| e-texts navigator |
| Wylie |
198b1 འཁོར་དེ་དག་ཉིད་ཀྱི་གསང་པ་འདི་ཉིད་སྐུ་དང་། གསུང་དང་ཐུགས་དང་། ཡོན་ཏན་ཕྲིན་ལས་རྡོ་རྗེ་ལས་ཕྱུང་ངོ་།། ཨེ་ཨེ་ཨེ་མའོ།། དེ་བཞིན་ཉིད་ཀྱི་དབྱིངས་ཉིད་དང་། དབང་སྒྱུར་ཡེ་ཤེས་དཀྱིལ་འཁོར་ཐུགས་དང་རང་སྣང
198b2 བ་ཉིད། ། ཏིང་འཛིན་གཟུགས་བརྙན་སྒྱུ་མཾ་རྣམ་དག་གསལ་བ་ནི་སྐུ་དང་གསུང་དང་ཐུགས་ཡོན་ཏན་འཕྲིན་ལས་སེལ་མེད་པའི་ཡིད་བཞིན་ནོར་བུ་རིན་པོ་ཆེ་མི་ཟད་པར་ལྡན།། བརྒྱན་གྱི་འཁོར་ལ་རྡོ་རྗེ་མཆོག་གི་གནས
198b3 ཉིད་དེ་ཞེས་རྡོ་རྗེ་གསང་བའི་ཚིག་ཏུའོ། ། གསང་པའི་སྙིང་པོ་དེ་ཁོ་ན་ཉིད་ངེས་པ་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་བྱེད་པ་པོ་རྡོ་རྗེ་ཡིད་ཀུན་ཏུ་བཟང་པོ་ཐམས་ཅད་མ་ལུས་པའི་རང་བཞིན
198b4 གྱི་ཚུལ་རྡོ་རྗེས་བཙུན་མོ་ཆོས་བྱ་བ་མོ་ཀུན་དུ་བཟང་མོ་ལ་འཇུག་པར་གྱུར་ཏེ་ཆེད་དུ་བརྗོད་པ་འདི་བརྗོད་དོ། ། ཨོཾ་ཆོས་ཀྱི་ཆོས་ཉིད་ཤེས་བྱའི་དབྱིངས། ཀུན་ཏུ་བཟང་མོ་བདེ་བའི་ཡུམ། མ་གཡོས་རང་བཞིན་དཀྱིལ་འཁོར་ནི།
198b5 བདག་ཡིན་བདག་གི་སྤྱོད་ཡུལ་བ། ཕྱག་རྒྱ་སྣ་ཚོགས་སོ་སོར་གསལ། ནུབ་ཕྱོགས་འོག་མིན་གནས་མཆོག་ཏུ། མ་ཆགས་པད་མའི་གདན་བཏིང་བ།། དུས་གསུམ་རྒྱལ་བ་བཞུགས་པའི་གནས།། རྣམ་པར་ཐར་པའི
198b6 སྒོ་བཞི་ལ། ། ཕྱག་རྒྱ་བཞི་དང་ཡང་དག་ལྡན།། དབང་དང་སྐལ་མིན་གསལ་བའི་ཕྱིར།། ནད་དང་ཕྱི་རིམ་ལྕགས་དང་ལྡན།། རྒྱལ་བ་ཡོངས་ཀྱི་སྦས་པའི།། སུས་ཀྱང་གཏིང་དཔག་དཀའ་བ་དེ།། ཀུན་ཏུ་བཟང
198b7 པོ་ཉིད་ཀྱིས་གཟིགས་ཤེས་བརྗོད་པས་བཙུན་མོ་བྱ་བ་མེ་ཆོས་ཀུན་དུ་བཟང་མོ་ལ་འཇུག་པར་གྱུར་ཏོ། ། ཞུགས་ནས་བཙུན་མོ་བྱེ་བ་མཆོས་ཀུན་ཏུ་བཟང་མོས་བཅོམ་ལྡན་འདས་ཡིད་ཀུན་དུ་བཟང་པོ་དང་གཉིས་སུ་མེད་པའི་ལོངས་སྤྱོད
198b8 བདེ་བ་ལ་མཉ་མཉམ་པར་གནས་ཏེ་ཆེད་དུ་བརྗོད་པ་བརྗོད་དོ། ། སེམས་ཀྱི་སེམས་ཉིད་བྱེད་པའི་གཙོ།། ཀུན་དུ་བཟང་པོ་རྡོ་རྗེ་ཡིད།། ཡེ་ཤེས་དྲུག་གི་རང་བཞིན་ཏེ།། ཤར་ཕྱོགས་མངོན་པ་དགའི་བསམས་ཡས་ན།། ནི་ལ་ལྟ
iiif viewer powered by OpenSeadragon
