| e-texts navigator |
| Wylie |
18a1 གཞིར་གྱུར་པའི་ཕྱིར་ཏེ། ལམ་དེ་ཉིད་མ་རིག་པའི་ཕྱིར་འཁྲུལ་པ་ཞེས་བྱའོ།། ཡུལ་དང་གཉིས་སུ་གྱུར་པའི་ཕྱིར་ན་མཚན་མ་ཞེས་བྱའོ།། དུས་གསུམ་དངོས་པོར་རྟོགས་པའི་ཕྱིར་རྟོག་པ་ཞེས་བྱའོ།། ངེས་པ་ལས
18a2 ལོག་པའི་ཕྱིར་དོན་ལས་གོལ་བ་དང་མཉམ་པ་ལས་གོལ་བ་དང་། ཕྱོགས་ལས་གོལ་བ་དང་གཞི་ལས་གོལ་བའི་ཕྱིར་ལོག་པ་ཞེས་བྱའོ།། རྒྱུ་འབྲས་ཀུན་ནས་ཉོན་མོངས་པའི་ཕྱིར་མུན་པས་འཐིབས་པ་དང་། སྲེད་པས་གདུངས
18a3 བ་དང་། སྡོང་པོས་ནོན་པ་དང་། མི་ཕྱེད་པས་འཐས་པ་དང་། ཀུན་ནས་འཁྲུགས་པའི་ཕྱིར་ཉོན་མོངས་པ་ཞེས་བྱའོ།། ཀུན་ནས་འདུས་པའི་ཕྱིར་རྒྱུ་འདུས་པ་དང་། རྐྱེན་དུ་ཚོར་བ་དང་། མཚན་མར་ཤེས་པ་དང་། ཐམས་ཅད་ནས་བྱེད
18a4 པ་དང་། རྣམ་པར་རིག་པའི་ཕྱིར་ཕུང་པོ་ཞེས་བྱའོ།། སྒོར་གསལ་ཞིང་ཡུལ་ལ་དབང་བྱེད་པའི་ཕྱིར་མཐོང་བར་དབང་བ་དང་། ཐོས་པ་དབང་བ་དང་། ཚོར་བར་དབང་བ་དང་། མྱོང་བར་དབང་བ་དང་། རིག་པར་དབང་བའི་ཕྱིར་དབང
18a5 པོ་ཞེས་བྱའོ། ། འབྲས་བུར་བྱེད་པའི་ཕྱིར་འཛིན་པར་དབང་བ་དང་། མཉེན་པར་བྱེད་པ་དང་། ཆགས་པར་བྱེད་པ་དང་། གཡོ་བར་འབུད་པ་དང་། སྐྱེད་པར་གསལ་བ་དང་། དུས་སུ་རེད་པའི་ཕྱིར་རྒྱུ་ཞེས་བྱའོ།། རྐྱེན་དུ་འབྲེས་པའི
18a6 ཕྱིར་ས་བོན་དང་རྩ་བ་དང་། མྱུ་གུ་དང་ལྡུམ་བུ་དང་། ཡལ་ག་དང་སྡོང་པོ་དང་། འདབ་མ་དང་མེ་ཏོག་དང་། འབྲས་བུ་དང་སྙིང་པོ་དང་། སྐམས་པའི་ཕྱིར་རྐྱེན་ཞེས་བྱའོ།། མཚན་མ་སྐྱེ་བའི་ཕྱིར་མཐོང་བ་སྐྱེ་བ་དང་། སྣང་བ་དང་།།
18a7 ཐོས་པ་དང་སྒྲ་བརྙན་དང་། ཚོར་བ་དང་དྲི་དང་། མྱོང་བ་དང་། རོ་དང་རེག་པ་དང་། ཤེས་པ་དང་། ཆོས་སྐྱེ་བའི་ཕྱིར་སྐྱེ་བ་ཞེས་བྱའོ།། མཚན་མའི་ཆོས་ཉིད་ཅན་གྱི་ཕྱིར། མཐོང་བའི་ཆོས་ཉིད་དང་། སྣང་བའི་ཆོས་དང་། ལྷང་ངེ་བའི
18a8 ཆོས་དང་། ཐོས་པའི་ཆོས་དང་། གྲགས་པའི་ཆོས་དང་། གསལ་བའི་ཆོས་དང་། ཚོར་བའི་ཆོས་དང་། དྲིའི་ཆོས་དང་། ཚིམ་པའི་ཆོས་དང་། མྱོང་བའི་ཆོས་དང་རོའི་ཆོས་དང་། བྲོ་བའི་ཆོས་དང་རེག་པའི་ཆོས་དང་། རེག་བྱའི་ཆོས་དང་།
iiif viewer powered by OpenSeadragon
