| e-texts navigator |
| Wylie |
16a1 ནས་འདས་ཚོལ་བ། ། གཟུགས་བཏང་ནས་ནི་གྲིབ་ཚོལ་འདྲ།། ལམ་ཉིད་ཇི་ལྟར་ཡིན་ཞེ་ན།། མ་རིག་ཡེ་ཤེས་ཐ་དད་མིན།། མ་རྟོགས་རྟོགས་པ་ལམ་དུ་གཅིག། སེམས་འདི་སྣ་ཚོགས་པར་སྣང་བས།། སྣ་ཚོགས
16a2 སེམས་སུ་གཅིག་པ་ཡིན། ། དཔེར་ན་གསེར་དུ་གཅིག་པ་ལས།། དབྱིབས་དང་གཟུགས་ནི་ཐ་དད་པར།། བྱིས་པས་སོ་སོའི་མིང་དུ་གྲགས།། གྲགས་ཀྱང་གསེར་གྱི་ངོ་བོར་གཅིག། དེ་བཞིན་སེམས་ཀྱི་རང་བཞིན་ལ།། འཁྲུལ
16a3 དང་མ་འཁྲུལ་ཁྱད་པར་གྱིས། ། ཇི་ལྟར་བལྟས་དགུ་དེར་སྣང་ཡང་།། སྣང་ཡང་སེམས་ལས་གཞན་མི་དམིགས།། སྒྲོན་མར་འབར་བའི་རིན་ཆེན་ནི།། གལ་ཏེ་ངན་ཁུང་སྦས་གྱུར་ཀྱང་།། དེ་ཉིད་ཡོན་ཏན་རང་སྣང་བས།། འོད་ནི
16a4 མཁའ་ལ་གསལ་བར་འགྱུར། ། དེ་བཞིན་སེམས་ཉིད་རིན་ཆེན་སྒྲོན།། ལུས་དག་འཁོར་བར་བྱིང་གྱུར་ཀྱང་།། རང་བྱུང་རང་ཞི་རབ་སྣང་བས།། ཤེས་རབ་ཆོས་ཉིད་མཁའ་ལ་གསལ།། སེམས་ཉིད་ནམ་མཁའ་འདྲར་མཚུངས་ཏེ།
16a5 ཀུན་ཁྱབ་སྟོང་གསལ་སྣ་ཚོགས་འབྱུང་།། བྱུང་ཚོར་གཡོ་འགོག་ཐམས་ཅད་ཀྱང་།། རང་བཞིན་གྱིས་འབྱུང་དང་གིས་ཞི།། མདོར་ན་ཇི་ལྟར་བརྟགས་བསམས་བཞིན།། འགྱུར་བས་ཐམས་ཅད་ངོ་བོར་སྣང་།། མ་གཅེས་གས
16a6 པ་མེད་ཉིད་ལ། ། སྣ་ཚོགས་རྒྱུ་འབྱུང་མེ་སྐྱོན་ཞིང་།། ཆོ་འཕྲུལ་མི་འགག་ཉམ་ང་མེད།། ཅི་བཞིན་ནམ་མཁའི་རང་བཞིན་ལ།། བློ་བཞག་མ་གཡེངས་ཁོ་ནར་ཟད།། དེ་ནི་སྐྱེས་མཆོག་དོན་པོ་ཆེ།། དེ་སེམས་དུས་གསུམ་ཐམས
16a7 ཅད་ཀྱི། སངས་རྒྱས་འབྱུང་བའི་ངོ་བོ་ཡོན།། དེ་ལྟའི་དོན་ལ་རིང་ཞི་གནས།། ཤེས་ཤིང་འདྲིས་པར་གྱུར་པ་ན།། དེས་དོན་མཐོང་བའི་ཉམས་དྲོད་ནི།། དོན་དང་མཇལ་བའི་རྟོགས་ཆེན་ཡང་།། མན་ངག་ལུང་གིས་བརྒྱད་འར་ཏེ།
16a8 ངེས་པར་དོན་གསུམ་མྱོང་བར་འགྱུར།། དེ་དག་ཐོག་ཏུ་ཕེབས་པ་ཡིན།། དྲོང་ཆེན་རྟགས་སུ་བསྟན་པ་ཡིན།། དེ་ཡི་ཞར་ལས་བྱུང་བའི་དྲོད།། འཁོར་བའི་ཆོས་ལ་སྙིང་རྗེ་ཡི།། བྱང་ཆུབ་སེམས་ཀྱང་སྐྱེ་བར་འགྱུར།། མཚན་མ
iiif viewer powered by OpenSeadragon
