| e-texts navigator |
| Wylie |
18b1 ངེས་པའི་ཆོས་དང་ཤེས་པའི་ཆོས་དང་། ཆོས་ཀྱི་ཆོས་དང་། རྟོགས་པའི་ཆོས་ཉིད་འཛིན་པའི་ཕྱིར་ཆོས་ཉིད་ཅེས་བྱའོ།། མཚན་མར་སྤྱོད་པའི་ཕྱིར་འདུ་ཤེས་གྱུར་པའི་སྤྱོད་པ་དང་། དབང་དུ་སྤྱོད་པའི་སྤྱོད་པ་དང་། རྣམ་པར་གཡོ་བའི
18b2 སྤྱོད་པ་དང་། སྒྲོས་སུ་འདོགས་པའི་སྤྱོད་པ་དང་། ཟླ་ལས་གལ་བའི་སྤྱོད་པ་དང་། ཀུན་དུ་འཚིག་པའི་སྤྱོད་པ་དང་། བླ་བཀྱལ་འཚལ་བའི་སྤྱོད་པ་དང་། ཆགས་པ་འཛིན་པའི་སྤྱོད་པ་དང་། ཀུན་དུ་བདུད་ཀྱི་སྤྱོད་པ་དང་། ཕྱིན་ཅི་ལོག
18b3 པའི་སྤྱོད་པ་དང་། གཉིས་ལ་བརྟེན་པར་སྤྱོད་པའི་ཕྱིར་སྤྱོད་པ་ཞེས་བྱའོ།། འབྲས་བུར་སྨིན་པའི་ཕྱིར་རྫོགས་པར་སྨིན་པ་དང་། རིམ་པར་སྨིན་པ་དང་། གློ་བུར་དུ་སྨིན་པ་དང་། སྦྱར་ཏེ་སྨིན་པའི་ཕྱིར་སྨིན་པ་ཞེས་བྱའོ།། འགྲོད་པར་བྱེད།
18b4 བའི་ཕྱིར་གདུང་བའི་ལམ་དང་། འགོག་པའི་ལམ་དང་། མུན་པའི་ལམ་དང་འདམ་གྱི་ལམ་དང་། ཡང་བའི་ཕྱིར་ལམ་ཞེས་བྱའོ།། བརྟེན་པར་བྱེད་པའི་ཕྱིར་བཟོད་ལྡན་གྱི་གནས་དང་། ཡིད་ལྡན་གྱི་གནས་དང་། མཉམ་ལྡན་གྱི
18b5 གནས་དང་། འདོད་ལྡན་གྱི་གནས་དང་། རྩོད་ལྡན་གྱི་གནས་དང་། དགའ་ལྡན་ལ་གནས་པའི་ཕྱིར་གནས་ཤེས་བྱའོ།། བདེ་བའི་མུ་ལ་བཟུང་བའི་ཕྱིར་ངོ་བོ་ཉིད་ཀྱི་མུ་དང་། བྱེད་པ་དང་དབང་ཕྱུག་གི་མུ་བཟུང་བའི་ཕྱིར་མུ་ཞེས་བྱའོ།།
18b6 འདུས་པ་ཆེན་པོའི་ཚོགས་རྐྱེན་ཀྱི་རྣལ་འབྱོར་ནི་འདི་ལྟ་སྟེ། ཤེས་པ་གཅིག་ཤེས་ཏེ་ཆུབ་པར་འདོད་པས་ཀྱང་ལམ་འདི་ཤེས་པར་བྱའོ།། དེ་བཞིན་དུ་དོན་གཉིས་དང་ཚུལ་གསུམ་དང་། ཐབས་བཞི་དང་ཆོས་ལྔ་དང་། རིགས་དྲུག
18b7 དང་། ། མཛད་པ་ཆེན་པོ་བཅུ་གཉིས་དང་། ཚེ་འཕྲུལ་ཆེན་པོ་བཅུ་གཉིས་དང་། ཡེ་ཤེས་བཅཝ་བརྒྱད་དང་། སའི་ཁྱད་པར་བཅུ་གཅིག་དང་། སྐུ་བཞི་དང་། ལམ་ལྔ་དང་། འབྲས་བུ་ཆེན་པོ་དྲུག་དང་། བྱང་ཆུབ་ཆེན་པོ་གཅིག་ཤེས་ཏེ་ཆུ་བར
18b8 པར་འདོད་པས་ཀྱང་ལམ་འདི་ཉིད་ཤེས་པར་བྱའོ། ། དེ་ཅིའི་ཕྱིར་ཞེ་ན། རང་རྐྱེན་ཙམ་དུ་སྤྱོད་ཅིང་འབྲས་བུའི་རྐྱེན་དུ་གྱུར་པའི་ཕྱིར་ཏེ། ལམ་དེ་ཉིད་མ་ནོར་བར་ཤེས་པའི་ཕྱིར་ཏེ། ཤེས་པ་གཅིག་ཤེས་བྱའོ།། བདེན་པ་གཉིས་སུ་སྣང
iiif viewer powered by OpenSeadragon
