| e-texts navigator |
| Wylie |
284b1 ལ་མཉམ་བཞག་ན། ། ཐམས་ཅད་དེ་བཞིན་ཉིད་ཀྱི་ཞིང་།། ཉོན་མོངས་སྡུག་བསྔལ་འབྱུང་མི་འགྱུར།། ཆོས་ཀྱི་རང་བཞིན་ཇི་ལྟ་བུར།། བདག་གིས་ཡང་དག་རྫོགས་བྱས་ཏེ།། ཐེག་པ་དམན་དང་ཕྱིན་ཅི་ལོག། ཐམས
284b2 ཅད་མཉམ་པའི་དབྱིངས་སུ་དགོད། ། ཕྱོགས་དུས་གཉིས་མེད་ཅེས་བྱ་བ་དམ་ཚིག་ནི།། ཕྱོགས་བཅུ་དུས་བཞི་ཐམས་ཅད་ཀྱང་།། རྟོགས་པའི་མཚན་མ་སོ་སོར་སྣང་།། སྣང་བ་ཉིད་ན་དབྱེར་མེད་དེ།། མཐའ་དང་དབུས
284b3 མེད་ཟླུམ་པོ་ཡི། ། དེ་བཞིན་རང་གིས་རིག་པ་ཡང་།། མཐའ་དང་དབུས་མེད་དུ་མ་མིན།། གང་དུ་མི་འགྲོ་ཀུན་དུ་ཁྱབ།། ཀུན་ལ་བདེ་སྦྱིན་མི་གནས་པའོ།། ཐམས་ཅད་འབྱོར་ལྡན་ཞེས་བྱ་བའི་དམ་ཚིག་ནི།། ཆོས་རྣམས
284b4 སོ་སོར་རྟོགས་བྱས་ཤིང་། ། ཐམས་ཅད་གཉིས་མེད་དབྱིངས་ཤེས་ན།། མི་ཟད་པར་ལྡན་རྒྱན་ཐོབ་སྟེ།། ཀུན་ཏུ་ཟད་མེད་རིན་ཆེན་གཏེར།། དེ་བཞིན་ཉིད་ལ་གནས་བཅས་ན།། ཉོན་མོངས་སྡུག་བསྔལ་མི་འབྱུང་སྟེ།། །
284b5 རྟག་ཏུ་བདེ་གནས་བྱང་ཆུབ་ཉིད།། མཚན་དང་དཔེ་བྱད་ཀུན་དང་ལྡན།། ཐབས་ཉིད་ཤེས་རབ་ཅེས་བྱ་བ་འདམ་ཚིག་ནི།། ཇི་ལྟར་སྣང་བ་ཐམས་ཅད་ཀུན།། ཐམས་ཅད་ཐབས་ཀྱི་རང་བཞིན་ཏེ།། ཐབས་ལ་ཐབས་ནི་རྣམ་པར
284b6 སྦྱོར། ། སྦྱོར་དང་སྦྱོར་བ་གཉི་ག་མེད།། སྣ་ཚོགས་སྣང་བ་ཐམས་ཅད་ཀྱང་།། སྣང་བ་ཉིད་ན་རང་བཞིན་མེད།། དེ་ཉིད་ཤེས་རབ་ཡིན་པར་བཤད།། རྟག་ཏུ་ཐབས་ཉིད་མི་དམིགས་པའོ།། ཤེས་རབ་ཉིད་ལ་ཐབས་སུ་སྦྱོར་བའི
284b7 ཞེས་བྱ་བའི་དམ་ཚིག་ནི། ། དེ་བཞིན་ཉིད་ཀྱི་དབྱིངས་ཉིད་ལས།། རོལ་པ་སྣ་ཚོགས་ཅིར་ཡང་འབྱུང་།། འབྱུང་བ་ཉིད་ན་རང་བཞིན་མེད།། མེད་པ་ཉིད་ནི་སྣ་ཚོགས་སྣང་།། ཐབས་དང་ཤེས་རབ་དབྱིངས་ལས་བྱུང་།། མཉན
284b8 བསམས་བསྒོམས་པའི་ཤེས་རབ་ཀྱིས། ། ཤེས་རབ་ཐབས་སུ་དོན་རྟོགས་བྱོས།། ཀུན་ལ་དེ་ལྟར་འབྱོར་པར་གྱིས།། གཉིས་མེད་བྱང་ཆུབ་སེམས་ཞེས་བྱ་བའི་དམ་ཚིག་ནི།། ཐབས་དང་ཤེས་རབ་ལྡན་འགྱུར་ན།། གཉིས་མེད
iiif viewer powered by OpenSeadragon
