| e-texts navigator |
| Wylie |
13b1 ཆོས་སོ་ཅོག་གི་རང་བཞིན་གསལ།། གསལ་བ་ཉིད་ན་དེ་མི་དམིགས།། ཐབས་ཆེན་གཏིང་ཟབ་ཤེས་རབ་ལམ།། སྤྲོས་བྲལ་མཚན་མའི་འཕྲང་ལས་འདས།། གཏོས་ཆེས་ཡངས་པས་ལམ་གཉིས་བྲལ།། དབུས་མཐའ་མི་དམིས
13b2 མཉམ་པའི་ལམ། ། གཅིག་ཏུ་མཉམ་པར་ཆུང་ནས་ནི།། ཡུལ་མེད་ཚོལ་བའི་སེམས་བྲལ་དེ།། བླང་དོར་གཉིས་ཀྱི་མཐའ་སྤངས་ནས།། གནས་པ་མེད་པའི་ཚུལ་གྱིས་གནས།། ཆོས་ཉིད་དབྱིངས་སུ་རོ་གཅིག་ཕྱིར།། ཤེས་དང
13b3 ཤེས་བྱ་གཉིས་མེད་དེ། ། ཡེ་ནས་ཤེས་ཉིད་ཆོས་ཤེས་ན།། ཆོས་ཉིད་གཞན་ནས་བཅལ་ཅི་དགོས།། དཔེར་ན་སྒྱུ་མའི་བདེ་སྡུག་ཀྱང་།། བསལ་ནས་གཉི་ག་མི་དམིགས་ལྟར།། འཁོར་བ་འགྱུར་བའི་བདེ་སྡུག་ཀྱང་།། མཉམ་པར
13b4 རང་བཞིན་དོན་གྱིས་མཉམ། ། ཇི་ལྟར་དུས་རྣམས་ཐམས་ཅད་དག། མཉམ་པ་ཉིད་དུ་རྟོགས་ནས་ནི།། སྒྲོས་ཚིག་རྗེས་སུ་མ་འབྲངས་ན།། མཉམ་འགྱུར་དུས་རྣམས་ག་ལ་དམིགས།། མཁའ་ལ་དང་གིས་གཟུགས་མེད་ཕྱིར།།
13b5 དམིགས་སུ་ཟིན་པར་མི་འགྱུར་བཞིན།། སེམས་ཀྱིས་མ་སྐྱེས་དོན་མི་དཔོགས།། སྐྱོན་དང་ཡོན་ཏན་གཉིས་འབྱེད་པ།། རྟོགས་ནས་གཉིས་ཀྱི་དོན་སྤངས་ཏེ།། རང་བཞིན་མཉམ་པར་དོན་བཞག་ན།། བསྒོམ་ཞེས་མིང་དུ་བརྗོད།
13b6 པར་ཟད། གཉིས་སུ་ལྟ་བ་མ་སྐྱེས་ཕྱིར།། གཉིས་ཀྱི་འདུ་ཤེས་ཅི་འབྱུང་ཡང་།། རང་བྱུང་ཞི་བ་མ་བཀག་ཆོས།། ཡེ་ནས་མ་བཅོས་དོན་གྱིས་གསལ།། མ་སྐྱེས་རྣམ་དག་བྱང་ཆུབ་སེམས།། མི་གནས་ཡེ་ཤེས་ཐུགས་དང་མཉམ
13b7 རིག་དང་མ་རིག་ཁྱད་པར་ལས། ། འཁོར་འདས་རྟེན་དང་འབྲེལ་བར་སྣང་།། རྣམ་རྟོག་མེད་ཕྱིར་ཞི་བ་མེད།། འཛིན་པར་མ་ཡིན་སྤྲོས་བྲལ་མིན།། དྲང་བའི་དོན་བསྟན་མ་གཏོགས་པར།། དོན་ལ་ཚིག་གིས་བརྗོད་དུ་མེད།། སྣང་ཡང།
13b8 མེད་པའི་རང་བཞིན་ལ།། ཤེས་བློ་ཡོད་པའི་སེམས་མི་འབྱུང་།། མཉམ་ཉིད་སྟོང་པའི་དོན་འདི་ལ།། དོན་ལྡན་སྟོང་པའི་སྒོ་མི་འདོགས།། མ་བཅོས་རང་བཞིན་ཞི་བ་ཡི།། མཚན་མའི་རྟོག་བྲལ་ཤེས་ལྡན་པས།། མེད་དོ་ཙམ་དུའང་མི
iiif viewer powered by OpenSeadragon
