| e-texts navigator |
| Wylie |
16b1 རྟོགས་པའི་ཆོས་རྣམས་ལ། ། ཡིད་མི་ཆེས་པའི་འདུ་ཤེས་སྐྱེ།། ཆོས་རྣམས་འདི་ལྟར་ཡིན་པ་ལས།། འདི་ལྟར་འཁྲུལ་པ་ངོ་མཚར་ཆེ།། ཡ་མཚན་དཔྱོད་པའི་འདུ་ཤེས་འབྱུང་།། འདི་དོན་མ་ཤེས་འགྲོ་བ་རྣམག་ལ་གྲུ་བ་དག་པའི
16b2 ཐབས་ཆེན་གྱིས། ། ཡང་དག་དོན་ཚོལ་ལམ་རེ་རིང་།། བསགས་པའི་འབྲས་བུ་ཡོད་འགྱུར་ཡང་།། དོན་དེ་མཐོང་བར་ཡོད་མི་ནུས།། དེ་འདྲའི་འདུ་ཤེས་འབྱུང་བར་འགྱུར།། དེ་ལྟར་ཤེས་པའི་ཉམས་དྲོད་ནི།། སྐལ་དང་ལྡན་པའི་སྐྱེས
16b3 བུ་གང་། རྒྱུད་འགྲོས་ཚིགགིས་མ་ཀྲོལ་བར།། སེམས་ལས་ཆོས་བྱུང་འབུམ་ཕྲག་ཡས།། སྨྲ་བའི་སྒོ་མོར་ཐམས་ཅད་གསལ།། དོན་ལ་ངེས་པའི་གཏན་ཚགས་དག། ཚིག་ཏུ་མཚོན་ཏེ་འབྱིན་པར་ནུས།། དེ་ནི་ཆོས་སྐུ་མཉམ་ཉིད་དང་།
16b4 དབྱེར་མེད་གཉིས་སུ་མེད་པ་ཡིན།། བརྟེན་པའི་གསུང་ཐུགས་སུ་བརྙན་དང་།། དེ་ནི་མཚུངས་པ་ཡོད་མིན་ནོ།། ཞི་ལུས་མཐར་འགོག་རྐྱེན་གཉིས་དང་།། དེ་ནི་མཚུངས་པ་ཡོད་མ་ཡིན།། ས་ལ་སློབ་པའི་སེམས་དཔའ་དང་།། དེ་ཡང
16b5 མི་ཚུགས་རྒྱལ་བས་གསུངས། ། རིག་འཛིན་དྲང་སྲོང་དོན་དཔྱོད་དང་།། ལུས་འདྲ་སེམས་ནི་ཡོད་མི་ཚུངས།། དེ་ཕྱིར་རྣམ་དག་ལམ་ཆེན་ནི།། སེམས་ཀྱི་གསང་འདི་ཡིན་པས་ན།། སྐལ་ལྡན་འདུས་པ་ཆེན་པོའི་ཚེགས།། ལམ་འདི
16b6 ཤེས་པར་བྱ་བ་ལས། ། བཙལ་བར་བྱ་བའི་རྒྱུ་མེད་དེ།། ལམ་འདི་ཤེས་པ་དེ་ཉིད་ཀྱིས།། དཀའ་བའི་བརྩོན་སྒྲུབ་མ་བྱས་པར།། ཐམས་ཅད་ཐམས་ཅད་གྲུབ་པར་འགྱུར།། འདུས་པ་ཆེན་པོའི་ཚོགས་དེ་བས་ནི། སེམས་འདི་ནི་ལམ
16b7 ཞེས་བྱལོ་འཁོར་བ་ཞེས་བྱའོ། ། སེམས་ཅན་ཞེས་བྱའོ།། གྲུ་ཞེས་བྱའོ།། བགྲོད་པ་ཞེས་བྱའོ།། བྱང་ཆུབ་ཅེས་བྱའོ།། སེམས་ཞེས་བྱའོ།། ཤེས་རབ་ཅེས་བྱའོ།། ཏིང་ངེ་འཛིན་ཅེས་བྱའོ།། གནས་ཤེས་བྱའོ།། རབ་ཅེས་བྱའོ།། མཆོག་ཅེས་བྱའོ།།
16b8 ཕུལ་ཞེས་བྱའོ།། བླ་ན་མེད་པ་ཞེས་བྱའོ།། ཟབ་པ་ཞེས་བྱའོ།། གསང་བ་ཞེས་བྱའོ།། གཏིང་དཔག་དཀའ་བ་ཞེས་བྱའོ།། ཆོས་ཞེས་བྱའོ།། བྱང་ཆུབ་སེམས་དཔའ་ཞེས་བྱའོ།། སངས་རྒྱས་ཤེས་བྱའོ།། དེ་ཅིའི་ཕྱིར་ཞེ་ན། འཇུག་པའི་ཕྱིར་ནི
iiif viewer powered by OpenSeadragon
