུ་བརྡོས་པ་འདྲ།། ཚོར་བ་ཆུ་ཡི་ཆུ་བུར་བཞིན།། མཚན་འཛིན
288a6 སྨིག་རྒྱུ་བཞིན་དུ་གནས། ། རྣམ་ཤེས་སྒྱུ་མས་དབང་བསྒྱུར་ན།། མཚན་མ་སྣ་ཚོགས་འབྱུང་བར་ངེས།། བདེ་བའི་རོ་མཆོག་ཀུན་ཀྱང་མྱོང་།། དེ་ཉིད་བསོད་ནམས་ཚེགས་ཆེན་ཏེ།། བདེ་བ་ཆགས་མེད་ཡེ་ཤེས་ཡིན།། རེག་གི
288a7 དངོས་གྲུབ་དེ་ལྟར་རོ། ། འདུས་བྱས་རྣམ་པར་དག་པ་ཞེས་བྱ་བ་འདིམ་ཚིག་ནི།། ཡང་དག་ཉིད་ལ་གནས་བཅས་ན།། ཕྱི་ནང་སྣོད་བཅུང་རྣམ་པར་དག། རིགས་པ་སྣང་བ་དེ་བཞིན་གཤེགས།། སྤྲུལ་པ་ཛིན་པ་གྲམ་ཀྱི་གྱིས་ག
288a8 ནི་མཚན་མ་དངོས་པོ་མེད། ། གཅིག་ལ་ལྔ་ལྔར་བཤིག་པ་དང་།། ཐམས་ཅད་ནམ་མཁའི་དང་དུ་གནས།། ནམ་མཁའ་དེ་བཞིན་ཆོས་ཀྱི་དབྱིངས།། འདུས་བྱས་ཉིད་ཀྱི་དངོས་གྲུབ་བོ།། འདུས་བྱས་ཀུན་ཏུ་འབྱུང་བྱ་ཞེས་པ་པ་དམ་ཚིག་ནི།།
iiif viewer powered by OpenSeadragon
