| e-texts navigator |
| Wylie |
20a1 གསུམ་དང་། དགོངས་པ་བཞི་དང་། ཆེན་པོ་ལྔ་དང་། ཚོགས་པ་དྲུག་དང་། འབྲུང་ཚུལ་བཅུ་གཉིས་དང་། ཏིང་ངེ་འཛིན་བཅུ་གཉིས་དང་། ཡེ་ཤེས་ཆེན་པོ་བཅཝ་བརྒྱད་དང་། རྣལ་འབྱོར་ཆེན་པོ་བཅུ་གཅིག་དང་། སྒྲུབ་པ།
20a2 ཆེན་པོ་བཞི་དང་། སྦྱོར་བ་ལྔ་དང་། དངོས་གྲུབ་ཆེན་པོ་དྲུག་དང་། རྫོགས་པ་ཆེན་པོ་གཅིག་ཤས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་ཅིའི་ཕྱིར་ཞེ་ན། རྒྱུ་ཉིད་འབྲས་བུར་གྲུབ་པའི་ཕྱིར་གཏན་ལ་ཕེབས་པས
20a3 མ་ནོར་བ་ཞེས་བྱའོ། ། ཐེ་ཙོམ་མི་ཟ་བའི་ཕྱིར་ཐབས་ཀྱིས་ངེས་པ་དང་། ཤེས་རབ་ཀྱིས་ངེས་པས་ངེས་པ་ཞེས་བྱའོ།། འདོད་པ་འབྱུང་བའི་ཕྱིར་ཡང་ཡོངས་སུ་ཁྱབ་པ་དང་། རླབས་སུ་ཆེ་བའི་ཡོན་ཏན་དང་རྩིས་ལས་འདས་པའི་ཕྱིར་ཡོན
20a4 ཏན་ཞེས་བྱའོ། ། ཐབས་ཀྱིས་ལྡེམ་པོར་དགོངས་པའི་ཕྱིར་མཉམ་པ་ཉིད་ལ་དགོངས་པ་དང་། མཚན་ཉིད་ཀྱི་ཕྱིར་དུས་གཞན་ལ་དགོངས་པ་དང་། གཉེན་པོའི་ཕྱིར་གྲངས་གཞན་ལ་དགོངས་པ་དང་། སྦྱར་བའི་ཕྱིར་དོན་གཞན
20a5 ལ་དགོངས་པས་ན་དགོངས་པ་ཞེས་བྱའོ། ། ལྷག་པར་འཕགས་པའི་ཕྱིར་མངོན་པ་དང་། བདག་ཉིད་ཆེན་པོ་དང་། དེ་ཡིན་པ་དང་། ཐམས་ཅད་དུ་ཆེ་བ་དང་། ཀུན་ཏུ་རྫོགས་པའི་ཕྱིར་ཆེན་པོ་ཞེས་བྱའོ།། ཀུན་ནས་ཚངས་པའི་ཕྱིར
20a6 མཉམ་པ་ཆེན་པོ་དང་། འབྱོར་པ་ཆེན་པོ་དང་། འདུས་པ་ཆེན་པོ་དང་། རིག་པ་ཆེན་པོ་དང་། དབང་ཆེན་པོ་དང་། འདྲེས་པ་ཆེན་པོའི་ཕྱིར་ཚོགས་ཤེས་བྱའོ།། གཞན་གྱི་དོན་དུ་འབྱུང་ཞིང་འགྲོ་བའི་ཚུལ་དང་མཐུན་པའི་ཕྱིར་གནས།
20a7 སུ་བསྐྱོད་པ་དང་། མཉམ་པར་གྱུར་པ་དང་། མཛེས་པར་གཤེགས་པ་དང་། སྤྲོ་བར་སྤྱོད་པ་དང་། གསང་པར་སྦྱོར་བ་དང་། མཚན་མ་བཅོམ་པ་དང་། མཛད་པ་མེད་པ་དང་། སེང་གེའི་གསུང་སྒྲ་དང་། ངེས་པར་རྫོགས་པ་དང་།
20a8 ཆམ་ངོམ་ཆེན་པོ་སྤྲུལ་པ་མཛད་པ་དང་། ཡོངས་སུ་དག་པའི་ཕྱིར་འབྱུང་ཚུལ་ཆེན་པོ་ཞེས་བྱའོ།། གསལི་ཞིང་མི་གཏོད་པའི་ཕྱིར་སེམས་ཀྱི་སྤྱོད་པ་སྟེ། རྣམ་དག་དབྱིངས་ཀྱི་ཏིང་ངེ་འཛིན་དང་། སྣང་གསལ་ཡེལ་འབྱོ
iiif viewer powered by OpenSeadragon
