| e-texts navigator |
| Wylie |
201b1 གཤེགས་པ་ཐམས་ཅད་ཀྱིས་གསུངས་པ་ཡང་དེ་དག་ཏུ་འདུས་པར། དེ་བཞིན་གཤེགས་པ་ཉིད་ཀྱིས་མཁྱེན་ཏོ།། གསང་བའི་སྙིང་པོ་དེ་ཁོ་ན་ཉིད་ངེས་པ་ལས་ཆོས་ཐམས་ཅད་གཏན་ལ་ཕབ་པའི་ལེའུ་སྟེ་བཞི་པའོ།།
201b2 དེ་ནས་དེ་བཞིན་གཤེགས་པ་བཅོམ་ལྡན་འདས་དགྱེས་པ་ཆེན་པོས་འགྲོ་བ་ཐམས་ཅད་ཀྱི་རང་བཞིན་གྱི་དཀྱིལ་འཁོར་ཡོད་པར་བསྟན་པ་དང་།། རིགས་རྒྱུད་དྲུག་ཏུ་ཡང་བཤད།། དེ་ལ་ཆོས་ཉིད་ཀྱི་རིགས་ནི་ཐམས
201b3 ཅད་ཀུན་ལ་ཡང་ཡོད་དོ། ། ནམ་མཁས་ཀྱང་ཀུན་ཁྱབ་པར་གནས་སོ།། དེ་ལྟར་ཆོས་ཀྱི་དབྱིངས་དང་།། ནམ་མཁས་ཀུན་ལ་ཁྱབ་ཀྱང་རྣམ་པར་ཐར་པའི་དོན་མ་ཏོགས་ན་མེ་ལོང་གཡས་གཡོགས་པ་དང་འདྲ་སྟེ།
201b4 གཟུགས་བརྙན་སྣང་བའི་བྱ་བ་བྱེད་མི་ནུས་སོ།། ཞེས་གསུངས་ནས་ཡང་འདི་སྐད་རྡོ་རྗེ་འཆང་གིས་གསུངས་སོ།། མཉམ་ཉིད་དོན་རྟོགས་རང་རིག་རྒྱལ་པོ་དང་། རྒྱ་མཚོ་ཆེན་པོར་ཆུ་ཀླུང་འབབ་པ་ལྟར།། བླ་མེད་དོན
201b5 རྟོགས་ཐབས་ཆེན་འདི་དག་ཏུ། ། རྣམ་པའི་ཐེག་པ་བསམ་ཡས་མ་ལུས་འདུས།། ཨ་ཧོ།། བདག་མེད་གཉིས་རྟོགས་ཕ་རོལ་ཕྱིན་རྫོགས་པ།། ས་བཅུ་རིམས་ཀྱིས་བསྒོམས་པའི་རྣལ་འབྱོར་པ།། སངས་རྒྱས་སར
201b6 འགྲོ་གོ་འཕང་ཐོབ་པའི་ལམ། ། བདེན་པ་གཉིས་ཀྱིས་རབ་ཏུ་ཐོབ་པར་འགྱུར།། ཕྱི་ནང་རྟེན་འབྲེལ་སྒྱུ་མ་མིག་ཡོད་ཚུལ་ཤེས་པའི།། དངོས་པོ་གཟུགས་ལ་ཐོགས་མེད་རབ་ཏུ་འཇུག། དགེ་ཤེས་མི་སློ་བ་རང་གི་རིག
201b7 པས་རྟོགས་བྱང་ཆུབ་སར་འགྲོ་ཡང་བཞིན་བདེ་བའི་མཆོག། བདེན་གན་ན་རྟོགས་རབ་ཏུ་སྤོང་བ་ལོ།། ཡེ་ཤེས་བཅུ་དྲུག་ཆསྦྱངས་རབ་ཞི་བའི།། རྒྱུན་ཞུགས་ལ་སོགས་རིམ་པར་སྤངས་ནས་ནི།། ཉོན་མོངས་དགྲ་རྣམས
201b8 རབ་ཏུ་ཞི་བའི་ས་རུ་འགྲོ། ཐེག་པ་གང་དུ་བསྟན་པ་མ་ངེས་པའི།། ཡང་ན་ཀུན་ལ་མཐུན་ནས་འབྱམ་པར་འཇུག། ཡང་ན་ངོས་མེད་འདི་ཞེས་བརྟག་ཏུ་མེད། འདི་ནི་མ་དེས་རྡོ་རྗེ་འཆང་གིས་གསུངས།། དགེ་བཅུ་སྟོད་ཅིང་མི་དྲན
iiif viewer powered by OpenSeadragon
