| e-texts navigator |
| Wylie |
211b1 སྨྲ་གསུང་ཡིན། ། ཧྲི་བྷོཊྚ་ཧོ། འཛུབ་མོ་རྒྱ་གྲམ་ལས་ཀྱི་མཆོག། གུང་མོ་རྒྱ་གྲམ་བསྲུང་བར་བྱོས།། སྲིན་ལག་རྒྱ་གྲམ་གནོད་སྦྱིན་མཆོག། མཐེའུ་ཆུང་རྒྱ་གྲམ་གནས་པར་བཤད།། ཧ་ཧཱུ~ཾ་ཨ་བྷྲཱུཾ། ཕྱག་རྒྱ་བརྡའ་ཚིག་ཆེན་པོ་འདིས།།
211b2 སངས་རྒྱས་དཀྱིལ་འཁོར་མཛེས་པར་སྣང་།། རང་བཞིན་དཀྱིལ་འཁོར་ཕུན་སུམ་ཚོགས།། གླུ་གཉིས་ཕྱག་རྒྱ་ལྡན་པ་ཡིས།། ས་ལེར་གསལ་བའི་དཀྱིལ་འཁོར་འབེབས།། ཕྱག་རྒྱ་སྤྲོས་པ་ཆེན་པོས་ནི།། བཟུང་དང་འཛིན་པ་རྣམ
211b3 གཉིས་པ། ། དག་པར་གསལ་བས་ཕྱག་རྒྱ་ཡིན།། ཡི་གེ་ས་སོར་གསལ་བ་ཡིས།། གང་དུ་བསྒྱུར་བས་མྱ་ངན་འདས།། འཛའ་དང་ཧོ་ལ་སོགས་པ་ཡིས།། གར་དུ་བསྒྱུར་བས་རྡོ་རྗེར་འཆིང།། གསང་བའི་སྙིང་པོ་དེཔོན་ནི་ངེས་པ་ལས
211b4 ཕྱག་རྒྱ་སྤྲོས་པའི་ལེའུ་སྟེ་བཅུ་དྲུག་པའོ། ། །། དེ་ནས་བཅོམ་ལྡན་འདས་དཔལ་ཀུན་དུ་བཟང་པོས་མཚོན་ཆ་དམ་ཚིག་ཅེས་བྱ་བའི་གྲུ་འདི་བླངས་སོ།། ཧཱུཾ། ལུས་ངག་ཡིད་གསུམ་རྡོ་རྗེ་ནི།། སྐུ་གསུང་ཐུགས་ཀྱི་ཡེ་ཤེས་ཏེ།། སྐུ
211b5 གསུང་ཐུགས་ཀྱི་ཡེ་ཤེས་ནི། ། རྡོ་རྗེ་སེམས་དཔའ་རང་གནས་པས།། ཡེ་ཤེས་རྡོ་རྗེ་གསོར་ཞིང་སྤྲོ།། ཨེ་མའི་རྡོ་རྗེ་ཆེ་མཆོག་ནི།། ཉིད་ཀྱི་མཚན་དུ་གསོལ་པ་ནི།། ཅིས་ཀྱང་མི་ཤིགས་མི་ཕྱེད་ལ།། ཅིས་ཀྱང་མ་གཡོས་མ་འདྲེས་པ།
211b6 བདེ་ཆེན་མཆོག་ཏུ་གྱུར་པས་ན།། ཀུན་ཀྱང་ཕྱག་རྒྱ་བཞིས་རྒྱས་གདབ།། རྒྱལ་བ་རྣམས་ཀྱི་ཐུགས་ཉིད་ལ།། རྡོ་རྗེ་འཆང་རྒྱལ་ཐམས་ཅད་ཀྱི།། རང་གི་རྟགས་སུ་བསྟན་པའི་ཕྱིར།། མི་ཕྱེད་རྡོ་རྗེ་འཆང་ཞེས་བྱ།། ཧཱུཾ། ཇི་ལྟར་རྒྱལ་པོ་རང
211b7 གི་རྒྱས། ། རྒྱལ་པོ་གཙིགས་ལ་བཏབ་པ་ལྟར།། བདེ་ཆེན་སྙིང་ལ་གནས་པ་དང་།། དབང་ཆེན་དུས་ལ་བརྩོན་པ་ཡིས།། ཐམས་ཅད་ཀུན་ལ་དེ་ལྟར་འདེབས།། འདའ་དཀའ་ཇི་བཞིན་མི་ཤིགས་པས།། རྒྱལ་པོ་ཕྱག་རྒྱ་མཆོག་གི
211b8 གནས། ། བདག་ཉིད་ཆེན་པོ་མཚན་མའི་གཟུགས།། ཧཱུཾ། ཕྱག་རྒྱ་ཞེས་ནི་བསྒྲགས་པ་ཡིན།། ཉིད་ཀྱི་ལུས་ནི་བརྟན་ཕྱིར་རོ།། རྡོ་རྗེ་རྡོ་རྗེ་གྲག་ཆེན་དང་།། རང་ཉིད་ཆེ་བའི་བདག་ཉིད་དང་།། འདུལ་བ་ཐབས་ཀྱི་རྒྱལ་པོ་ཡིས།། ཕྱེ་ཞིང་བཤིག
iiif viewer powered by OpenSeadragon
