| e-texts navigator |
| Wylie |
204a1 གསང་བའི་ཐབས། ། དབང་པོ་ཡུལ་ཉིད་ཤེས་རབ་དབྱིངས།། དབང་པོའི་ཐུགས་ནི་རྡོ་རྗེ་སེམས།། ཐམས་ཅད་འབྱུང་བའི་གཏེར་ཉིད་དང་།། ཐམས་ཅད་འགྲོ་བའི་གནས་ཉིད་དེ།། དེ་ཡིས་མ་བསྐྱེད་གང་ཡང་མེད།།
204a2 འཁོར་དང་མྱ་ངན་འདས་པའི་རྒྱུ།། དེ་ལས་ཐམས་ཅད་སྐྱེ་ཞིང་འབྱུང་།། ཀུན་གྱི་ཕྱག་རྒྱའི་རྒྱུ་ཡིན་ཏེ།། བདེ་བ་བྱང་ཆུབ་སྒྲུབ་པའི་རྫས།། དེ་ལས་བསྐྱེད་ཅིང་དེ་ལས་སྤྲོ།། དངོས་གྲུབ་ཐམས་ཅད་སྒྲུབ་པའི་གནས།། དབང་པོ་རྗེ་རྗེ
204a3 པད་མོར་ལྡན། ། གཉིས་མེད་བྱང་ཆུབ་སེམས་འགྲོན།། ། མི་དམིགས་པ་དེ་དང་ལོངས་སྤྱོད་འགྲོ།། སྐུ་གསུང་ཐུགས་དང་ཡེ་ཤེས་ལྔ།། གསང་བའི་ལྷ་མོ་བཞི་རྣམས་དང་།། མཆོད་པའི་ལྷ་མོ་རྫོགས་ལྡན་པཞི།། འཇུག
204a4 དང་ལྡང་དང་གནས་དང་སྨོན་ལམ་བྱང་ཆུབ་སེམས། ། གཡོ་དང་བ་སྐྱོང་དང་ལྡང་དང་གནས།། འགུག་དང་འཛིན་དང་དེ་བཞིན་ཏེ།། བསྡུས་དང་འཁྲིལ་བའི་དོན་བསྒྲུབ་ཕྱིར།། བསྡམས་དང་མི་གཏོང་དབང་སྦྱར་ཏེ།། བདབ་སྒྲ
204a5 སྤྱན་ཕྱོགས་བཅུར་བསྒྲོགས། ། ཤིན་དུ་སྤྲུགས་པའི་གཟི་བརྗིད་འབར།། ཡིད་བཞིན་རིན་ཆེན་ཕྲེང་བར་འབར།། དབྱངས་སྙན་ཡིད་འཕྲོག་གཟི་ལྡན་འབར།། གཟུགས་མཛེས་བསྐྱོད་པས་ཕྱོགས་བཅུ་རིག་ཡོ།། ཀུན་དུ
204a6 ཚིམ་བྱེད་བྲོ་གསུང་ཐིམ། ། ལྷ་མཛེས་རིན་ཆེན་ཕུང་པོ་འགྲོ།། འོད་གསལ་འགྲོ་བས་ཀུན་དུ་འབར།། བདུད་རྩི་བསིལ་དྲོ་འཇམ་པའི་དབྱིངས།། ཨ་ལ་ལ་ཧོ། གསང་བའི་དབང་པོ་པད་མར་ལྡན་གྱུར་ནས།། ཆགས་པ་མེད
204a7 པའི་ཚུལ་གྱིས་སུ། ། ཕ་རོལ་ཕྱིན་པ་ཅུ་རྒྱུ་འབྲས་རྫོགས།། ས་བཅུ་རིམས་ཀྱིས་བཀོད་མེད་རྫོགས།། ཀུན་དུ་འོད་གསལ་པད་མ་སྤྱན་ཡང་རྫོགས།། ཡི་གེ་ཕྲེང་བ་འཁོར་ལོ་བས་གྱིས་མི་ཁྱབ་པ།། ཡང་དག་རྫོགས་ཆེན
204a8 ཐབས་དང་ལྡན། ། ཐབས་དང་ཤེས་རབ་བླ་མེད་ས་ཡང་རྫོགས།། བསོད་ནམས་ཡེ་ཤེས་ཚོགས་ཆེན་རྫོགས་པར་རོ།། ཨ་ལ་ལ་ཧོ།། དེ་བཞིན་ཉིད་ཀྱི་གསང་ཆོ་ག་ལས།། ཁམས་ནི་ཉི་ཤུ་རྩ་ཅིག་སྟེ།། བཅོ་བརྒྱད་པོ
iiif viewer powered by OpenSeadragon
