| e-texts navigator |
| Wylie |
211a1 གོང་མ་བཞིན། ། ཐུབ་དྲུག་ཕྱག་རྒྱ་སྣ་ཚོགས་ཏེ།། མདོར་བསྡུས་ཕྱག་རྒྱ་དྲུག་ཡིན་ནོ།། སེག་པར་དང་ནི་པི་བང་དང་།། གོ་ཚེ་སྲོ་ཏི་རི་ནི་ཆེན་སྒོམ།། མེ་དང་ཆུང་དརབ་དུ་བསྟན།། ཡུམ་ནི་གཉིས་མེད་ཆོས་ཀྱི་དབྱིངས།། ཀུན་ཡང་མཉམ་བཞག
211a2 ཡེ་ཤེས་འཕྲོ། ། ཡུམ་གྱུར་མཉམ་རྫོགས་པད་མོའི་དཀྱིལ།། གཞན་ཡང་ཕྱག་རྒྱ་སྣ་ཚོགས་ཏེ།། ཡང་ན་དེ་བཞིན་གཤེགས་ཉིད་དོ།། ཡང་ན་རྡོ་རྗེ་ཐལ་མོ་ཉིད།། ཕྱག་རྒྱ་ཆེན་པོ་ཚོགས་མཆོག་ནི།། ཐབས་དང་ཤེས་རབ་ལྡན
211a3 འབྱོར་ན། ། མ་བསྐྱོད་མ་བསྐུལ་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ་གནས།། ཡན་ལག་བཞི་བཅུ་རྩ་གཉིས་ལྡན།། དེ་ཉིད་ཡན་ལག་སྤྲོས་དག་སྟེ།། བཞི་བཅུ་རྩ་གཉིས་སུམ་འཕྲོར་འབར།། དེ་བཞིན་ལྡན་པའི་གཙོ
211a4 མཆོག་གིས། ། རྒྱལ་བ་རྒྱ་མཆོག་དེ་བཞིན་དུ།། བཅུ་གཉིས་དྲུག་གི་འོད་འཕྲོ་འབར།། དེ་ལ་སོགས་ཏེ་བསམ་མི་ཁྱབ།། ཕྱོགས་བཅུ་དུས་བཞི་བསམ་ཡས་སུ།། འདུལ་བའི་དོན་རྣམས་སོ་སོར་སྟོན།། ཐེག་པ་མཐོན་དམན་ཐམས་ཅད
211a5 དང་། ། ཕྱིན་ཅི་ལོག་རྣམས་བསམ་ཡས་དང་།། ཞི་ཁྲི་ཚོགས་ཆེན་ཐམས་ཅད་ལ།། སོ་སོར་འཐུན་བྱས་ཀུན་དུ་སྣང་།། དཔེར་ན་གར་མཁན་ཉིད་འདྲ་བ།། ལུས་ལས་མ་དགོད་སྣ་ཚོགས་སྟོན།། མདོར་ན་ཕྱག་རྒྱ་ཐམས་ཅད་ནི།། འདི་ཞེས
211a6 གཅིག་ཅེས་བརྗོད་དུ་མེད། ། གཉིས་དང་གསུམ་དུ་རྣམ་པར་འཕྲོ།། བསྐྱོད་དང་སྤྲོ་བ་དེ་བཞིན་ཉིད།། མདོར་ན་བསྐྱོད་འགུལ་ཐམས་ཅད་ཀུན།། ཕྱག་རྒྱ་ཆེན་པོའི་ངང་དུ་གནས།། གནས་ཉིད་མ་གནས་ནས་པའང་མིན།། དེ་སྐད་དག་མཆོག
211a7 ཉིད་ཀྱིས་བཤད། ། མཐེ་བོ་འཛུབ་མོ་རྡོ་རྗེ་འཛིན།། མཐེ་བོ་གུང་མོ་རྒྱལ་བ་འཛིན།། སྲིན་ལག་མཐེ་བོ་ཆགས་པ་ཆེ།། མཐེ་ཆུང་མཐེ་བོ་ལེགས་པ་མཆོག། ཧཱུཾ་ཧོ།། འཛུབ་མོ་གཉིས་སྦྱར་རིན་ཆེན་མཆོག། གུང་མོ་གཉིས་སྦྱར་གཟི་བརྗིན
211a8 དོན། ། སྲིན་ལག་གཉིས་སྦྱར་རྒྱལ་བའི་ཏོག། བཞད་པའི་སྒྲས་ནི་མཐེའ་ཆུང་སྤྲད།། ཏྲི་ཏེ་རུ་ཏ། འཛུབ་མེ་སྟེང་འོག་ཆོས་ཀྱི་མཆོག། གུང་མོ་སྟེང་འོག་འཇམ་དཔལ་མཆོག། སྲིན་ལག་སྟེང་འོག་འཁོར་ལོ་མཆོག། མཐེའུ་ཆུང་སྟེང་འོག
iiif viewer powered by OpenSeadragon
