| e-texts navigator |
| Wylie |
15b1 ཆད་ནས། ། སྔར་འཁྲུལ་མཚན་མའི་ཆོས་བྲལ་ཏེ།། དེས་ནི་བདེན་པ་མཐོང་བ་ཡིན།། དེ་བས་འདུས་པ་ཆེན་པོའི་ཚོགས།། སེམས་ནི་ཡང་དག་ལམ་ཉིད་དེ།། མཁའ་ལ་བྱ་ལམ་རྗེས་མེད་བཞིན།། གོལ་མེད་ལམ་ཞེས་འདྲེན་བུ
15b2 བཤད། དེ་ལྟར་བཤད་པའི་ལམ་དེ་ཡང་།། ཀུན་གྱིས་རྟོགས་པར་བྱ་བའི་ཕྱིར།། ཚིག་ཏུ་མཚོན་ད་བཤད་མོད་ཀྱང་།། དམིགས་མེད་ཚིག་གི་ཡུལ་བྲལ་བ།། དེ་ཡིད་རང་བཞིན་དེ་ཡིན་ན།། རང་བཞིན་གཞི་ལས་མཚན་མར་གཡོས
15b3 དེ་ལ་མིང་མེད་མིང་བཏགས་རྒྱུས། ། ཡིན་དང་མ་ཡིན་ཐེ་ཙོམ་སྐྱེས།། དེ་ལ་རྩོད་པའི་གཞིར་གྱུར་ཏེ།། དེ་བས་ལ་དོན་ཕྱིར་མཚན་མ་ཡི།། ཚིགས་ག་ཚོགས་ཀི་ནམ་གྲངས་ལས།། སྒོ་མོ་དཔག་ཏུ་མེད་པར་བཤད།། དེ་ཡིས་ངེས
15b4 དོན་རྗེས་བཅད་པ། ། ཐུགས་ཀྱི་གློང་ནས་བཏོན་པ་ཡིན།། ཚིག་གི་སྒྲོན་མས་དོན་བརྩལ་བ།། ལམ་ཉིད་ཇི་ལྟར་ཡིན་ཞེ་ན།། དྲན་བྱུང་རྗེས་སུ་འབྲེངས་ན་ནི།། འཁོར་བའི་གནས་སུ་འཁོར་བར་འགྱུར།། དྲན་འབྱུང་གཡོ་བཙ
15b5 བཀག་པ། ། དེ་དག་འགོག་པ་ཉིད་དུ་འགྱུར།། དྲན་བྱུང་མེད་པར་བླུན་པ་ནི།། མུ་སྟེགས་ཅན་ལམ་མུན་པར་འགྱུར།། འདི་ཞེས་སེམས་སུ་གཅིག་བཟུང་ན།། མཚན་མ་རྟོག་པའི་རི་བོ་ཡིན།། ས་ཕྱི་མེད་ཅེས་བྱང་བཅད་ན།།
15b6 མེ་དེ་ཆད་པའི་མུན་ཅན་ཡིན།། གཞི་ཡི་དོན་ལས་ཡུད་ཙམ་ཞིག། ཅིར་གཡོས་སྐྱེ་འགག་བྱུང་བ་དེ།། རྣམ་གྲངས་ལམ་དེ་འཕེལ་འགྱུར་གྱི།། ལམ་གྱི་ཆོས་ཉིད་ག་ལ་འགྱུར།། དཔེར་ན་འགྲོ་གང་བྱིས་པ་དག། གྲིབ་མ་སྤངས
15b7 ནས་རྣམ་དག་ཚོལ། ། རང་ལས་བྱུང་བའི་རང་བཞིན་གྱིས།། བཙལ་ན་གྲིབ་མེད་དག་མི་རྙེད།། དོན་ཉིད་ཡེ་ནས་གནས་བཞིན་དུ།། སེམས་ཉིད་སྡུག་བསྔལ་སྣ་ཚོགས་ཀྱིས།། ཤ་ཐང་བར་ནི་དོན་ཚོལ་བ།། དོན་མེད་བདུན་གྱི་ལས
15b8 ཡིན་ནོ། ། དོན་ལ་ཚིག་ཏུ་བརྗོད་པ་ནི།། ནམ་མཁའ་དག་ལ་རྩོད་པ་འདྲ།། ཚིག་ཏུ་སྨན་དང་དཔྱད་བཤད་ཀྱང་།། ནད་པའི་ཚོགས་ལ་མི་ཕན་ནོ།། སེམས་ཉིད་དོན་དུ་མ་ཤེས་ན།། ཚིག་ཏུ་དོན་བརྗོད་དོན་མི་རྟོགས།། འཁོར་བ་སྤངས
iiif viewer powered by OpenSeadragon
