| e-texts navigator |
| Wylie |
283b1 དེ་རྟོགས་སྡུག་བསྔལ་བྲལ་བྱེད་ཡིན།། ཡུམ་འགྱུར་དབྱིངས་ཕྱག་མའི་དམ་ཚིག་ནི།། འབྱུང་བ་ལྔ་ལ་རྟེན་འགྱུར་ན།། ཐམས་ཅད་འབྱུང་ཞིང་མ་ལུས་གནས།། སྐྱེ་འཁྲུད་མ་ལུས་གཞི་ཡང་ཡིན།། ཐམས་ཅད་ཀུན
283b2 ཀྱི་ཆུ་ཡང་ཡིན། ། དེ་བཞིན་ཤེས་རབ་རྣམ་གསུམ་གྱིས།། ལེ་ལོ་མེད་པའི་བརྩོན་པ་འབོད།། དེ་བཞིན་དབྱིངས་ཉིད་རྟོགས་གྱུར་ན།། བླ་མེད་བྱང་ཆུབ་འབྱུང་བའི་གནས།། ཆོས་ལ་སྐྱོན་མེད་ཅེས་བྱ་བའི་དམ་ཚིག་ནི།།
283b3 བླ་ན་མེད་པའི་དཀྱིལ་འཁོར་དང་།། ངན་སོང་གནས་རྣམས་མ་ལུས་ཀུན།། རྒྱུ་ཉིད་རང་བཞིན་གཉི་ག་གང་།། རང་བཞིན་ཡེ་ཤེས་དེ་བཞིན་ནོ།། འབྲས་བུ་རྣམ་པར་དག་པ་ཡིན།། འཇིག་རྟེན་བརྟན་གཡོ་ལ་སོགས་པ།།
283b4 སྣང་བ་ཉིད་ན་ངོ་བོ་མེད།། དེ་ཉིད་ཆོས་སྐུ་ཆེན་པོ་ཡིན།། སེམས་ཅན་དོན་བྱེད་ཅེས་བྱ་བའི་དམ་ཚིག་ནི།། བྱང་ཆུབ་སེམས་སུ་དོན་གཅིག་པས།། རྩ་བ་སྙིང་རྗེ་ཆེན་པོ་འབྱུང་།། ཐབས་ཀྱི་ཕ་རོལ་ཕྱིན་པ་སྤྱོད།། ཉོན་མོངས
283b5 ལམ་ནས་འགྲོ་བར་བྱེད། ། ཉོན་མོངས་ཁམས་གསུམ་གནས་པ་ཡང་།། ཕྱིན་ཅི་ལོག་ཉིད་སྣང་བ་ཡིན།། དེར་རྟོགས་མཐོ་རིས་ཐར་པའོ།། རྟོགས་ནས་དོན་འཛིན་ཅེས་བྱ་བའི་དམ་ཚིག་ནི།། ཐམས་ཅད་ལྷུན་གྱིས
283b6 གྲུབ་པ་དང་། ། སྒྱུ་མ་མིག་ཡོར་ཚུལ་ཤེས་པ།། གཉི་ག་རང་རིག་ཉིད་དུ་འདུས།། དེ་ཉིད་ཡང་དག་ཡིན་པར་བཤད།། སྒྲ་དང་ཚིག་ཏུ་བརྗོད་པ་ནི།། ཡང་དག་དོན་གྱི་སྙིང་པོ་འབྱིན།། མིང་ཚིག་སྒྲ་ལ་མི་རྟེན་པར། ཁྲུ
283b7 གཏིང་དུ་གོ་བར་བྱ། ། སེམས་ལ་གནས་བཅས་ཞེས་བྱ་བའི་དམ་ཚིག་ནི།། ཐམས་ཅད་མ་ལུས་ཆོས་སོ་ཅོག། སེམས་ཉིད་ལས་ནི་གཞན་ན་མེད།། སེམས་དང་ཆོས་སུ་དབྱེར་མེད་པས།། བྱང་ཆུབ་ལམ་དེ་རིང་བ་མིན།།
283b8 གང་ནས་མ་འོངས་གར་མི་འགྲོ།། རྟོག་མེད་རང་རིག་ཁོ་ན་ཙམ།། སངས་རྒྱས་སེམས་ཅན་སེམས་ལ་གནས།། བརྗོད་མེད་སྤྲོས་མེད་ཅེས་བྱ་བའི་དམ་ཚིག་ནི།། འཇིག་རྟེན་འདས་དང་འཇིག་རྟེན་པའོ།། སྣ་ཚོགས་ཇི་སྙེད
iiif viewer powered by OpenSeadragon
