| e-texts navigator |
| Wylie |
200b1 འཕང་ཆེན་པོ་ཐམས་ཅད་ཀྱང་འདི་ལྟ་སྟེ། འདུལ་བའི་དབང་གིས་ལྷ་དང་མིའི་ཐེག་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་དང་། བླ་ན་མེད་པའི་ཐེག་པས་མ་རིག་པའི
200b2 རྣམ་པར་རྟོག་པ་ཉོན་མོངས་པ་སྟོང་ཕྲག་བརྒྱད་བཅུ་རྩ་བཞིའི་གཉེན་པོར་ཆོས་ཀྱི་ཕུང་པོ་སྟོང་ཕྲག་བརྒྱད་རྩ་བཞི་གསུངས་སོ། ། གསུང་ངོ་།། གསུང་བར་གྱུར་ཏོ།། དེ་དག་ཐམས་ཅད་ཀྱང་གཟུང་བ་དང་འཛིན་པའི་ཕྱི་ནང་གི
200b3 རྟེན་ཅིང་འབྲེལ་བར་འབྱུང་བ་འཛིན་པ་འཕྲུལ་པ་ལ་དགོས་པ་དང་། ལས་དང་ལས་ཀྱིས་འབྲས་བུ་ཆུད་མི་ཟ་བ་དང་། ལས་དང་ལས་ཀྱི་འབྲས་བུས་མི་གོས་གོས་པར་མི་འགྱུར་བ་དང་། གོས་པ་ད་མེད་པའི་སྟོན་པའི་མཐར
200b4 ཐུག་གོ། ། དེ་ནས་དེ་བཞིན་གཤེགས་པ་ཐམས་ཅད་ཀྱིས། འཁོར་བའི་སྐྱོན་དང་། མྱ་ངན་ལས་འདས་པའི་ཡོན་ཏན་བསྟན་པའི་ཕྱིར་དེ་བཞིན་གཤེགས་པ་ཉིད་ལ་ཆེད་དུ་བརྗོད་པ་འདི་བརྗོད་དོ།། ཨ་མའོ་དཀྱིལ་འཁོར་བསམ
200b5 ཡས་པར། སྙིང་པོ་བླ་མེད་ཇི་སྙེད་པ་ལི། གཞན་གྱིས་མི་འཕྲོགས་རང་བཞིན་རྒྱལ།། མཐའ་དང་བྲལ་བས་བདག་མེད་པའོ།། དེ་ནས་དེ་བཞིན་གཤེགས་པ་ཐམས་ཅད་ཀྱི་ཆེད་དུ་བརྗོད་པ་འདི་བརྗོད་དོ།། ཨེ་མའོ་ཇི་སྙེད
200b6 འཇིག་རྟེན་འཁྲུལ་པའི་ཆོས་མ་རིག་རྟོག་པའི་བཟུང་འཛིན་གྱིས། ། སྟོང་གི་འཇིག་རྟེན་བསམ་ཡས་པར།། ཕྱི་ནང་རྟེན་འབྲེལ་གཉིས་སུ་འཁོར།། ཏོག་པའི་བག་ཆགས་སྟུག་པོ་ཡིན།། མི་མཐུན་བདེ་སྡུག་མྱོང་བར་འགྱུར
200b7 དེ་ཉིད་ཇི་བཞིན་དབྱིངས་ཉིད་དང་། ། རང་བཞིན་བདག་མེད་ཚུལ་ཅིག་སྟེ།། རང་བཞིན་ཉིད་ལ་ཉམས་པ་མེད།། ཡང་དག་སྒྱུ་མའི་ཚུལ་གཉིས་སུ།། བདག་དང་བདག་གི་གཞན་མེད་དེ།། དེ་ཉིད་ངོ་བོ་ཉིད་དབྱིངས་པས།། རྣམ
200b8 དག་དབྱིངས་ཉིད་ཚུལ་ཅིག་གོ། བདག་དང་བདག་གི་གཞན་རྣམས་ནི།། ལོག་པར་རྟོག་པ་ཙམ་ཉིད་ལས།། ཕྲ་ཞིང་ཟབ་པ་ཡོད་མ་ཡིན།། ལོག་རྟོག་ཉིད་ལ་ཉིད་སྤྱོདདོ།། གཞན་དུ་གཡོ་བ་ཅི་ཡང་མེད།། ལོག་རྟོག་རྒྱུ་འབྲས་རྒྱུན
iiif viewer powered by OpenSeadragon
