| e-texts navigator |
| Wylie |
207b1 ཤིན་ཏུ་རྣམ་པར་དག་པ་ཡི། ། དེ་བཞིན་གཤེགས་པ་འོག་མིན་གནས་བཞུགས་ནས། གཟུང་འཛིན་བྲལ་བའི་བླ་མེད་རྗེས་འདོད་དང་།། འཇིག་རྟེན་འཁོར་གྱི་བཅོས་བཀུར་དབང་ཕྱུག་དང་།། གཞན་དང་འཇིག་རྟེན་ཕྱོགས་བཅུ
207b2 ཁམས་གནས་པ། ། བདུད་རྩི་རོ་ཡིས་དགའ་བ་བདེ་ཆེན་འགྲུབ།། དུག་གསུམ་དྲི་བྲལ་བདུད་སྡེ་ཚར་བཅད་པའི།། འདས་དང་མ་བྱོན་དེ་བཞིན་ཉིད་དུ་སྦྱོར།། ཤེས་རབ་ཐབས་ལྡན་ངེས་པའི་དོན་བྱུང་བ།། རིག་པའི་ཐབས་ཆེན
207b3 དབང་བསྒྱུར་ཉིད་དུ་བསྒོ་བ། ། སྟོང་སྨོན་མཚན་མེད་རང་བཞིན་འོད་གསལ་བའི།། ཟད་མེད་བསོད་ནམས་ཚོགས་ཀྱིས་བརྒྱན་པར་འགྱུར།། བྷཱུ་རང་བྱུང་ཉི་ཟླ་པད་མ་རིན་ཆེན་རྒྱས་ལ་བཞུགས།། རྡོ་རྗེ་མཉམ་ཉིད་ཐུགས་སུ་ཆུད་པ་ཡི།།
207b4 མཉམ་རྫོགས་ཆེན་པོ་ལྷུན་ལ་རོལ་པ་མཛད།། བདེ་གཤེགས་དབྱིངས་ཉིད་དེ་བཞིན་ཉིད་གནས་པ།། དུས་བཞི་རྒྱལ་བ་ཀུན་དང་མཉམ་པར་འུབ།། ཐམས་ཅད་འོད་གསལ་དཀྱིལ་འཁོར་ཐུགས་ཆུད་པའི།། སྐུ་གསུང་ཐུགས་ཀྱི་རྡོ་རྗེ
207b5 འཆང་ཝ་འབྱུང་། ། སྤྱོད་ཡུལ་འཕྲོག་མེད་བརྗོད་ཀྱིས་མི་ལང་བའི།། དུས་བཞི་མཉམ་ཉིད་ངེས་པའི་དོན་ཉིད་ཉོན།། ཐུགས་རྗེ་དབང་གིས་འགྲོ་དྲུག་དུས་གནས་བཞུགས།། ང་དང་བདག་མེད་མཉམ་པའི་དབྱིངས་མཁྱེན་པ།། མཉམ་པའི
207b6 དོན་གྲུབ་རྡོ་རྗེ་ཅན་གྱིས་བྱ། ། རྣམ་པར་རྟོག་མེད་བྱང་ཆུབ་རྡོ་རྗེ་ཅན་གྱི་སྐུ།། ཤེས་རབ་མཆོག་གིས་མ་ལུས་ཡོངས་བསྡུས་པ།། བདེ་གཤེགས་མི་གནས་མཉམ་ཉིད་དང་དུ་བྱོན།། ཐབས་ཆེན་མ་འདྲེས་རྣམ་པར་སྤངས་པ་ཡི།། དམིགས
207b7 མེད་བདེ་གཤེགས་ཉིད་དབྱིངས་ཐུགས་ཆུད་པ། ། ཐབས་དང་ཤེས་རབ་དབྱིངས་ཉིད་དམ་པའི་མཆོག། ཕྱོགས་བཅུ་ངས་པཞི་དབྱིངས་གནས་མཐས་གཏུགས་པ།། ཤེས་རབ་མཆོག་ལྡན་གསལ་བའི་ང་འཆང་བ།། ཐུགས་རྗེས
207b8 བྱིན་བརླབས་སྣ་ཚོགས་འཕྲོ་བ་ཡི། ། བདེ་གཤེགས་མ་ལུས་ཐམས་ཅད་འབྱུང་བའི་གནས།། ཡིད་བཞིན་རིན་ཆེན་མི་ཟད་པར་ལྡན་འཕྲོ།། རང་རིག་རྒྱལ་པོ་ཆེ་ཡིས་རྟོགས་པར་འགྱུར་ཞེས་ཉིད་ལ་ཉིད་དུ་ཆེད་དུ་བརྗོད་དེ་རྡོ་རྗེགསང་པའི
iiif viewer powered by OpenSeadragon
