| e-texts navigator |
| Wylie |
14b1 མི་བྱེད་དེ། ། རྒྱུ་ཡི་དུས་ཉིད་འབྲས་བུའི་མཆོག། དཔྱོད་པའི་སེམས་ཉིད་ཏིང་འཛིན་ནི།། སེམས་ཅན་དུས་ན་དོན་ལ་སྦྱོར།། ལྷུན་གྲུབ་ས་ལ་བགྲོད་མི་བྱེད།། འཁོར་བའི་ས་ཤེས་པདེ་ལྡན་གནས།། མི་གནས་འཁོར་བའི་སྡུག་བསྔ
14b2 ཡང་། བྱང་ཆུབ་འཁོར་ཟེའི་ལམ་དང་འབྲེལ།། སྒྱུ་མའི་མཚན་ཉིད་མ་བཀག་ཚུལ།། རང་བྱུང་རྟོག་བྲལ་གཅིག་ཏུ་མཉམ།། མཉམ་པ་ཉིད་ཀྱི་དོན་བརྩམ་པར།། ཆོས་ཉིད་ལ་ཡང་ཆོས་ཉིད་གསལ།། མཉམ་པས་མཉམ་ཞེས་ཚིག
14b3 བརྗོད་ཀྱང་། ། མཉམ་པའི་དོན་དང་འཐུན་མི་འགྱུར།། བྱང་ཆུབ་དེ་ཡང་མི་དམིགས་ཏེ།། མི་གནས་ཞེས་ནི་གང་བརྗོད་ཅིང་།། གནས་དང་དམིགས་པའི་གནས་འཛིན་པ།། གཟུང་འཛིན་ཞེས་ནི་དེ་ལ་བྱ།། སྒྲ་འདུར་བྱང་ཆུབ
14b4 སེམས་མེད་ན། ། དངོས་བྲལ་ཡུལ་མེད་སྟོང་པ་དག། མཁའ་ལ་རང་བཞིན་མི་གནས་ཞེས།། བསྟན་པ་དེ་ནི་ཡོད་མ་ཡིན།། བསམ་གཏན་ལུས་ནི་གཙེར་བྱེད་དང་།། གནས་དེ་ལུས་ཀྱི་ཕྱག་རྒྱ་ཀུན།། མཚན་མར་མངོན་པར་ཞེན་ལས
14b5 བྱུང་། མཚན་མེད་སེམས་ལ་བྱ་བ་རྩལ་མེད།། སྨིག་རྒྱུ་བཞིན་དུ་ལུས་རེང་ན།། གནས་དང་ཕྱག་རྒྱར་དམིགས་པ་མེད།། བྱེད་སྤྱོད་ཆེད་དུ་སྟོན་བྱེད་ཅིང་།། བྱ་མེད་བྱ་བའི་དམིགས་པའང་མེད།། དེ་ཉིད་མ་སྐྱེས་གཞི་མེད་པས།། གནས།
14b6 བདེར་ལུས་བཅོས་ཁ་ན་མེད།། ཞེན་པར་འཆོས་ལམ་སྤྱོད་བྱེད་པ།། དེ་ཉིད་གཟུང་འཛིན་རྣམ་རྟོག་སྟེ།། བསམ་གཏན་ལུས་དབེན་དབེན་མ་ཡིན།། མཁའ་ལ་སེམས་དབེན་དབེན་པའི་མཆོག། སེམས་ཉིད་དབེན་པའི་གནས
14b7 ཡིན་ཏེ། འདི་ནི་རྣལ་འབྱོར་སྤྱོད་མཆོག་གནས།། བླ་གབ་རི་བུག་གཞལ་མེད་མིན།། སེམས་ཉིད་དཔག་ཡངས་གཞལ་མེད་མཆོག། འདི་ནི་རྨད་བྱུང་ནོར་བུའི་གཞལ།། ཕྱི་དང་ནད་མེད་ཀུན་དུ་ནང་།། འདུ་བར་འདུས་པ་ཚོགས
14b8 མ་ཡིན། སེམས་ལ་ཡེ་ཤེས་ཚེགས་འདུས་མཆོག། ཆོས་ཀུན་འདུས་པས་ལུས་པ་མེད།། དཔག་མེད་རྒྱལ་བ་མཉེས་པའི་ཚོགས།། ཀུན་རྫོབ་འབྱོར་པ་ཡོ་བྱད་མིན།། སེམས་ཉིད་འབྱོར་པའི་རྫས་དང་ལྡན།། ལྷག་པའི་རྫས
iiif viewer powered by OpenSeadragon
