| e-texts navigator |
| Wylie |
217a1 རྨཱ། ། གཟུགས་སོགས་རི་མོར་བྲིས་པ་དག། ཡེ་ཤེས་ཆེན་པོ་རབ་འབྱམ་གྱིས།། དོན་དུ་མི་འགྱུར་ཡོད་མ་གསུངས།། དེ་བཞིན་ཏིང་འཛིན་དཀྱིལ་འཁོར་གྱིས།། ཐམས་ཅད་དབྱིངས་སུ་བསྡུས་ནས་ནི།། ཉིད་ཀྱི་ཐུགས
217a2 ལ་བསྟིམ་བྱས་ཏེ། ། ཐམས་ཅད་ཆོས་སྐུའི་ཕྱག་རྒྱ་ཆེ།། དཀྱིལ་འཁོར་རྣམ་གསུམ་དག་བྱས་པས།། ནམ་མཁའི་དབྱིངས་ཀྱི་དཀྱིལ་འཁོར་དུ།། རང་རིག་ཡེ་ཤེས་འདུ་འཕྲོ་ཡིས།། ཐམས་ཅད་ཆོས་སྐུ་ཕྱག་རྒྱ་ཆེ།། ཡང་དག་རྟོགས
217a3 པའི་ཁྱད་པར་གྱིས། ། ཏིང་འཛིན་དོན་རྣམས་གསལ་བསྒོམས་ཏེ།། མ་མཱ་ཀིའི་རྒྱུན་ཆགས་ལ།། ཡང་དག་ཆོས་སྐུ་ཕྱག་རྒྱ་ཆེ།། དེ་བཞིན་ཏིང་འཛིན་གསལ་སྒོམས་ནས།། དོན་མཆོག་མ་ལུས་རྫོགས་པའི་ཕྱིར།། མཁའ་ལ་འཕྲོ་བའི
217a4 དཀྱིལ་འཁོར་དུ། ། དྲི་མེད་ཆོས་སྐུ་ཕྱག་རྒྱ་གསལ།། དབྱངས་དང་དེ་བཞིན་ཉིད་མེད་པར།། ཏིང་ངེ་འཛིན་གྱིས་དབང་བསྒྱུར་ནས།། ཁ་དོག་དབྱིབས་དང་གཟུགས་སུ་བསྒྱུར།། སྣ་ཚོགས་ཕྲིན་ལས་རྣམ་པར་རོལ།། དོན་གྱི་སྙིང་པོ
217a5 མཆོག་རྣམས་ཀྱང་། ། བྱང་ཆུབ་ཕྱོགས་རྣམས་རབ་དུ་རྫོགས།། འཇིག་རྟེན་གཙོ་མཆོག་རྣམས་ཀྱིས་བསྐོར།། ཨ་ཧོ།། ཆོས་སྐུ་ཕྱག་རྒྱ་དེ་དག་ལས།། ལས་ལྔའི་དཀྱིལ་འཁོར་རབ་དུ་སྒྲུབ།། ཏིང་ངེ་འཛིན་གྱིས་དབང་བསྒྱུར་ན།
217a6 ཇི་ལྟར་དམིགས་པ་བཞིན་དུ་འགྲུབ།། དྲག་པོ་གཏུམ་པོ་འདུལ་བའི་ཕྱིར།། བདག་ཉིད་དྲག་པོ་བསྒོམས་ནས་ནི།། ཆོས་སྐུ་ནག་པོ་འོད་འབར་གྱིས།། བགེགས་ཀྱི་ལིང་ག་མནན་པར་བྱ།། གཏུམ་པོ་རྔམ་པོའང་རླག་པར་འགྱུར།།
217a7 མཐུན་ཕྱོགས་ཀྱང་རྡུལ་དུ་དྲོག། འོད་དག་འགྲོ་བ་ཐམས་ཅད་དུ།། ཤིན་ཏུ་སྟོབས་དྲག་ཆེ་ལྡན་འགྱུར།། ཐམས་ཅད་གཉིས་མེད་དབྱིངས་བསྤུའི་ཕྱིར།། བདག་ཉིད་ཧ་ཡ་གྲཱི་བར་སྒོམ།། དམར་པོའི་ཆོས་སྐུ་གསལ་བསྒོམས་ཏེ།། མི
217a8 མཐུན་ཕྱོགས་རྣམས་གདན་དུ་གདིང་། ། ཏིང་འཛིན་གསལ་བས་བྱིན་བརླབས་ན།། ཐམས་ཅད་མ་ལུས་དབང་དུ་བསྡུ།། མཐུ་ཆེན་དག་ཀྱང་ཕྱི་བཞིན་འབྲང་།། ཅི་འདོད་ལས་རྣམས་བྱེད་པར་འགྱུར།། ཐམས་ཅད་ཡོན་ཏན་འཕེལ་བྱའི།
iiif viewer powered by OpenSeadragon
