| e-texts navigator |
| Wylie |
15a1 མཆོག་འདི་ཤེས་ན། ། བསྒྲུབ་འགྲུབ་འདི་ལ་ཐེ་ཙོམ་མེད།། བསྒོམ་པར་བྱེད་པ་སྒོམ་པ་མིན།། བསམ་བྱ་དམིགས་སུ་མེད་པ་སྟེ།། འདི་ལྟར་སེམས་ཀྱི་གསང་སྒོམ་པ།། དོན་ལ་སེམས
15a2 སྒོམ་ཏིང་འཛིན་མཆོག། བསྲུང་ཞེས་བསྲུང་བར་བྱ་མི་དམིགས།། སྟོང་པར་སྦས་པའི་སེམས་ཉིད་དེ།། མཚན་མར་འདས་ནས་ཚིག་ཤེས་ན།། བསྲུང་བའི་གསང་བ་དམ་པའོ།། ཚིག་ཏུ་མཉམ་བརྗོད་མཉམ་མི་དམིགས།། སེམས་ཉིད
15a3 རང་དག་མཉམ་པ་ལས། ། མཉམ་པའི་དོན་ཉིད་ལྷག་པར་མེད།། འདི་དོན་མཉམ་ཤེས་མཉམ་པའི་དོན།། བརྟུལ་ཞུགས་སྤྱོད་པ་སྤྱོད་མིན་ཏེ།། སེམས་ལ་སེམས་གཞོལ་རོལ་སྤྱོད་པ།། ཐབས་ཆེ་ཡངས་པ་སྤྱོད་པའི་མཆོག། བྱང་ཆུབ
15a4 དོན་གྱི་ཕྱི་མོ་རུ། ། སེམས་ཀྱི་ཕྱི་མོར་ཡེ་གནས་པས།། གསོལ་ཐོབ་མཚན་མའི་མིང་མི་དམིགས།། དངོས་གྲུབ་ཆེན་པོ་རྒྱུན་མི་འཆད།། དེ་ལྔར་སེམས་ཀྱིས་སེམས་མཐོང་ན།། ཡེ་ཤེས་ཀྱིས་ནི་ཆོས་ཉིད་མཐོང་།། དུས་ཀུན་དུ་ནི་བྱ།
15a5 འགག་མེད།། སྔོན་མ་མཐོང་བའི་དོན་མཐོང་འགྱུར།། དེ་ཡང་དངོས་པོ་ཅང་མི་མཐོང་།། ཐམས་ཅད་རང་བཞིན་མེད་པ་ཞིག། བློ་ལ་འགྲུས་པ་ཁོ་ནར་ཟད།། དེ་ལྟ་བུ་ཡི་དོན་མཐོང་ན།། མཚན་མར་མཐོང་བཅ་ཡང་མེད།། སྒྱུ་མ་ཙམ་དུ།
15a6 ཚུལ་ཤེས་ནས།། ནམ་མཁའ་མཉམ་པའི་དོན་སྣང་འགྱུར།། ཁ་ཅིག་དག་ནི་དེ་དོན་ལ།། མཐོང་བ་ཅི་ཡང་མེད་འགྱུར་ན།། སྣང་བ་ཞེས་ནི་ཅི་ཕྱིར་གདགས།། མེད་པའི་དོན་དང་འགལ་འགྱུར་ཞེས།། ཐེ་ཚོམ་ཟ་འགྱུར་དེ་དག་ལ།། མཐོང
15a7 བ་མེད་པའི་དོན་དེ་ཉིད། ། ཡིད་ཀྱི་དོ་ལ་སྣང་འགྱུར་ན།། སྣང་ཞེས་དེ་ཕྱིར་བརྗོད་པར་བྱ།། དེ་བས་འཁྲུལ་པ་མ་ཟད་པར་ནམམ་མཐོང་བ་མེད་པ་དེ།། དེ་ཉིད་ཡིད་ལ་སྣང་འགྱུར་ཡང་།། གཟུགས་ལ་སྣང་བར་འགྱུར་བ་མིན།། སེམས།
15a8 ཉིད་བདེན་པར་མ་མཐོང་ན།། ཡིད་ལ་མཚན་མེད་དོན་གསལ་དང་།། མཚན་མ་འཁྲུལ་པར་རྒྱུ་བ་གཉིས།། འདྲེན་མར་རྒྱུ་བྱེད་འབྲལ་འགྱུར་མིན།། དེ་ཉིད་བདེན་པར་མཐོང་འགྱུར་ན།། དེ་ནས་དེ་མ་ཐག་ཏུ་ཡང་།། ཡིད་ཀྱི་རྒྱུ་བ་རྒྱུན
iiif viewer powered by OpenSeadragon
